၆ လောင်း တွေ့ဟုဆို

March 4, 2017

တအာင်းတပ်က မိုင်းယုစခန်းအား ၀င်တိုက်၊ အလောင်း ၆ လောင်း တွေ့ဟုဆို

ရှမ်းပြည်နယ်၊ ကွတ်ခိုင်မြို့နယ်၊ မိုင်းယုလေးကျေးရွာရှိ မြန်မာ့တပ်မတာ် တပ်မ ၃၃ တပ်စခန်းကို ဒီနေ့မနက်ပိုင်းမှာ တအာင်းပလောင်တပ်မတော်က ၀င်ရောက်တိုက်ခိုက်ခဲ့ပြီး တပ်မတော်ဘက်က အလောင်း ၆ လောင်း တွေ့ရှိတယ်လို့ တအာင်းတပ်ပြောရေးဆိုခွင့်ရှိသူ ဗိုလ်မှူးမိုင်အိုက်ကျော်က ပြောပါတယ်။ “ကျဆုံးက ကျနော်တို့ဘက်က ၁ ဦး၊ ဒဏ်ရာရတာ ရှိပါတယ်။ ရန်သူဘက်ကတော့ အလောင်း ၆ လောင်းလောက် တွေ့တယ်။ သေနတ် ၈ လက်လောက် သိမ်းဆည်းရမိတယ်။ ၆ နာရီ တိုက်ပွဲပြီးတာနဲ့ ကျနော်တို့က ပြန်ခွာပေးလိုက်တယ်၊ ဒေသခံတွေအပြောအရတော့ အဲဒီစခန်းမှာ အင်အား ၃၀ လောက် ရှိတယ်။” ဒီနေ့မနက် ၃နာရီခွဲလောက်မှာ တအောင်းတပ်က မိုင်းယုလေးစခန်းကို ၀င်တိုက်ခဲ့တာဖြစ်ပြီး မနက် ၆ နာရီလောက်ထိ ၂ နာရီခွဲကြာ တိုက်ပွဲ ဖြစ်ပွားခဲ့တာပါ။ တအာင်းဘက်က အဆိုအရ အဲ့ဒီစခန်းမှာ တပ်မ ၃၃ နဲ့ ပန်းဆေးပြည်သူ့စစ်တို့ ပူးပေါင်းနေရာယူထားပြီး အနီးနားတ၀ိုက်ကို မူးယစ်ဆေးဝါးတွေ ဖြန့်ဖြူးရောင်းချတယ်၊ အနီးနားရှိ ဒုက္ခသည်စခန်းတွေအထိ မူးယစ်ဆေး ရောင်းချတဲ့အတွက် ဒုက္ခသည်စခန်းနေ ဒေသခံတွေလည်း မူးယစ်ဆေး စွဲကုန်တယ်။ ဒါကြောင့် ဒီစခန်းကို တအာင်းတပ်က ၀င်ရောက်တိုက်ခိုက် ရှင်းလင်းခဲ့တာလို့ သိရပါတယ်။ ဒီနေ့မနက် ၄ နာရီခွဲလောက်က နမ့်ခိုင်တံတားနဲ့ မလှမ်းမကမ်းက အလုပ်သမားစခန်းပေါ် လက်နက်ကြီးကျည် ကျရောက်ခဲ့တာကြောင့် လမ်းလုပ်သား ၃ ဦး ဒဏ်ရာရရှိခဲ့ပါတယ်။ ဒီတိုက်ပွဲနဲ့ ပတ်သက်လို့ တပ်မတော်ဘက်က တစုံတရာ သတင်းထုတ်ပြန်တာ မတွေ့ရပါဘူး။
5 years Ago
Up