၆၃၉

November 27, 2020

ကိုဗစ်လူနာသစ် ၁,၆၃၉ ဦးတွင် ရန်ကုန်က ၁၀၀၁ ဦး၊ မန္တလေးတိုင်းက  ၂၇၀ ဦးဖြင့် အများဆုံးတွေ့

မနေ့ညက ထုတ်ပြန်တဲ့ ကိုဗစ်-၁၉ ပိုးတွေ့လူနာအသစ် ၁,၆၃၉ ယောက်ထဲမှာ ရန်ကုန်တိုင်း က ၁၀၀၁ ယောက်၊ မန္တလေးတိုင်းက အယောက် ၂၇၀ နဲ့ အများဆုံးပါဝင်တယ်လို့ ကျန်းမာရေးနှင့် အားကစားဝန်ကြီးဌာနရဲ့ ဒီကနေ့ ညနေ ၄ နာရီ ထုတ်ပြန်ချက်အရ သိရပါတယ်။ ရန်ကုန်တိုင်းက အတည်ပြုလူနာတွေထဲမှာ ‌မင်္ဂလာဒုံမြို့နယ် ၁၀၅ ယောက်၊ မရမ်းကုန်း ၉၈ ယောက်၊ တောင်ဒဂုံ ၈၁ ယောက်၊ ရွှေပြည်သာ ၆၃ ယောက်၊ အင်းစိန် ၅၅ ယောက်စီနဲ့ အများဆုံးဖြစ်ပြီး စုစုပေါင်း မြို့နယ်ပေါင်း ၄၀ ပါဝင်နေတာ ဖြစ်ပါတယ်။ တိုင်းနဲ့ ပြည်နယ်တွေအလိုက် ကိုဗစ်-၁၉ ရောဂါပိုးတွေ့ရှိမှုအနေနဲ့ မန္တလေးတိုင်းမြို့နယ် ၂၀ မှာ အယောက် ၂၇၀ ယောက်၊ ရခိုင်ပြည်နယ်မြို့နယ် ၆ ခုမှာ ၁၉ ယောက်၊ ပဲခူးတိုင်းမြို့နယ် ၁၄ ခုမှာ ၁၄၄ ယောက်၊ ဧရာဝတီတိုင်းမြို့နယ် ၉ ခုမှာ ၅၄ ယောက်၊ မွန်ပြည်နယ်မြို့နယ် ၃ ခုမှာ ၁၄ ယောက်၊ မကွေးတိုင်းမြို့နယ်  ၅ ခုမှာ ၁၅ ယောက်၊ စစ်ကိုင်းတိုင်း မြို့နယ် ၈ ခုမှာ ၃၂ ယောက်၊ တနင်္သာရီတိုင်း မြိတ်မြို့နယ်မှာ ၃ ယောက်၊ ကရင်ပြည်နယ် မြို့နယ် ၃ ခုမှာ ၄၁ ယောက်၊ ရှမ်းပြည်နယ်မြို့နယ် ၈ ခုမှာ ၁၄ ယောက်၊ ကချင်ပြည်နယ် မြို့နယ် ၇ ခုမှ ၁၂ ယောက်၊ နေပြည်တော် မြို့နယ် ၂ ခုမှာ ၁၅ ယောက်၊ ချင်းပြည်နယ် မြို့နယ် ၃ ခုမှာ ၃ ယောက်၊ ကယားပြည်နယ် လွိုင်ကော်မြို့မှာ ၂ ယောက်စီ အသီးသီးတွေ့ရှိခဲ့ပါတယ်။ ဓာတ်ခွဲအတည်ပြုလူနာသစ်တွေထဲမှာ အနံ့မရရှိသူ ၂၇၉ ယောက် ပါဝင်တယ်လို့ ကျန်းမာ ရေးနဲ့ အားကစားဝန်ကြီးဌာနက ထုတ်ပြန်ထားပါတယ်။ မြန်မာနိုင်ငံမှာ နိုဝင်ဘာ ၂၆ ရက် ည ၈ နာရီအထိ ကိုဗစ်-၁၉ အတည်ပြုလူနာစုစုပေါင်း ၈၅,၂၀၅ ယောက်၊ သေဆုံးသူ ၁,၈၄၆  ယောက်နဲ့ ဆေးရုံက ဆင်းခွင့်ရသူပေါင်း ၆၄,၆၄၅  ယောက်ရှိပြီလို့ ကျန်းမာရေးဝန်ကြီးဌာနက ထုတ်ပြန်ထားပါတယ်။ ကမ္ဘာတဝန်းမှာတော့ ဒီနေ့ညနေအထိ ကိုဗစ်-၁၉ အတည်ပြုလူနာ ၆၁ သန်း ကျော်၊ သေဆုံးသူ ၁ ဒသမ ၄ သန်းကျော်နဲ့ ရောဂါသက်သာပျောက်ကင်းသူ ၄၂ သန်းကျော် ရှိနေပြီ ဖြစ်ပါတယ်။
5 months Ago
Up