၅ ဂိုးပြတ်

A d v e r t i s e m e n t With Us

March 13, 2020

မန်ယူနိုက်တက်က LASK အသင်းကို ၅ ဂိုးပြတ် အနိုင်ရ (ရုပ်သံဟိုက်လိုက်)

မနေ့ညက ယှဉ်ပြိုင်ကစားခဲ့တဲ့ ယူရိုပါလိဂ် ၁၆ သင်းအဆင့်ပွဲစဉ်မှာ မန်ယူနိုက်တက်က LASK အသင်းကို ၅ ဂိုးပြတ်အနိုင်ရရှိခဲ့ပါတယ်။ ဩစတြီးယားကလပ် LASK အသင်းရဲ့ အိမ်ကွင်းမှာ ယှဉ်ပြိုင်ကစားခဲ့တာဖြစ်ပြီး ကိုရိုနာဗိုင်းရပ်စ်ကူးစက်ပျံ့နှံ့နေမှုကို ကာကွယ်တဲ့အနေနဲ့ အဆိုပါပွဲကို ပရိသတ်မပါဘဲ ကစားခဲ့ကြပါတယ်။ ဒီပွဲမှာ ဧည့်သည်အသင်းက ဘောလုံးပိုင်ဆိုင်မှုအသာစီးနဲ့ ဂိုးပေါက်ကန်သွင်းခွင့်လည်း ပိုမို ရရှိခဲ့ပါတယ်။ မန်ယူနိုက်တက်အတွက် အဖွင့်ဂိုးကိုတော့ ပွဲချိန် ၂၈ မိနစ်မှာ ဖာနန်ဒက်စ်ပေးပို့မှုကနေ တိုက်စစ်မှူး အီဂါလိုက လှလှပပသွင်းယူခဲ့ပါတယ်။  ဒီနောက် ပထမပိုင်းမှာ ဂိုးထပ်မံသွင်းယူနိုင်ခဲ့ခြင်း မရှိခဲ့ဘဲ ဒုတိယပိုင်း ပွဲချိန် ၅၈၊ ၈၂၊ ၉၀ နဲ့ နာကျင်အချိန်ပို ၉၁ မိနစ်တွေမှာ ဂျိမ်း၊ မာတာ၊ ဂရင်းဝုဒ်နဲ့ ပါရဲရားတို့က ၁ ဂိုးစီ သွင်းယူခဲ့ပြီး မန်ယူနိုက်တက်က ၅ ဂိုးပြတ်အနိုင်ရရှိခဲ့တာပါ။ ယူရိုပါလိဂ် အခြားပွဲစဉ်တွေမှာတော့ ဖရန့်ဖတ် ၀-၃ ဘေဆဲ၊ အင်စတန်ဘူ ၁-၀ ကိုပင်ဟေဂင်၊ အိုလံပီယာကော့ ၁-၁ ဝုလ်ဗာဟမ်သန်၊  ရိန်းဂျား ၁-၃ လေဗာကူဆင်၊ ဝုဖ်ဘတ် ၁-၂ ရှက်တာဒိုးနက်စ် အသီးသီး ရပ်လဒ်ထွက်ပေါ်ခဲ့ပါတယ်။ ယူရိုပါလိဂ် ၁၆ သင်းအဆင့် ဒုတိယအကျော့ပွဲစဉ်တွေကို မတ် ၁၉ ရက်နေ့ ယှဉ်ပြိုင်ကစားရမှာဖြစ်ပေမဲ့ ကမ္ဘာတဝန်း ကိုရိုနာဗိုင်းရပ်စ် ကူးစက်ပျံ့နှံ့နေမှုကြောင့် ကွင်းပိတ်ကျင်းပမလား ပွဲစဉ်တွေ ရွှေ့ဆိုင်းမလား ဆိုတာတော့ မသိရသေးပါဘူး။
12 months Ago
Up