၃ လ

December 20, 2020

မန္တလေးခရိုင်တွင် ၃ လကျော်ကာလ fever clinic ၌ လာပြသူများထဲက ၁၇၀ ကျော် ကိုဗစ်ပိုးတွေ့

မန္တလေးခရိုင်းအတွင်း မြို့နယ်အချို့မှာ ဖွင့်လှစ်ထားတဲ့ fever clinic တွေမှာ ၃ လကျော်ကာလအတွင်း လာပြသူတွေထဲက ၃၅၀ လောက် လွှဲပေးခဲ့ပြီး ၁၇၉ ဦးမှာ ကိုဗစ်-၁၉ ရောဂါပိုး တွေ့ရှိခဲ့တယ်လို့ သိရပါတယ်။ fever clinic တွေမှာ စက်တင်ဘာလ ၇ ရက်နေ့ကနေ ဒီဇင်ဘာလ ၁၅ ရက်နေ့အထိ ဖျားနာသူ ၁၁၀၀ ကျော် လာရောက်ပြသခဲ့တယ်လို့ မန္တလေးတိုင်း Covid 19 response team working committee ရဲ့ ဥက္ကဋ္ဌ ဒေါက်တာ ခင်မောင်ကျော်က ပြောပါတယ်။ “fever clinic ကို လာပြတာ ၁၁၀၀ လောက် လာပြတယ်။ အဲ့ဒီထဲမှာ ဆေးရုံကြီးကို ၃၅၀ လောက် ကျနော်တို့ လွှဲပြောင်းရတယ်။ အဲ့ဒီတော့ ၂၉ ရာခိုင်နှုန်းလောက် ကျနော်တို့ ဆေးရုံကြီးကို လွှဲရတယ်။ အဲ့ဒီ ၃၅၀ ကနေပြီးတော့မှ ၁၇၉ ယောက် ပေါ့စတစ်ထွက်တယ်။ အဲဒီတော့ ဆေးရုံကြီး လွှဲတဲ့သူရဲ့ ၄၈.၈ ရာခိုင်နှုန်းကတော့ ပေါ့စတစ်ဖြစ်တာကို တွေ့ရတယ်” လို့ ပြောပါတယ်။ မန္တလေးခရိုင်၊ မဟာအောင်မြေမြို့နယ်မှာ ဒီဇင်ဘာလ ၁၈ ရက်နေ့က ဖွင့်လှစ်လိုက်တဲ့ ဒေသန္တရကျန်းမာရေးဌာနမှာ ဖျားနာနေသူတွေအတွက် တစ်ရက်ကို နှစ်ကြိမ် ဆေးခန်းဖွင့်လှစ်ပြီး ဆေးကုသမှု ပေးနေပါတယ်။ မန္တလေးခရိုင်မှာ ကိုဗစ်-၁၉ ကူးစက်မှု ပထမလှိုင်းကာလကတည်းက ချမ်းမြသာစည်၊ အောင်မြေသာစံနဲ့ ပြည်ကြီးတံခွန် မြို့နယ်တွေမှာ (fever clinic) ဒေသန္တရဆေးခန်းတွေကို ဖွင့်လှစ်ခဲ့တာဖြစ်ပြီး ပိုးတွေ့နှုန်း ကျဆင်းသွားတာကြောင့် ပြန်ပိတ်ထားခဲ့တာပါ။  စက်တင်ဘာလကစပြီး ပိုးတွေ့နှုန်း ပိုမိုများပြားလာတာကြောင့်  ဒေသန္တရဆေးခန်းတွေကို ပြန်လည်ဖွင့်လှစ်ခဲ့တာဖြစ်ပြီး စက်တင်ဘာ ၇ ရက်နေ့မှာ ချမ်းမြသာစည်မြို့နယ်၊ စက်တင်ဘာ ၁၄ ရက်နေ့မှာ အောင်မြေသာစံမြို့နယ်၊ နိုဝင်ဘာ ၃ ရက်နေ့မှာ ချမ်းအေးသာစံ မြို့နယ်နဲ့ ငါးခုမြောက် ဒေသန္တရဆေးခန်းအဖြစ် နိုဝင်ဘာ ၁၈ ရက်နေ့က မဟာအောင်မြေမြို့နယ်မှာ ဖွင့်လှစ်ခဲ့တာ ဖြစ်ပါတယ်။ ဒေါက်တာ ခင်မောင်ကျော်က “ချမ်းမြသာစည်မြို့နယ်နဲ့ အောင်မြေသာစံမှာ မနက်ပိုင်း ၉ နာရီကနေ ၁၁ နာရီထိ ဖွင့်ပါမယ်။ တတိယဖွင့်ခဲ့တဲ့ ချမ်းအေးသာစံမှာ နေ့လယ် ၂ နာရီကနေ ၄ နာရီထိ ဖွင့်ပါမယ်။ ဒီမှာကတော့ ကျနော်တို့ နှစ်ကြိမ်ဖွင့်မယ်။ မနက် ၉ နာရီကနေပြီးတော့ ၁၁ နာရီ၊ ညနေ ၂ နာရီကနေ ၄ နာရီ ဖွင့်ပါမယ်။ ဘာဖြစ်လို့လဲဆိုတော့ ဒီမြို့နယ်မှာရှိတဲ့ နယ်ခံစေတနာ့ဝန်ထမ်း ဆရာဝန်တွေကလည်း သူတို့ကိုယ်တိုင်ကိုကမှ ဖွင့်ချင်တာပါ၊ ဒါကြောင့် ကျနော်တို့က ဖွင့်ခွင့်ပေးပါတယ်။ ဒီမှာ ဆရာဝန် ၆ ယောက်၊ သူနာပြု ဆရာမ ၆ ယောက်နဲ့ မနက် ည ဆက်ပြီးတော့ လုပ်သွားမှာ ဖြစ်ပါတယ်” လို့ ပြောပါတယ်။ မဟာအောင်မြေမြို့နယ်က Fever clinic မှာ mobile swab team လည်း ရှိပြီး အစိုးရတာဝန်ရှိသူတွေက တရားဝင်ခွင့်ပြုမယ်ဆိုပါက ခရီးသွားလာလိုသူတွေကိုပါ ဆေးစစ်ပေးနိုင်တဲ့ အနေအထားရှိတယ်လို့လည်း သိရပါတယ်။ မန္တလေးတိုင်းမှာ ဖေဖော်ဝါရီလကနေ ဒီဇင်ဘာ ၁၉ ရက်နေ့အထိ ကိုဗစ်-၁၉ ပိုး ကူးစက်ခံရသူ ၁၀,၇၅၅ ဦးရှိပြီး ပိုးကင်းစင်သူ ၇၉၆၆ ဦး ရှိကာ ၁၅၆ ဦး သေဆုံးခဲ့တယ်လို့ တိုင်းအစိုးရက ထုတ်ပြန်ထားပါတယ်။
5 months Ago

October 15, 2019

ဆန်းချက်ဇ် ဒဏ်ရာကြောင့် ၃ လခန့် အနားယူရမည် 

အင်တာမီလန်တိုက်စစ်မှူး ဆန်းချက်ဇ်ဟာ ဒဏ်ရာကြောင့် ၃ လလောက် အနားယူရတော့မှာ  ဖြစ်ပါတယ်။ ဆန်းချက်ဇ်ဟာ စနေနေ့က ကစားသွားခဲ့တဲ့ ကိုလံဘီယာအသင်းနဲ့ ခြေစမ်းပွဲစဉ်မှာ ခြေချင်းဝတ် ဒဏ်ရာရခဲ့လို့ လူစားလဲခဲ့ရပါတယ်။ ဆန်းချက်ဇ်ရဲ့ဒဏ်ရာဟာ ပြင်းထန်တာကြောင့် ခွဲစိတ်ကုသမူခံယူရဖို့ ရှိနေပြီး ၃ လလောက် အနားယူရဖို့ရှိနေကြောင်း ချီလီအသင်းနည်းပြ ရူဒီယာက အတည်ပြုခဲ့တာ ဖြစ်ပါတယ်။ ဆန်းချက်ဇ်ဟာ အင်တာမီလန်အသင်းနဲ့ ပွဲဦးထွက်ပွဲစဉ်မှာ ၂ ဂိုး သွင်းယူနိုင်ခဲ့ပေမယ့် အနီကတ်နဲ့ အထုတ်ခံခဲ့ရပါတယ်။ နိုင်ငံ့လက်ရွေးစင်အသင်းမှာ ကစားရင်း ဒဏ်ရာရရှိခဲ့တာဟာ အင်တာမီလန်အသင်းအတွက်တော့ နစ်နာသွားခဲ့ရပါတယ်။ ဆန်းချက်ဇ်ဟာ မန်ယူအသင်းကနေ တရာသီ အငှားစာချုပ်နဲ့ သွားရောက်ကစားနေတာ ဖြစ်ပါတယ်။
2 years Ago
Up