၃ ပုံ ၁ ပုံ

June 6, 2021

ထိုင်းတွင် ကိုဗစ်-၁၉ ကူးစက်မှုအသစ် ၃ ပုံ ၁ ပုံနီးပါးမှာ မြို့တော်ဘန်ကောက်မှဖြစ်

      ထိုင်းနိုင်ငံမှာ ကိုဗစ်-၁၉ ရောဂါကူးစက်မှုအသစ် စုစုပေါင်းရဲ့ ၃ ပုံ ၁ ပုံနီးပါးဟာ မြို့တော် ဘန်ကောက်ကဖြစ်တယ်လို့ နေးရှင်းသတင်းမှာ ဖော်ပြပါတယ်။

      ကိုဗစ်-၁၉ ရောဂါကြောင့် တရက်အတွင်း သေဆုံးသူအသစ် ၃၆ ယောက်နဲ့ ကူးစက်မှုအသစ် ၂,၈၁၇ ယောက်ရှိခဲ့ပြီး အဲဒီထဲမှာ အကျဉ်းသား ၃၁၅ ယောက်နဲ့ နိုင်ငံခြားခရီးတွေက ပြန်လာသူ ၅၆ ယောက် ပါဝင်နေတာပါ။

      ဘန်ကောက်ခရိုင်ကတော့ ကူးစက်မှုအသစ် ၉၁၅ ယောက်နဲ့ အများဆုံးဖြစ်နေပြီး သူ့နောက်မှာ ပထုံဌာနီခရိုင်က ၄၁၁ ယောက်၊ ဆမွတ်ဆခွန်ခရိုင်က ၂၉၃ ယောက်၊ ဆ မွတ်ပရာကန်ခရိုင်က ၁၄၃ ယောက်နဲ့ ဖက်ချဘူရီခရိုင်က ၁၃၀ ယောက်စီ အသီးသီးကူး စက်ခံထားရတာ ဖြစ်ပါတယ်။

      တချိန်တည်းမှာပဲ ကိုဗစ်-၁၉ ရောဂါကူးစက်ခံရတဲ့ လူနာ ၃၃၉၆ ယောက်ကတော့ ပြန်လည်ပျောက်ကင်းသက်သာလာခဲ့လို့ ဆေးရုံက ဆင်းခဲ့တယ်လို့ ဆိုပါတယ်။

      လတ်တလောအချိန်ထိ ထိုင်းနိုင်ငံတဝန်း ကိုဗစ်-၁၉ ကူးစက်ခံရသူ စုစုပေါင်းဟာ ၁ သိန်း ၇ သောင်းကျော်လာခဲ့ပြီဖြစ်ကာ ၁၂၄,၀၀၀ ကျော်ကတော့ ပြန်လည်ပျောက်ကင်း သက်သာလာခဲ့ကာ ဆေးရုံတက်ရောက်ကုသမှုခံယူနေသူ ၄၉,၀၀၀ ကျော်နဲ့ သေဆုံးသူ ပေါင်း ၁,၂၀၀ ကျော်ရှိလာခဲ့ပြီး ကမ္ဘာ့နိုင်ငံတွေထဲ ကူးစက်မှုအမြင့်ဆုံးအဆင့် ၈၀ ကို ရောက်ရှိလာပါတယ်။

      ပြီးခဲ့တဲ့ ၂၄ နာရီအတွင်း နိုင်ငံတဝန်း ကိုဗစ်-၁၉ ကာကွယ်ဆေး ပထမအကြိမ်နဲ့ ဒုတိယအကြိမ် ထိုးနှံပြီးသူ အရေအတွက် ၉ သောင်းကျော်စီ ရှိနေပြီး စုစုပေါင်း လူဦးရေ ၄ သန်းကျော် ထိုးနှံပြီးဖြစ်တယ်လို့ ဆိုပါတယ်။

      ကမ္ဘာတဝန်းမှာတော့ အမေရိကန်နိုင်ငံက ကိုဗစ်-၁၉ ရောဂါကူးစက်ခံရသူပေါင်း ၃၄ သန်းကျော်၊ အိန္ဒိယနိုင်ငံက ၂၈ သန်းကျော်၊ ဘရာဇီးနိုင်ငံက ၁၆ သန်းကျော်စီနဲ့ ကူး စက်မှုအမြင့်ဆုံးနိုင်ငံတွေအဖြစ် ရပ်တည်နေပါတယ်။

5 months Ago
Up