၂၇ ဦး ကို‌‌ဗစ်ပိုးတွေ့

July 3, 2021

သထုံမြို့နယ်၌ လသားအရွယ်ကလေးအပါအဝင် ၂၇ ဦး ကို‌‌ဗစ်ပိုးတွေ့ရှိ

မွန်ပြည်နယ်၊ သထုံမြို့နယ်မှာ ဇူလိုင် ၃ ရက်နေ့က ကို‌‌ဗစ်-၁၉ အတည်ပြုလူနာ ၂၇ ဦး ထပ်မံတွေ့ရှိခဲ့တယ်လို့ ကို‌ဗစ်အရေး ကူညီဆောင်ရွက်နေသူတွေက ဒီဗွီဘီကို ပြောပါတယ်။

ရောဂါပိုးတွေ့ရှိခဲ့တဲ့ ကိုဗစ်တည်ပြုလူနာတွေထဲမှာ ၁ ခွဲလအရွယ် ကလေးငယ်တစ်ဦး ပါဝင်လာခဲ့ပါတယ်။

ရောဂါပိုးတွေ့ရှိသူတွေဟာ ကိုဗစ်အတည်ပြုလူနာနဲ့ အဓိက ‌ထိတွေ့ထားတဲ့ အများစုမှာ ကိုဗစ်ပိုး ထပ်မံကူးစက်ခံခဲ့ရတာဖြစ်ပြီ ကျန်လူနာအချို့က အနံ့ပျောက်ပြီး ရောဂါ ရှိ မရှိလာ ရောက် စစ်ဆေးသူတွေ ဖြစ်ပါတယ်။

ရောဂါပိုးတွေ့ရှိသူ ၂၇ ဦးအနက်  ၁၃ ဦးဟာ သထုံမြို့နယ် ပေါ်တော်မူကျေးရွာနေသူတွေဖြစ်ပြီး ကျန် ၁၄ ဦးကတော့ သထုံမြို့နယ်ရှိ ကျေးရွာ၊ ရပ်ကွက်အသီးသီးမှာ နေထိုင်သူတွေ ဖြစ်ပါတယ်။

သထုံမြို့နယ်မှာတော့ ဇူလိုင် ၃  ရက် အထိ ကိုဗစ်အတည်ပြုလူနာ ၁၀၀ ကျော်ရှိပြီး  အဲဒီထဲမှာ ၂ ဦး သေဆုံးထားပါတယ်။

7 months Ago
Up