၂၁ ရာစုပင်လုံ တတိယအစည်းအဝေး ဇွန်လကုန်ကျင်းပရန် အဆိုပြု

July 11, 2018

၂၁-ရာစုပင်လုံ တတိယအစည်းအဝေးစတင်၊ ဖက်ဒရယ်အခြေခံမှုရရှိရေး ကေအန်ယူ ဆွေးနွေးမည်

ပြည်ထောင်စုငြိမ်းချမ်းရေးညီလာခံ ၂၁-ရာစုပင်လုံ တတိယအစည်းအဝေးကို ဒီကနေ့ မနက် နေပြည်တော်မှာ စတင်ကျင်းပနေရာမှာ  ဖက်ဒရယ် အခြေခံမှုတွေရရှိနိုင်ဖို့ ပါဝင်ဆွေးနွေး သွားမယ်လို့ ကရင်အမျိုးသားအစည်းအရုံး (ကေအန်ယူ)က ကြေညာပါတယ်။ ငြိမ်းချမ်းရေးညီလာခံကို ကေအန်ယူဥက္ကဋ္ဌ ဗိုလ်ချုပ်ကြီးစောမူတူးစေးဖို့အပါအ၀င် ဗဟို အလုပ်အမှုဆောင်တွေ၊ တခြားအဖွဲ့ဝင် ၁၅ ဦးနဲ့ဖွဲ့စည်းထားတဲ့ နိုင်ငံရေးဆွေးနွေးရေးအဖွဲ့တို့ တက်ရောက်နေတာဖြစ်ပါတယ်။ ဒီညီလာခံဟာ ဒီမိုကရေစီနဲ့ ဖက်ဒရယ်စနစ်ကို အခြေခံတဲ့ ရေရှည်တည်တံ့ခိုင်မြဲတဲ့ ပြည်ထောင်စုတည်ထောင်ဖို့ လိုအပ်တဲ့ ဖက်ဒရယ် အခြေခံမှုတွေရရှိနိုင်ရေးအတွက် နိုင်ငံရေး ဆွေးနွေးပွဲဆိုင်ရာ ကဏ္ဍကြီး ၅ ခုဖြစ်တဲ့ နိုင်ငံရေး၊ လုံခြုံရေး၊ စီးပွားရေး၊ လူမှုရေး၊ မြေယာနဲ့ သဘာဝပတ်ဝန်းကျင်ကဏ္ဍတွေမှာ ပါဝင်ဆွေးနွေးသွားမယ်လို့ ကေအန်ယူရဲ့ ဆွေးနွေးပွဲအကြို ထုတ်ပြန်ချက်မှာဖော်ပြထားပါတယ်။ ညီလာခံမှာ အရေးကြီးတဲ့ ဖက်ဒရယ်အခြေခံမှုတွေကို ဆွေးနွေးဖို့ မရှိသေးပေမယ့် ယုံကြည်မှု တည်ဆောက်ရေးဆိုင်ရာ အထောက်အကူပြုတဲ့အတွက် ကွဲပြားနေတဲ့ အခြေခံ ယူဆချက်တွေကို သဘောထားကြီးကြီးနဲ့ အပြန်အလှန် အသိအမှတ်ပြုရင်း ဆွေးနွေးသွား မယ်လို့ လည်းဆိုပါတယ်။ ကေအန်ယူအနေနဲ့ ငြိမ်းချမ်းရေးနဲ့ အမျိုးသားပြန်လည်သင့်မြတ်ရေးကို ဦးတည်တဲ့ ပြည်ထောင်စုငြိမ်းချမ်းရေး သဘောတူညီချက်ရရှိအောင် ကြိုးစားပြီး အဲဒီရလဒ်အပေါ် အခြေခံကာ ၂၀၀၈ ဖွဲ့စည်းပုံအခြေခံဥပဒေအပါအ၀င် တခြားဥပဒေတွေကို လိုအပ်သလို ပြင်ဆင်၊ ဖြည့်စွက်၊ ပယ်ဖျက်တာတွေ ပြုလုပ်ဖို့ တစိုက်မတ်မတ်ကြိုးစားသွားမယ်လို့လည်း ကေအန်ယူ ကပြော ပါတယ်။ ပြည်ထောင်စုငြိမ်းချမ်းရေးညီလာခံ-(၂၁) ရာစုပင်လုံ တတိယအစည်းအဝေးကို ဇူလိုင် ၁၁ ရက်မှ ၁၆ ရက်အထိ နေပြည်တော်တွင် ကျင်းပနေတာဖြစ်ပြီး ကေအန်ယူအပါအ၀င် တနိုင်ငံလုံး အပစ်အခတ်ရပ်စွဲရေး သဘောတူစာချုပ် (အန်စီအေ) လက်မှတ်ရေးထိုးထားတဲ့ တိုင်းရင်းသား လက်နက်ကိုင်တပ်ဖွဲ့တွေက ကိုယ်စားလှယ်တွေ ပါဝင်တက်ရောက် ဆွေးနွေးကြမှာပါ။ ဒါ့အပြင် အန်စီအေ အပစ်ရပ်လက်မှတ် မထိုးရသေးတဲ့  ၀၊ ကိုးကန့်နဲ့ ကချင်အပါအ၀င် တိုင်းရင်းသားလက်နက်ကိုင် (၇) ဖွဲ့က အဆင့်မြင့်ခေါင်းဆောင်တွေလည်း ညီလာခံကို တက်ရောက်လာကြပါတယ်။
3 years Ago

June 4, 2018

၂၁ ရာစုပင်လုံ တတိယအစည်းအဝေး ဇွန်လကုန်ကျင်းပရန် အဆိုပြု

  ပြည်ထောင်စုငြိမ်းချမ်းရေးညီလာခံ-(၂၁)ရာစုပင်လုံ တတိယအစည်းအဝေးကို ဇွန် ၃၀ ရက် ကျင်းပဖို့ အစိုးရဘက်က အဆိုပြုထားတယ်လို့ ညီလာခံ အကြိုပြင်ဆင်ရေး ကော်မတီဝင် ဦးဇော်ဌေးက ပြောပါတယ်။ အစိုးရနဲ့ တနိုင်ငံလုံးအပစ်အခတ်ရပ်စဲရေးစာချုပ်မှာ လက်မှတ်ထိုး ထားကြတဲ့ တိုင်းရင်းသားလက်နက်ကိုင်တပ်ဖွဲ့ ၁၀ခုက ကိုယ်စားလှယ်တွေ မေလကုန်ပိုင်းက ရန်ကုန်မှာ အလွတ်သဘောဆွေးနွေးတုန်းက အဆိုပြုခဲ့တာ ဖြစ်ပါတယ်။ “ပထမတရက်မှာ ဇွန် ၃၀ နှစ်ဘက်စလုံးက သဘောတူတယ်။ အဆိုပြုတယ်ပေါ့နော်၊ ဒါပေမယ့် နောက်တရက်ကျ သူတို့ဘက်က အချိန်ဇယားအရ ခက်ခဲတယ်ဆိုတယ်၊ ကျနော်တို့ဘက်ကလည်း ကျနော်တို့ဘက်က အချိန်ဇယား ပြန်ပေးလိုက်တယ်။ အဲ့ဒါကို သူတို့ ယူသွားတယ်။ ယူသွားပြီး ပြန်ဆွေးနွေးပြီး ကျနော်တို့ကို ပြန်ပြောမယ်၊အဲ့ဒါပါပဲ။” အပစ်ရပ်တပ်ဖွဲ့တို့ရဲ့ လူမှုကွန်ရက်စာမျက်နှာမှာတော့ အစိုးရ၊ တပ်မတော်နဲ့  မေ၃၀နဲ့ ၃၁ရက်နေ့တွေမှာ နှစ်ရက်ဆက်တိုက်ပြုလုပ်ခဲ့တဲ့ နိုင်ငံရေးကဏ္ဍ အလွတ်သဘာ ဆွေးနွေးပွဲနဲ့ လုံခြုံရေးကဏ္ဍအလွတ်သဘော ဆွေးနွေးပွဲတွေကရရှိတဲ့ ဆွေးနွေးချက်တွေကို လာမယ့် NCA-S EAO ရဲ့ ငြိမ်းချမ်းရေးလုပ်ငန်းစဉ်ဦးဆောင်အဖွဲ့ အစည်းအဝေး (PPST meeting) မှာ ဆက်လက်တင်ပြသွားဖို့ရှိတယ်လို့ ဖော်ပြထားပါတယ်။ အဲ့ဒီဆွေးနွေးပွဲကိုတက်ရောက်ခဲ့တဲ့ NCA-S EAO ရဲ့ နိုင်ငံရေးကဏ္ဍ အလွတ်သဘော ဆွေးနွေးရေးအဖွဲ့ ဒုတိယအဖွဲ့ခေါင်းဆောင် ဒေါက်တာဆလိုင်းလျန်မှုန်းဆာခေါင်းက ခွဲမထွက်ရ နဲ့ ကိုယ်ပိုင်ပြဌာန်းခွင့်ကိစ္စရပ်မှာ တစ်ဆို့နေတယ်လို့ ပြောပါတယ်။ “ဒီငြိမ်းချမ်းရေး ဖြစ်စဉ်ကို မပျက်စီးစေချင်ဘူး။ အောင်မြင်အောင် မရမက ဆောင်ရွက်မှာ ဖြစ်ပါတယ်။ ဒီအတွက် လူထုတစ်ရပ်လုံးအနေနဲ့ ကျနော်တို့ တိုင်းရင်းသားလက်နက်ကိုင် အဖွဲ့အစည်းတွေပေါ်မှာ ဘာမှ သံသယမရှိစေချင်ဘူး။ အကောင်းဆုံးဖြစ်အောင် ကြိုးစားနေပါတယ်။ ဒါပေမယ့် ညီလာခံတွေကျင်းပပြီးတော့မှ ရလဒ်အဖြစ် ဘာမှမရှိသေးပဲနဲ့ ကျင်းပတဲ့ညီလာခံ တွေတော့ မဖြစ်စေချင်ဘူး။ ညီလာခံကျင်းပရင်တော့ ပြည်သူလူထုတရပ်လုံး အတွက်သော်လည်းကောင်း၊ ပြည်ထောင်စုကြီးအတွက်လည်းကောင်း၊ အကျိုးရှိတဲ့ ရေရှည်တည်တံ့ ခိုင်မြဲတဲ့ ငြိမ်းချမ်းရေးရလဒ်မျိုး ရရှိအောင် ကျနော်တို့ ကြိုးစားနေပါတယ်။ ဒီ package deal လို့ခေါ်တဲ့ ခွဲမထွက်ရဆိုတဲ့ အစုလိုက်တင်ပြချက်က တစ်ဘက်၊ ကျနော်တို့ တိုင်းရင်းသားတွေ နှစ်ပေါင်း (၇၀) ကြာ လက်နက်ကိုင်တော်လှန်ရေးတွေ လုပ်ပြီးတောင်းဆိုနေတဲ့ ဒီမိုကရေစီရေး၊ အမျိုးသားတန်းတူရေးနဲ့ ကိုယ်ပိုင်းပြဋ္ဌာန်းခွင့် အခွင့်အရေးတွေကတစ်ဘက် ဒီနှစ်ခုကို ညီမျှချက်လာလုပ်နေတာ ကျနော်တို့တွေ အခက်အခဲ ဖြစ်နေပါတယ်။ ဒါကိုကျော်လွှားဖို့ နည်းလမ်းတွေ ရှာဖွေနေပါတယ်။” ပြည်ထောင်စုငြိမ်းချမ်းရေးညီလာခံ-(၂၁)ရာစုပင်လုံ ဒုတိယအစည်းအဝေးကို ၂၀၁၇ခုနှစ် မေလအတွင်းက ကျင်းပခဲ့ပြီး တနှစ်ကျော်လာချိန်အထိ တတိယအစည်းအဝေး မကျင်းပနိုင်ဘဲ ကြံ့ကြာနေတာ ဖြစ်နေတာပါ။
3 years Ago
Up