၂၀၁၇-၂၀၁၈ ဘဏ္ဍာနှစ်

May 18, 2018

၂၀၁၇-၂၀၁၈ ဘဏ္ဍာနှစ်အတွင်း တရားမဝင်သစ် တန်ချိန် ၄ သောင်းကျော် ဖမ်းမိ

၂၀၁၇-၂၀၁၈ ဘဏ္ဍာနှစ်အတွင်း တရားမဝင်သစ် တန်ချိန် ၄ သောင်းကျော်နဲ့ နိုင်ငံခြားသား အပါအဝင် တရားခံ ၆၅၀၀ ကျော် ဖမ်းဆီးမိခဲ့တယ်လို့ သိရပါတယ်။ နိုင်ငံတော်အစိုးရရဲ့ ပြည်သူ့အတွက် ဒုတိယ ၁ နှစ်တာ ကာလအတွင်း ဆောင်ရွက်ခဲ့မှုတွေနဲ့ ပတ်သက်ပြီး မနေ့က နေပြည်တော်မှာ ကျင်းပတဲ့ ဝန်ကြီးဌာနအလိုက် သတင်းစာရှင်းလင်းပွဲမှာ သယံဇာတနှင့်သဘာဝပတ်ဝန်းကျင်ထိန်းသိမ်းရေး ဝန်ကြီးဌာန အမြဲတမ်းအတွင်းဝန် ဦးခင်မောင်ရီက ပြောကြားခဲ့တာပါ။ သစ်တောပြုန်းတီးမှုနှင့် သဘာဝပတ်ဝန်းကျင် ပျက်စီးမှုတို့အား ထိန်းသိမ်းကာကွယ် စောင့်ရှောက်ဖို့နဲ့ တရားဥပဒေစိုးမိုးစေဖို့ ဆက်စပ်ဌာနဆိုင်ရာတွေနဲ့ ပူးပေါင်းပြီး တရားမင် စစ်ထုတ်လုပ် သယ်ဆောင်မှုတွေကို ဖမ်းဆီးခဲ့တာလို့ ဖော်ပြထားပါတယ်။ တရားမဝင် ကျွန်း၊ သစ်မာ၊ အခြား စုစုပေါင်း (၄၂,၈၉၃.၄၃၁၆) တန်၊ နိုင်ငံခြားသား ၁၉ ဦး အပါအဝင် တရားခံ ၆,၅၉၁ ဦး၊ ယာဉ်/ ယန္တရား ၃၁၉၂ စီး ဖမ်းဆီးနိုင်ခဲ့တယ်လို့ ဆိုပါတယ်။ Photo : Forest Department
4 years Ago

February 27, 2018

လက်ရှိဘဏ္ဍာနှစ် ပထမ ၆ လအတွင်း အခွန်ငွေကျပ် ၃၀၀၀ ဘီလီယံ ကျော်ရရှိ

၂၀၁၇-၂၀၁၈ ဘဏ္ဍာရေးနှစ် ပထမ ၆ လပတ်အတွက် ကောက်ခံရတဲ့ အခွန်ငွေဟာ မူလ လျာထားချက်ထက် ကျော်လွန်ပြီး ကျပ်ငွေ ၃၀၇၈ ဒသမ ၇၉၉ ဘီလီယံ ကောက်ခံရရှိတယ်လို့  စီမံဘဏ္ဍာ ဒုဝန်ကြီး ဦးမောင်မောင်ဝင်းက ပြောပါတယ်။ ဖေဖော်ဝါရီ ၂၆ ရက် ပြည်ထောင်စုလွှတ်တော် ပုံမှန်အစည်းအဝေးမှာ  ပြည်ထောင်စုအစိုးရအဖွဲ့က ပေးပို့တဲ့  ၂၀၁၇-၂၀၁၈ ခု၊ ဘဏ္ဍာရေးနှစ် ပထမ ၆ လပတ် အခွန်ကောက်ခံရရှိမှု အခြေအနေ အစီရင်ခံစာနဲ့ပတ်သက်ပြီး  စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စု  ဒုဝန်ကြီး ဦးမောင်မောင်ဝင်းက ပြောသွားတာပါ။ ၂၀၁၇-၂၀၁၈ ဘဏ္ဍာရေးနှစ်တခုလုံးတွက် အခွန်အကောက်ရငွေ လျာထားချက် မူလခန့်မှန်းခြေစာရင်းအရ ငွေကျပ် ၆၄၈၁ ဒသမ ၀၀၈ ဘီလီယံ ဖြစ်ပါတယ်။ ၂၀၁၇-၂၀၁၈ ဘဏ္ဍာရေးနှစ် ပထမ ၆ လပတ်အတွက် အခွန်အကောက် ၂၁ မျိုးမှ ကောက်ခံဖို့ လျာထားချက်ကတော့  ငွေကျပ် ၂၅၅၃ ဒသမ ၆၈၅ ဘီလီယံဖြစ်ပြီး ကောက်ခံရရှိမှု အခြေအနေကတော့ ကျပ် ၃၀၇၈ ဒသမ ၇၉၉ ဘီလီယံ၊ အကောင်အထည်ဖော်နိုင်မှု ရာခိုင်နှုန်းမှာ ၁၂၀ ဒသမ ၅၆ ရာခိုင်နှုန်း ရှိတယ်လို့ သိရပါတယ်။ နိုင်ငံတော်အနေနဲ့ အနာဂတ်ကာလမှာ နိုင်ငံတော်အစိုးရရဲ့ အသုံးစရိတ်တွေကို အခွန်အရပ်ရပ် ကောက်ခံရရှိမှုက ရငွေတွေနဲ့ အဓိကတည်မှီသုံးစွဲရမှာ ဖြစ်တယ်။ ဒါပေမယ့် မြန်မာပြည်ရဲ့ အခွန်အကောက်ရငွေနဲ့  ဂျီဒီပီအချိုးကတော့ နိမ့်ကျနေဆဲဖြစ်လို့  ရသင့်ရထိုက်တဲ့ အခွန်အကောက်တွေ  အပြည့်အဝ ကောက်ခံရရှိဖို့ အခွန်အခြေချဲ့ရေးတို့ကို ကြိုးပမ်းဆောင်ရွက်ရမယ်လုိ့ ဒုဝန်ကြီး ဦးမောင်မောင်ဝင်းက လွှတ်တော်မှာ ပြောပါတယ်။ ဥပဒေကြမ်းကော်မတီ အတွင်းရေးမှူး ဒေါက်တာစိုင်းဆိုင်ကျောက်ဆမ်ကတော့  အခွန်ရငွေ တိုးတက်ရရှိဖို့ ဆောင်ရွက်ရာမှာ  တည်ဆဲအခွန်မူဝါဒနဲ့ ကိုက်ညီတဲ့ သွယ်ဝိုက်ခွန်တွေဖြစ်တဲ့ ကုန်သွယ်လုပ်ငန်းခွန်နဲ့ အထူးကုန်စည်ခွန်တွေသာမက တိုက်ရိုက်ခွန်ဖြစ်တဲ့ ဝင်ငွေခွန်တွေကိုလည်း အထူးအလေးထား ဖိဖိစီးစီး ကောက်ခံသင့်တယ်လို့ လွှတ်တော်မှာ ဆွေးနွေးသွားပါတယ်။ ဒါ့အပြင် အခွန်ထမ်းဆောင်မှု အလေ့အထ ပြန့်ပွားတိုးတက်စေဖို့ ပညာပေးလုပ်ငန်းတွေ ဆောင်ရွက်ရာမှာ တံဆိပ်ခေါင်းခွန် ထမ်းဆောင်တာကြောင့် ပြည်သူတွေ ရရှိခံစားနိုင်မယ့် အခွင့်အရေးတွေကို ပြည်သူတွေ ပိုမိုသိရှိစေဖို့ ပညာပေးမှုတွေ ကျယ်ပြန့်စွာ ဆောင်ရွက်သင့်တယ်၊ အခွန်ကျေပွန်စွာ ထမ်းဆောင်သူတွေကို အလေးထားပြီး သူတို့ရဲ့ အခွင့်အရေးကို ကာကွယ်ပေးနိုင်ဖို့  အခွန်တိမ်းရှောင်မှု၊ အခွန်ငွေ ထိမ်ချန်မှုနဲ့ ကုန်စည်တွေ တရားမဝင် တင်သွင်း၊ ထုတ်လုပ်၊ ရောင်းဝယ်ဖောက်ကားမှုတို့ကိုလည်း ထိရောက်စွာ ကာကွယ်တားဆီးနိုင်ရေး ကြိုးပမ်းဖို့လည်း တိုက်တွန်းသွားပါတယ်။ မနေ့က ပြည်ထောင်စုလွှတ်တော် အစည်းအဝေးမှာ ၂၀၁၈ ခုနှစ် ဧပြီလမှ စက်တင်ဘာလအထိ ၆ လ အမျိုးသားစီမံကိန်းဥပဒေကြမ်းနဲ့ ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေကြမ်းတို့နဲ့ပတ်သက်ပြီးလည်း ဆွေးနွေးခဲ့ကြပါတယ်။ ဓာတ်ပုံ - MOI
4 years Ago
Up