၂၀၁၅ ရွေးကောက်ပွဲ

July 15, 2015

ကိုယ်စားလှယ်လောင်းစာရင်း တင်သွင်းနိုင်ပြီ

မသန်စွမ်းသူများ အပါအ၀င် ရွေးကောက်ပွဲဝင်မယ့် ကိုယ်စားလှယ်လောင်းများ လာမယ့် ဇူလိုင် ၂၀ ရက်နေ့ကစပြီး အမည်စာရင်း တင်သွင်းနိုင်ပြီလို့ ပြည်ထောင်စု ရွေးကောက်ပွဲကော်မရှင်က ကြေညာပါတယ်။ မိမိတို့ယှဉ်ပြိုင်မယ့် ခရိုင်ကော်မရှင်ရုံးမှာ အမည်စာရင်း တင်သွင်းရမှာဖြစ်ပြီး တိုင်းရင်းသား ဒေသတွေမှာ ၀င်ပြိုင်မယ့် ကိုယ်စားလှယ်လောင်းကတော့ တိုင်း သို့မဟုတ် ပြည်နယ် ရွေးကောက်ပွဲကော်မရှင်ရုံးမှာ သွားရောက် အမည်စာရင်းသွင်းရမယ်လို့ ကြေညာချက်မှာ ဖော်ပြထားပါတယ်။ ၀င်ပြိုင်မယ့် ကိုယ်စားလှယ်လောင်းကိုယ်တိုင် သို့မဟုတ် ကိုယ်စားလှယ်ရဲ့ ရွေးကောက်ပွဲ ကိုယ်စားလှယ်က အမည်စာရင်း တင်သွင်းရမှာဖြစ်ပြီး အမည်စာရင်း တင်သွင်းတဲ့အခါ ရွေးကောက်ပွဲဝင်ခွင့် အာမခံကြေး ကျပ် ၃ သိန်း ဘဏ်သွင်းထားတဲ့ ချလံကိုပါ တပါတည်း ပူးတွဲ တင်သွင်းရမှာ ဖြစ်ပါတယ်။ ကိုယ်စားလှယ်လောင်းတဦးဟာ မဲဆန္ဒနယ် တနယ်ထက်ပိုပြီး အမည်စာရင်း တင်သွင်းခွင့် မပြုသလို မိမိဆန္ဒအရ အမည်စာရင်း ပြန်ရုပ်သိမ်းချင်ရင် သြဂုတ် ၉ ရက်ကနေ ၁၁ ရက်အတွင်း ပြန်ရုပ်သိမ်းနိုင်ကြောင်းလည်း ကော်မရှင်က သတိပေးကြေညာထားပါတယ်။ ကိုယ်စားလှယ်လောင်း အမည်စာရင်းကို သြဂုတ် ၈ ရက် နောက်ဆုံးထား တင်သွင်းရမှာဖြစ်ပြီး ကော်မရှင်က တင်သွင်းလာတဲ့ ကိုယ်စားလှယ်လောင်းတွေ စိစစ်ခြင်းလုပ်ငန်းကို သြဂုတ် ၁၂ ရက်မှ ၂၁ ရက်အတွင်း လုပ်ဆောင်သွားမှာ ဖြစ်ပါတယ်။ နိုဝင်ဘာ ၈ ရက် ပြုလုပ်မယ့် အထွေထွေရွေးကောက်ပွဲမှာ မဲဆန္ဒနယ် ၁၂၀၀ နီးပါးမှာ ကိုယ်စားလှယ်လောင်း ရွေးချယ်ကြရမှာဖြစ်ပြီး လတ်တလော သတင်းတွေအရ အာဏာရ ပြည်ခိုင်ဖြိုးပါတီနဲ့ အဓိက အတိုက်အခံဖြစ်တဲ့ အန်အယ်လ်ဒီပါတီတို့ပဲ မဲဆန္ဒနယ်အားလုံးမှာ ၀င်ရောက်ယှဉ်ပြိုင်မှာ ဖြစ်ပါတယ်။
6 years Ago

July 9, 2015

ရွေးကောက်ပွဲ ၀င်မည့် အစိုးရ၀န်ကြီးများ စတင်မဲဆွယ်စည်းရုံးနိုင်ပြီ

ပြည်ထောင်စုအစိုးရအဖွဲ့ဝင်တွေနဲ့ ဒု-၀န်ကြီးတွေအနေနဲ့ ရွေးကောက်ပွဲမှာ ၀င်ရောက်ယှဉ်ပြိုင်မယ်ဆိုပါက ဇူလိုင် ၈ ရက်နေ့ကစပြီး မဲဆွယ်စည်းရုံးခွင့် ရှိတယ်လို့  ရွေးကောက်ပွဲကော်မရှင်က ကြေညာလိုက်ပါတယ်။ ရွေးကောက်ပွဲဆိုင်ရာ ပါတီ စည်းရုံးမဲဆွယ် လုပ်ငန်းတွေနဲ့ ပတ်သက်ပြီး ဇူလိုင် ၈ ရက်နေ့စွဲနဲ့ ကော်မရှင်ရဲ့ ထုတ်ပြန်ချက်မှာ ဖော်ပြထားတာဖြစ်ပါတယ်။ အစိုးရ၀န်ကြီးတွေအပြင် ရွေးကောက်ပွဲမှာ ၀င်ရောက် ရွေးချယ်ခံမယ့် ပြည်ထောင်စု တရားသူကြီးချုပ်၊ ရှေ့နေချုပ်၊ စာရင်းစစ်ချုပ် စသူတွေလည်း ပါတီစည်းရုံးရေးလုပ်ငန်းတွေ စတင်လုပ်နိုင်ပြီလို့ ကြေညာချက်မှာ ဖော်ပြထားပါတယ်။ ပါတီစုံ ဒီမိုကရေစီ အထွေထွေရွေးကောက်ပွဲကို လာမယ့် နိုဝင်ဘာလ ၈ ရက်နေ့မှာ ကျင်းပမယ်လို့ ကော်မရှင်က ကြေညာထားတာဖြစ်ပြီး ရွေးကောက်ပွဲဆိုင်ရာ စုဝေးဟောပြောတာတွေ၊ မဲဆွယ်စည်းရုံးခွင့်တွေနဲ့ ပတ်သက်ပြီး ကိုယ်စားလှယ်လောင်းတွေ အတည်ပြုပြီးနောက် ထပ်ပြီး ထုတ်ပြန်ပေးသွားမယ်လို့လည်း ကော်မရှင်က ကြေညာထားပါတယ်။
6 years Ago
More News
Up