၁ လသား

A d v e r t i s e m e n t With Us

April 23, 2020

ထိုင်းနိုင်ငံတွင် COVID-19  ကူးစက်ခံ ၁ လသားအရွယ်ကလေးငယ် နေပြန်ကောင်း

ထိုင်းနိုင်ငံမှာ အသက်အငယ်ဆုံး ကိုရိုနာဗိုင်းရပ်စ် ကူးစက်ခံရသူ  တလသားအရွယ် ကလေးငယ်ဟာ  ဗိုင်းရပ်စ်နှိမ်နင်းဆေးဝါး လေးမျိုးစပ် ဆေးရည် သောက်ပြီးနောက်  နေပြန်ကောင်းလာတယ်လို့  ကလေးကုဆရာဝန်တဦးက ဧပြီ ၂၂ ရက်မှာ ပြောပါတယ်။ ဘမ်ရာဆန်နာရာဒူရာ ကူးစက်ရောဂါဆေးရုံမှာ  တလသား ယောကျာ်လေးကို ၁၀ ရက်ခန့် ဆေးတိုက်ခဲ့တယ်လို့ကလေးကုဆရာဝန် ဗီဆောင်းမူရာဆက်က    ပြောပြပါတယ်။  ကလေးငယ်ကို နေ့စဉ်ရက်ဆက် ကျန်းမာရေး စစ်ဆေးပေးခဲ့ပြီး  ဆေးတိုက်ပြီးနောက် ၃ ရက်ကနေ ၅ ရက်အတွင်း    ကလေးငယ်တဖြည်းဖြည်း ပြန်ကျန်းမာလာတာကို X-rayကနေ ဖော်ပြတယ်လို့  ဆရာဝန် ဗီဆောင်းက  ရှင်းပြပါတယ်။  တစ်နှစ်အောက် ကလေးငယ်တွေမှာ ဆေးဝါးဆိုင်ရာ ကန့်သတ်ချက်တွေကြောင့်  ကုသရာမှာ အခက်အခဲတွေ ရှိပေမယ့် ကလေးငယ်တွေရဲ့ COVID-19 လက္ခဏာဟာ လူကြီးတွေလောက် မပြင်းထန်ဘူးလို့  ဆရာဝန် ဗီဆောင်းက  ပြောပါတယ်။   ဧပြီ ၂၂ ရက်က ထိုင်းနိုင်ငံမှာ  COVID-19  ကူးစက်သူအသစ် ၁၅ ယောက် ရှိပြီး တစ်ယောက် ထပ်မံသေဆုံးခဲ့ပါတယ်။   ဒါကြောင့်  ထိုင်းနိုင်ငံမှာ စုစုပေါင်း ကူးစက်သူ  ၂၈၂၆  ယောက် ရှိလာပြီး  သေဆုံးသူ ၄၉ ယောက် ဖြစ်လာတယ်လို့ ရိုက်တာသတင်းက ဖော်ပြပါတယ်။ 
11 months Ago
Up