၁၉၇ ဦးရှိလာ

November 27, 2020

ကချင်တွင် ကိုဗစ်လူနာသစ် ၁၀ ဦးထပ်တွေ့၊ စုစုပေါင်း ၁၉၇ ဦးရှိလာ

ကချင်ပြည်နယ်မှာ နိုဝင်ဘာ ၂၇ ရက်နေ့က ကိုဗစ်-၁၉ လူနာသစ် ၁၀ ယောက် ထပ်မံတွေ့ရှိခဲ့ပြီး စုစုပေါင်း ၁၉၇ ယောက်ရှိပြီလို့ ပြည်နယ် ပြည်သူ့ကျန်းမာရေးဦးစီးဌာနက သိရပါတယ်။ ကချင်ပြည်နယ်ပြည်သူ့ကျန်းမာရေးဦးစီးဌာနမှူး ဒေါက်တာအေးသိန်းက ”ကချင်တစ်ပြည်နယ်လုံးမှာ ဒီနေ့တစ်ရက်တည်းမှာ ကိုဗစ်လူနာ ၁၀ ယောက်တိုးပါတယ်” လို့ ပြောပါတယ်။ ကချင်ပြည်နယ်အတွင်း ဝိုင်းမော်မြို့မှာ ၂ ယောက်၊ တနိုင်းမြို့မှာ ၁ ယောက်၊ မိုးမောက်မြို့မှာ ၂ ယောက်၊ ရွှေကူမှာ ၂ ယောက်၊ ဖားကန့်မြို့မှာ ၃ ယောက် ထပ်မံတွေ့ရှိခဲ့တာပါ။ ပိုးတွေ့လူနာ ၁၀ ယောက်မှာ ရန်ကုန်ပြန်နဲ့ စစ်ကိုင်းမြို့က ပြန်လာပြီး အသွားအလာကန့်သတ်ထားသူတွေနဲ့ အဝေးပြေးယာဥ်မောင်းနဲ့ ယာဥ်နောက်လိုက်တွေ ဖြစ်တယ်လို့ သိရပါတယ်။ ကချင်ပြည်နယ်မှာ နိုဝင်ဘာ ၂၇ ရက်အထိ ဆေးရုံတက်ကုသနေသူ ကိုဗစ်လူနာ ၄၇ ယောက်ရှိသေးတယ်လို့ သိရပါတယ်။ ကိုဗစ်ရောဂါဖြစ်ပွားသူတွေကတော့ မြစ်ကြီးနားမြို့က ၂၈ ယောက်၊ ဝိုင်းမော် ၃ ယောက်၊ ဖားကန့် ၁၀၉ ယောက်၊ တနိုင်း ၁ ယောက်၊ မိုးကောင်း ၇ယောက်၊ ရွှေကူ ၁၈ ယောက်၊ မိုးညှင်း ၂၅ ယောက်၊ မိုးမောက် ၆ ယောက် စုစုပေါင်း ၁၉၇ ယောက် ရှိပြီလို့ ကချင်ပြည်နယ်ပြည်သူ့ကျန်းမာရေးဦးစီးဌာနကနေ သတင်းထုတ်ပြန်ထားပါတယ်။ ကချင်ပြည်နယ်မှာ ကွာရန်တင်းမဝင်ချင်လို့ မြို့အဝင်ဂိတ်ကိုရှောင်ပြီး မြို့ထဲ မောင်းဝင်သူတွေ၊ မြစ်ကြီးနားဘူတာမရောက်ခင် ဆင်းပြီး အိမ်ကိုရောက်နေသူတွေ၊ ရှာဖွေရေးဂိတ်တွေကို ရှောင်ကွင်းပြီး သွားလာနေသူတွေ ရှိတယ်လို့ ဒေသခံတွေက ပြောပါတယ်။ မီးမီး  
5 months Ago
Up