၁၃ ဦး သေဆုံး

A d v e r t i s e m e n t With Us

September 27, 2020

ခါကာဘို‌‌ရာဇီတောင်‌ခြေဒေသတွင် ဝမ်းရောဂါကြောင့် ၅ လအတွင်း  ၁၃ ဦး သေဆုံး

ကချင်ပြည်နယ် မြောက်ဘက်ပိုင်းအစွန်‌ဆုံး ခါကာဘိုရာဇီတောင်ခြေဒေသမှာ ၂၀၂၀ ပြည့်နှစ် ဧပြီလကနေ စက်တင်ဘာ လဆန်းအထိ ၅ လအတွင်း ဝမ်းရောဂါကြောင့် ဒေသခံ လူကြီး၊ လူငယ် ၁၃ ဦး သေဆုံးတယ်လို့ ဒေသခံတွေကပြောပါတယ်။  ခါကာဘို တောင်ခြေဒေသဟာ လမ်းပန်းဆက်သွယ်ရေး အခက်အခဲရှိပြီး လုံ‌လောက်တဲ့ ကျန်းမာရေးစောင့်ရှောက်မှုမရှိသလို ကျန်းမာရေးနဲ့ ဆိုင်တဲ့ အသိပညာပေးသူတွေလည်း မရှိတာကြောင့် မသေဆုံးသင့်ပဲ အသက်တွေ ဆုံးရှုံးရတယ်လို့ ဒေသခံ ဦးဆန်လုရမ်ဆိန်းက ပြောပါတယ်။   ဒါကြောင့် ဒေသခံတွေအနေနဲ့ ဖြစ်ပေါ်လာတဲ့ ကျန်းမာရေးအခက်ခဲတွေကို တောထဲက ရှာထားတဲ့ ဆေးမြစ်တွေနဲ့ပဲ ဖြေရှင်းနေရတာကြောင့် အခုလို သေဆုံးခဲ့ကြတာဖြစ်ကာ သက်ဆိုင်ရာကိုတင်ပြပြီး အကူညီတောင်းခံခဲ့ပေမယ့် အထက်ပိုင်းကျေးရွာအထိ ဆေးလာကုပေးသူ မရှိဘူးလို့ဆိုပါတယ်။  အဲဒီလို ကျန်းမာရေး အခက်အခဲဖြစ်ပေါ်လာတဲ့အခါ ခြေကျင်ခရီး ၇ ရက်ဝန်းကျင်နဲ့ ထမ်းခေါ်သွားရတဲ့ ပန်းနန်းဒင်းမြို့အထိရောက်အောင်သွားရပြီး လမ်းခရီးမှာတင် သေဆုံးသူတွေ အများကြီးဖြစ်ပေါ်ခဲ့တယ်လို့ ဒေသခံတွေက ပြောပါတယ်။  ဒါကြောင့် အဆိုပါဒေသမှာ နိုင်ငံတော်အနေနဲ့ အသိပညာပေးဝေမှုတွေ ဆောင်ရွက်ပေးစေလိုပြီး ဆေးဝါးတွေလည်း သက်ဆိုင်ရာကျေးရွာတွေအလိုက် မျှဝေပေးစေ ချင်တယ်လို့ ဆိုပါတယ်။  အဲဒီ ခါကာဘိုဒေသမှာ နေထိုင်ကြတဲ့ ပြည်သူတွေအနေနဲ့ နှစ်တိုင်းလို ဝမ်းရောဂါခံစား‌နေရတယ်လို့လည်း သိရပါတယ်။  ဖေနောင်းအောင်
5 months Ago

August 24, 2020

ပီရူးတွင်ကိုရိုနာကန့်သတ်ချက်ချိုးဖောက်သည့် နိုက်ကလပ်ကို ရဲဝင်စီး၊ လူနင်းခံရ၍ ၁၃ ဦး သေဆုံး

ပီရူးနိုင်ငံ၊ လီမာမြို့က ပါတီပွဲ ကျင်းပနေတဲ့ နိုက်ကလပ်တခုကို ကိုရိုနာဗိုင်းရပ်စ်ဆိုင်ရာ ကန့်သတ်ချက် ချိုးဖောက်မှုနဲ့ ရဲတွေက ဝင်ရောက် စီးနင်းပြီးရာမှာ အတင်းထွက်ပြေးကြတာကြောင့် လူ ၁၃ယောက် ထက်မနည်း လူနင်းခံရလို့ သေဆုံးခဲ့ပါတယ်။  သြဂုတ် ၂၂ ရက်ညက လူ ၁၂၀ လောက်က လီမာမြို့  သောမတ်စ်ရဲ့ စတိုဘာ နိုက်ကလပ်ကနေ ထွက်ပြေးခဲ့တာဖြစ်ပြီး ရဲအရာရှိ ၃ ယောက်အပါအဝင် လူ ၆ ဦးထက် မနည်း ဒဏ်ရာရခဲ့ပါတယ်။  အိမ်နီးချင်းတွေက တိုင်ကြားတာကြောင့် ပါတီပွဲကို ရဲတွေက ဝင်ရောက် စီးနင်းခဲ့တာလို့ အမျိုးသား ရဲအရာရှိတွေနဲ့ အစိုးရအရာရှိတွေက ပြောပါတယ်။  ကလပ်ပိုင်ရှင် ဇနီးမောင်နှံကို ဖမ်းဆီး ထိန်းသိမ်းပြီးပြီလို့ ပြည်ထဲရေးဝန်ကြီးဌာနက သြဂုတ် ၂၃ ရက်မှာ ပြောပါတယ်။  အစောပိုင်း ကြေညာချက်မှာတော့ သေဆုံးမှုတွေဖြစ်ရတာဟာ စီးပွားရေးသမား တယောက်ရဲ့ ရာဇဝတ်မှုဆိုင်ရာ တာဝန်သိစိတ် ကင်းမဲ့မှုအဖြစ် ဝန်ကြီးဌာနက အပြစ်တင် ပြောဆို ခဲ့ပါတယ်။  ပီရူးနိုင်ငံမှာ မတ်လကစပြီး နိုက်ကလပ်နဲ့ဘားတွေကို ပိတ်ဖို့ အစိုးရက အမိန့်ထုတ် ထားတာပါ။  လက်တင်အမေရိကမှာ ကိုဗစ်-၁၉ ကူးစက်မှုနှုန်းက ဒုတိယအမြင့်ဆုံး ရောက်နေလို့ သြဂုတ် ၁၂ ရက်မှာတော့ မိသားစု စုရုံးမှုကိုပါ တားမြစ်ပိတ်ပင်ချက် သက်တမ်းကို တိုးချဲ့ခဲ့ပါတယ်။  မိဘခွင့်ပြုချက်နဲ့ ပါတီပွဲသွားတက်သူ ၂၃ ယောက်ထက် မနည်းကို ရဲတွေက ထိန်းသိမ်းထား ပြီး စုံစမ်းစစ်ဆေးနေပါတယ်။  ပီရူးနိုင်ငံမှာ ဩဂုတ် ၂၂ ရက်အထိ ကိုရိုနာဗိုင်းရပ်စ်ကူးစက်ခံ ၅ သိန်း ၈ သောင်း ၆ ထောင်နီးပါးရှိပြီး ဇူလိုင် ၂ ရက် မှတ်တမ်းဝင်ဦးရေရဲ့ ၂ ဆလည်း ဖြစ်ပါတယ်။
6 months Ago
More News
Up