၁၃၀ ဘီလီယံ

A d v e r t i s e m e n t With Us

March 9, 2020

၁၀ ရက်အတွင်း မူးယစ်ဆေးဝါး ကျပ်ငွေ ၁၃၀ ဘီလီယံဖိုး တပ်မတော်ဖမ်းမိ 

ရှမ်းပြည်မြောက်ပိုင်း ကွတ်ခိုင်မြို့နယ်၊ လွယ်ခမ်ကျေးရွာမှာ မေလ ၈ ရက်က  ငွေကျပ် ၂၄ ဘီလီယံတန်ဖိုးရှိ မူးယစ်ဆေးဝါးနဲ့ လက်နက်ခဲယမ်းတွေ ထပ်မံသိမ်းဆည်းရမိတယ်လို့ တပ်မတော်က  သတင်းထုတ်ပြန်ပါတယ်။  ကွတ်ခိုင်မြို့နယ်မှာဖေဖော်ဝါရီ ၂၈ ရက်မှ မတ် ၈ ရက်အထိ စိတ်ကြွရူးသွပ်ဆေးပြားမျိုးစုံ ၅၃၆၄၁၀၀၀ ပြား၊ ဘိန်းဖြူ ၁၈၉၉၈၀ ဂရမ်၊ ဘိန်းညို ၂၇၁၀၀၀ ဂရမ်၊ ဘိန်းဖြူခဲ ၁ ဒသမ ၆ ကီလိုဂရမ်၊ ဘိန်းဆီခဲ ၁၆ ကီလို၊ ဆေးပြားအကြေမှုန့် ၂၆၅၀ ဂရမ်၊ ဘိန်းစိမ်း ၁၀ ကီလိုဂရမ်နဲ့  အိုက်စ်၃၆၅ ဒသမ ၅ ကီလိုဂရမ် စုစုပေါင်းခန့်မှန်းတန်ဖိုး ကျပ် ၁၂၈ ဘီလီယံကျော်နဲ့ မူးယစ်ဆေးဝါးချက်လုပ်ရာမှာ အသုံးပြုတဲ့ ဆက်စပ်ပစ္စည်း ၁၀၉ မျိုး ကာလတန်ဖိုး ငွေကျပ် ၁ ဘီလီယံကျော်ဖိုး စုစုပေါင်းငွေကျပ် ၁၃၀ ဘီလီယံလောက်ရှိသွားပြီလို့ သိရပါတယ်။ မတ်လ ၈ ရက်နေ့ကတော့ ကွတ်ခိုင်မြို့နယ်၊ ရှောက်ဟော်ကျေးရွာနေ ဦးယောဆီ ပိုင်ဆိုင်တဲ့ လွယ်ခမ်ကျေးရွာရှိ အဆောက်အအုံတခုထဲကနေ မူးယစ်ဆေးဝါး တန်ဖိုးငွေကျပ် ၄ ဘီလီယံကျော်ဖိုး၊ သိန်းနီမြို့နယ် နမ့်ခိုက်ကျေးရွာနေ ဦးရန်အင်ချန်းရဲ့  အဆောက်အအုံထဲက မူးယစ်ဆေး ငွေကျပ် ၇ ဘီလီယံ ကျော်ဖိုးနဲ့ လွယ်ခမ်ကျေးရွာနေ ဦးချာကွေးအန် ပိုင်ဆိုင်တဲ့ အဆောက်အအုံထဲက မူးယစ်ဆေးဝါး တန်ဖိုးငွေကျပ် ၂ ဘီလီယံကျော်ဖိုး ထပ်မံ ဖမ်းမိပါတယ်။  ဒါ့အပြင် သိန်းနီမြို့နယ်၊ နမ့်ခိုက်ကျေးရွာနေ ဦးဂျမ်းရွယ်ခင်းပိုင်  တထပ်တိုက်ထဲက ပစ္စတို သေနတ် ၂ လက်၊ ရိုင်ဖယ် ၂ လက်၊ ကျည်မျိုးစုံ ၂၃၁၉ တောင့်၊ လက်ပစ်ဗုံး ၂ လုံး၊ ကျည်အိမ် ၁၄ ခု၊ WY စာတန်းပါ လိမ္မော်ရောင်စိတ်ကြွရူးသွပ်ဆေးပြား ၅၃၀၀၀၀၀ ပြား၊ 88/1 စာတန်းပါ ပန်းရောင်စိတ်ရူးသွပ်ဆေးပြား ၄၆၂၀၀၀ ပြား၊ ဘိန်းဖြူမှုန့် ဆပ်ပြာခွက် ၁ ခွက်လျှင် ၁၀ ဂရမ်ပါ ဆပ်ပြာ ခွက် ၁၀၄၅ ခွက်(၁၀၄၅၀)ဂရမ်နဲ့  ဘိန်းညိုမှုန့် ၁၂၀၀ ဂရမ်ခန့် (စုစုပေါင်းမူးယစ်ဆေးဝါး ခန့်မှန်းတန်ဖိုးငွေကျပ် ၁၁ ဘီလီယံကျော်)နဲ့ ၆ ဘီးယာဉ် ၁ စီးတို့ကို ထပ်မံတွေ့ရှိ သိမ်းဆည်းနိုင်ခဲ့တယ်လို့ သိရပါတယ်။ ဒါဟာ မြန်မာနိုင်ငံမှာ အခုနှစ်ပိုင်းအတွင်း မူးယစ်ဆေးဝါးပမာဏ အများဆုံး ဖမ်းဆီးရမိမှုဖြစ်ပြီး အဆိုပါမူးယစ်ဆေးဝါးတွေနဲ့ပတ်သက်တဲ့ အဓိကတရားခံတွေကတော့ ထွက်ပြေးလွတ်မြောက်နေကာ  တဦး တယောက်ကိုမှ ဖမ်းဆီးရမိခြင်းမရှိသေးပါဘူး။ ကွတ်ခိုင်မြို့နယ်ထဲမှာ တပ်မတော်က ဖမ်းဆီးရမိတဲ့ မူးယစ်ဆေးဝါးတွေကို သွားကြည့်ရှုခဲ့တဲ့ နိုင်ငံခြားစစ်သံမှူးတွေ လိုက်ပါလာတဲ့ စစ်ရဟတ်ယာဉ်တစီး မတ် ၆ ရက် ညနေက မတော်တဆဖြစ်ပွားခဲ့လို့ လေယာဉ်မှူး ၂ ဦးဒဏ်ရာရရှိခဲ့ပါတယ်။ ဓာတ်ပုံ- CINCDS
12 months Ago
Up