၁၀ ဦးသေဆုံး

October 17, 2020

အာမေးနီးယားနှင့်အဇာဘိုင်ဂျန် တိုက်ပွဲဖြစ်၊ လက်နက်ကြီးကျသဖြင့် ၁၀ ဦးသေဆုံး

အဇာဘိုင်ဂျန်ရဲ့ ဒုတိယအကြီးဆုံး ဂန်ဂျာမြို့ဟာ အောက်တိုဘာ ၁၇ ရက်က ဒုံးကျည်နဲ့ တိုက်ခိုက်ခံရတဲ့အတွက် လူ ၁၀ ယောက် ထက်မနည်း သေဆုံးခဲ့ပါတယ်။  ဒါ့အပြင် အယောက် ၄၀ ဒဏ်ရာရပြီး  ကယ်ဆယ်ရေးသမားတွေက အသက်ရှင်သူတွေကို ရှာဖွေနေပါတယ်။  လူနေအဆောက်အအုံတွေကို အာမေးနီးယား တိုက်ခိုက်တယ်လို့ အဇာဘိုင်ဂျန်က စွပ်စွဲ လိုက်ပြီး  ရုရှားကြားဝင် စေ့စပ်ထားတဲ့ နှစ်ဖက် အပစ်အခတ်ရပ်စဲရေးဟာလည်း လုံး၀ ပျက်ပြယ်သွားခဲ့ပါတယ်။  အာမေးနီးယားနဲ့ အဇာဘိုင်ဂျန်တို့ကြား  အောက်တိုဘာ ၁၆ ရက်က တိုက်ပွဲသစ်တွေ ဖြစ်ပွားခဲ့ပါတယ်။  အခုဖြစ်နေတဲ့ တိုက်ပွဲတွေဟာ ၁၉၉၀ စစ်ပွဲနောက်ပိုင်း အဆိုးဆုံးလည်း ဖြစ်ပါတယ်။  နှစ်ဖက်စလုံးကလည်း တဖက်ကိုတဖက် တိုက်ခိုက်မှု အသစ်တွေ လုပ်တယ်ဆိုပြီး စွပ်စွဲ ထားတယ်လို့ ရိုက်တာက ဖော်ပြပါတယ်။ 
1 year Ago
Up