မြန်မာ-တရုတ်နယ်စပ် ကုန်သွယ်မှု အမေရိကန် ဒေါ်လာ (၁)  ဘီလီယံထိတိုးလာ

December 27, 2017

မြန်မာ-တရုတ်နယ်စပ် ကုန်သွယ်မှု အမေရိကန် ဒေါ်လာ (၁)  ဘီလီယံထိတိုးလာ

  ၂၀၁၆-၂၀၁၇ ဘဏ္ဍာနှစ်မှာ မြန်မာ-တရုတ် နယ်စပ်  ကုန်သွယ်မှုပမာဏ အမေရိကန် ဒေါ်လာ (၁) ဘီလီယံအထိ တိုးတက်ခဲ့တယ်လို့ စီးပွားရေးနဲ့ ကူးသန်းရောင်းဝယ်ရေး ဝန်ကြီးဌာန ဒုဝန်ကြီး ဦးအောင်ထူးက ပြောပါတယ်။ ဒီဇင်ဘာ ၂၆ ရက်က  တရုတ်နိုင်ငံ၊ ယူနန်ပြည်နယ်၊ ရွှေလီမြို့မှာ ပြုလုပ်ခဲ့တဲ့ (၁၆) ကြိမ်မြောက် တရုတ်-မြန်မာ နယ်စပ်ကုန်သွယ်ရေး ကုန်စည်ပြပွဲ ဖွင့်ပွဲ အခမ်းအနားမှာ ပြောခဲ့တာ ဖြစ်ပါတယ်။ မြန်မာ-တရုတ် နှစ်နိုင်ငံအကြား ပင်လယ်ရေကြောင်းအပါအဝင် စုစုပေါင်း ကုန်သွယ်မှု ပမာဏဟာ ၂၀၁၆-၂၀၁၇ ဘဏ္ဍာနှစ်မှာ အမေရိကန်ဒေါ်လာ (၁၀ ဒသမ ၈၁) ဘီလီယံအထိ ရှိခဲ့တယ်လို့လည်း ပြောပါတယ်။   မူဆယ် (၁၀၅) မိုင် ကုန်သွယ်ရေးဇုန်ဟာ မြန်မာ-တရုတ်နယ်စပ် ကုန်သွယ်ရေးအတွက် အရေးပါရုံ သာမက ဒေသတွင်း အရှေ့တောင်အာရှနဲ့  တောင်အာရှ နိုင်ငံများအကြား မဟာဗျူဟာကျတဲ့ ကုန်သွယ်ရေးဇုန် တစ်ခုဖြစ်ပါတယ်။  နှစ်နိုင်ငံနယ်စပ်မှာ ကုန်စည်ပြပွဲကျင်းပတာဟာ နှစ်နိုင်ငံ ကုန်သွယ်မှုနဲ့ ရင်းနှီးမြှုပ်နှံမှု တိုးမြှင့်နိုင်ပြီး စီးပွားရေးဖွံ့ဖြိုးတိုးတက်မှုအတွက် အထောက်အကူပြုစေမှာ ဖြစ်တယ်လို့ မြန်မာအစိုးရက မျှော်မှန်းထားပါတယ်။     တရုတ်-မြန်မာ နှစ်နိုင်ငံကုန်စည်ပြပွဲကို ၂၀၀၁ ခုနှစ်က စတင်ပြီး နှစ်နိုင်ငံအလှည့်ကျ ကျင်းပလာခဲ့တာ  အခုအကြိမ်က  (၁၆) ကြိမ်မြောက် ကျင်းပတာဖြစ်ပါတယ်။      အခုပြပွဲမှာ  မြန်မာနိုင်ငံဘက်က ကုမ္ပဏီပေါင်း ၃၉ ခုရဲ့ ပြခန်းပေါင်း ၅၄ ခန်း ပြသနေပြီး တရုတ်နိုင်ငံဘက်က  ပြခန်းပေါင်း ၁၅၀ ခန့် ခင်းကျင်း ပြသနေပါတယ်။ ဓာတ်ပုံ-MOI
3 years Ago
Up