မြန်မာ-တရုတ်

A d v e r t i s e m e n t With Us

May 24, 2019

မြန်မာ-တရုတ် နယ်နိမိတ်တိုင်းတာရေးလုပ်ငန်း ပြန်စတင်မည်

ဆယ်စုနှစ် ၂ ခုကျော်ကြာ မတိုင်းတာနိုင်ခဲ့တဲ့  မြန်မာ-တရုတ် နယ်နိမိတ်တိုင်းတာရေး လုပ်ငန်းတွေ ပြန်လည်စတင်လုပ်ကိုင်တော့မယ်လို့ နိုင်ငံခြားရေးဝန်ကြီးဌာန အမြဲတမ်းအတွင်းဝန် ဦးမြင့်သူ က ပြောပါတယ်။ နေပြည်တော်မှာ မေ ၂၃ရက်က ပြုလုပ်ခဲ့တဲ့ အစိုးရရဲ့ တတိယတနှစ်တာလုပ်ဆောင်ချက် သတင်းစာရှင်းလင်းပွဲမှာ ပြောခဲ့တာ ဖြစ်ပါတယ်။ တရုတ်နိုင်ငံနဲ့ နှစ်နိုင်ငံနယ်နိမိတ်ပူးတွဲစစ်ဆေးမှုကို မပြုလုပ်နိုင်ခဲ့တာ (၂၃)နှစ် ကျော်ကြာမြင့်ပြီဖြစ်တဲ့အတွက် တတိယအကြိမ် မြန်မာ-တရုတ် နယ်နိမိတ် ပူးတွဲစစ်ဆေးရေးဆိုင်ရာ ကြိုတင်ညှိနှိုင်းအစည်းအဝေးတွေကို ကျင်းပခဲ့ရာ ဒုတိယ အကြိမ်ညှိနှိုင်းအစည်းအဝေးကို ၂၀၁၉ ခုနှစ် မတ်လအတွင်း တရုတ်နိုင်ငံမှာကျင်းပခဲ့ပြီး ဖြစ်တယ်လို့ အမြဲတမ်းအတွင်းဝန်က ပြောပါတယ်။ ဒါ့အပြင် မြန်မာနိုင်ငံနဲ့  ထိုင်းနှစ်နိုင်ငံအကြား နယ်နိမိတ်တိုင်းတာရေး သဘောတူညီချက်ကို အမြန်လက်မှတ်ရေးထိုးနိုင်ဖို့အတွက်လည်း မြန်မာ-ထိုင်း အဆင့်မြင့် အရာရှိကြီးများ အစည်းအဝေးတွေကို ကျင်းပခဲ့ပြီး နှစ်ဖက်အမြင် ကွာဟမှုတွေကို လျှော့ချနိုင် ခဲ့တယ်လို့ သတင်းစာရှင်းလင်းပွဲမှာ အမြဲတမ်းအတွင်းဝန်က ပြောပါတယ်။ အဲဒီ သဘောတူညီချက်ကို  လက်မှတ်ရေးထိုးပြီးရင် ပတ်ချန်မြစ်ရဲ့ မြောက်ဘက်ရှိ ကုန်းနယ်နိမိတ်မိုင် ၂၀၀ လောက်ကို တိုင်းတာ သတ်မှတ်နိုင်မည်ဖြစ်သလို ကျန်အပိုင်းတွေကို လည်း အပိုင်းလိုက် ဆက်လက်တိုင်းတာသွားမှာ ဖြစ်ပါတယ်။ အလားတူ မြန်မာ-အိန္ဒိယနယ်နိမိတ် နာဂဒေသရှိ နယ်နိမိတ်မှတ်တိုင်အမှတ် ၁၄၅ နဲ့ ၁၄၆ အကြားမှာ အိန္ဒိယဘက်ဒေသခံတွေက နယ်နိမိတ်ကျော်လွန်ပြီး အဆောက်အအုံ တည်ဆောက်တာ မပြုစေဖို့  ခြံစည်းရိုးကာရံရေး အိန္ဒိယဘက်နဲ့ ပူးတွဲပြီး တည်ဆောက်ပြီး စီးခဲ့ပါတယ်။
2 years Ago

December 30, 2018

မြန်မာ-တရုတ် ချစ်ကြည်ရေး နိုင်ငံဖြတ်ကျော် မာရသွန်အပြေးပြိုင်ပွဲ ကျင်းပမည်

မြန်မာ-တရုတ် နှစ်နိုင်ငံချစ်ကြည်ရေး အထိမ်းအမှတ်အဖြစ် ရှမ်းပြည်နယ်(မြောက်ပိုင်း) မှာ နယ်စပ်ဖြတ်ကျော် နိုင်ငံတကာ မာရသွန်အပြေးပြိုင်ပွဲကို ဒီဇင်ဘာ ၃၁ ရက်နေ့ ကျင်းပမှာဖြစ်ပါတယ်။ အပြေးပြိုင်ပွဲကို တရုတ်နိုင်ငံ ရွှေလီမြို့၊ ကျယ်ဂေါင် ယဉ်ကျေးမှုကွင်းပြင်ကနေ စတင်တာထွက်မှာဖြစ်ပြီး မူဆယ်မြို့၊ နန်းတော်ပေါက်ကနေ မြန်မာနိုင်ငံဘက်ကိုဝင်ပြီး ပြည်ထောင်စုလမ်းမကြီး၊ ထူးရှယ်လမ်း၊ မင်္ဂလာမူဆယ်ကိုပတ်ကာ မူဆယ်မြို့ ဆင်ဖြူပေါက်ကပဲ တရုတ်ပြည်ကိုပြန်ဝင်ပြီး ရွှေလီမြို့က နုံမော်ဟူးပန်းခြံမှာ ပန်းဝင်ရမှာ ဖြစ်တယ်လို့ မူဆယ်ခရိုင်အုပ်ချုပ်ရေးမှူးရုံးက ပြောပါတယ်။ "နယ်စပ်ဖြတ်ကျော် မာရသွန်အပြေးပြိုင်ပွဲဟာ နှစ်နိုင်ငံ ချစ်ကြည်ဖလှယ်မှုကို မြှင့်တင်စေဖို့နဲ့ နယ်စပ် ချစ်ကြည်ရင်းနှီးတဲ့ ဆက်ဆံမှုကို ကောင်းမွန်တဲ့ ရည်ရွယ်ချက်နဲ့ အခုနှစ်မှာ ကျင်းပပြုလုပ်တဲ့ အပြေးပြိုင်ပွဲကြီး ဖြစ်တယ်" လို့ မူဆယ်ခရိုင် ဒုအုပ်ချုပ်ရေးမှူး ဦးဥက္ကာက ပြောပါတယ်။ အခုကျင်းပမယ့် ၂ဝ၁၈ ခုနှစ် မြန်မာ-တရုတ် နယ်စပ်ဖြတ်ကျော် မာရသွန်အပြေးပြိုင်ပွဲဟာ ဒုတိယအကြိမ်ကျင်းပတဲ့ ပြိုင်ပွဲဖြစ်ပြီး မြန်မာကစားသမား ၁ဝဝဝ လောက် ပါဝင်ယှဉ်ပြိုင်ဖို့ မျှော်မှန်းထားပါတယ်။ ပါဝင်ယှဉ်ပြိုင်လိုသူတွေအနေနဲ့ ဒီဇင်ဘာ ၁ဝ ရက် နောက်ဆုံးထား စာရင်းပေးသွင်းရမှာဖြစ်ပြီး ပြိုင်ပွဲကုန်ကျစရိတ် အားလုံးကို တရုတ်နိုင်ငံက အကုန်အကျခံမှာ ဖြစ်တယ်လို့ တယ်ဟုန်ပြည်နယ်ခွဲ ပါတီကော်မတီ ပြန်ကြားရေးဝန်ကြီးဌာန ဒုဝန်ကြီး ပြည်ပပြန်ကြားရေးတာဝန်ခံ မစ္စတာ ကျောက်ယွင်ဆန်က ပြောပါတယ်။ ၂ဝ၁၇ ခုနှစ် ဒီဇင်ဘာ ၃၁ ရက်နေ့က ကျင်းပခဲ့တဲ့ ပထမအကြိမ် ပြိုင်ပွဲမှာ နိုင်ငံပေါင်း ၁၉ နိုင်ငံက ကစားသမားတွေ ဝင်ရောက်ယှဉ်ပြိုင်ခဲ့တယ်၊ မြန်မာနိုင်ငံက ကစားသမား ၈ဝဝ ကျော် ဝင်ရောက်ယှဉ်ပြိုင်ခဲ့ပြီး ၃၃ ဦး ဆုရခဲ့တယ်၊ အခု ဒုတိယအကြိမ် ပြိုင်ပွဲမှာတော့ ၂၂ နိုင်ငံအထိ တိုးမြှင့် စာရင်းပေးထားတယ်လို့ မူဆယ်ခရိုင် အားကစားနှင့် ကာယပညာ ဦးစီးဌာနမှ သိရပါတယ်။ ပြိုင်ပွဲမှာ မူဆယ်ဘက်ပြေးလမ်း ၆ ဒသမ ၂ ကီလိုမီတာနဲ့ ရွှေလီဘက်ပြေးလမ်း ၃၈ ကီလိုမီတာ ရှိမှာဖြစ်ပြီး မြန်မာနိုင်ငံသားတွေအတွက် ဆွေမျိုးပေါက်ဖော်ဆုကို သီးသန့်ချီးမြှင့်မှာဖြစ်ကာ ပထမဆု ယွမ် ၆ဝဝဝ နဲ့ ဆု ၈ ဆု ချီးမြှင့်မှာဖြစ်ပြီး အနိမ့်ဆုံးဆု ယွမ် ၅ဝဝ၊ တာလတ်အတွက် ပထမဆု ယွမ် ၃ဝဝဝ နဲ့ ဆု ၈ ဆု ချီးမြှင့်မှာဖြစ်ကာ အနိမ့်ဆုံးဆု ယွမ် ၄ဝဝ သတ်မှတ်ထားပြီး ယွမ် ၈ဝဝ နဲ့အထက် ဆုကြေးရရှိသူတွေကိုတော့ တရုတ်နိုင်ငံဥပဒေအရ ဆုကြေးငွေရဲ့ ၂ဝ ရာခိုင်နှုန်းကို အခွန်ကောက်ခံသွားမယ်လို့ သိရပါတယ်။
2 years Ago
More News
Up