မြန်မာနိုင်ငံ

April 26, 2019

မြန်မာနိုင်ငံ မြို့ကြီး ၈ မြို့တွင် အပူချိန် စံချိန်တင်

ပဲခူးမြို့အပါအ၀င် မြို့ ၈ မြို့မှာ ဧပြီ ၂၆ ရက်က အမြင့်ဆုံးအပူချိန်တွေ စံချိန်တင် မြင့်တက်ခဲ့တယ်လို့ မိုးလေ၀သဌာနက သတင်းထုတ်ပြန်ပါတယ်။ ပဲခူးမြို့မှာ ၅၅ နှစ်အတွင်း ၄၂ ဒီဂရီစင်တီဂရိတ်အထိ အပူချိန်စံချိန်တင်မြင့်တက်ခဲ့ပြီး တောင်ငူမြို့မှာလည်း ၅၅ နှစ်အတွင်း ၄၄ ဒသမ ၅ ဒီဂရီစင်တီဂရိတ်အထိ ပူပြင်းခဲ့တာ ဖြစ်ပါတယ်။ အလားတူ ကြို့ပင်ကောက်မှာ ၃၄ နှစ်အတွင်း ၄၂ ဒသမ ၉ ဒီဂရီစင်တီဂရိတ်၊ ခရမ်းမှာ ၃၆ နှစ်အတွင်း ၄၂ ဒသမ ၄၊ ဘီးလင်းမှာ ၅၄ နှစ်အတွင်း ၄၁ ဒသမ ၄၊ ရေးမြို့မှာ ၅၅ နှစ်အတွင်း ၄၀ ဒသမ ၄၊ သထုံမှာ ၄၆ နှစ်အတွင်း ၄၀ ဒသမ ၃၊ ဖျာပုံမှာ ၁၈ နှစ်အတွင်း ၄၀  ဒီဂရီစင်တီဂရိတ်အထိ စံချိန်တင်ပူပြင်းခဲ့တာ ဖြစ်ပါတယ်။ အခုနှစ်နွေရာသီမှာ ပူပြင်းခြောက်သွေ့တဲ့ အယ်လ်နီညို ရာသီဥတုဖြစ်ပေါ်နေပြီး အရင် နှစ်တွေထက် ပိုမိုပူပြင်းနေတာပါ။ အပူဒဏ်ကြောင့် ကျန်းမာရေးချို့ယွင်းနိုင်တာကို သတိပြုနေထိုင်ကြဖို့ အစိုးရက သတိပေးထားပါတယ်။
2 years Ago

March 22, 2019

မြန်မာနိုင်ငံ ပညာရေးကဏ္ဍအတွက် ယူရိုငွေ ၂၂၁ သန်း အီးယူကူညီ

မြန်မာနိုင်ငံရဲ့ ပညာရေးကဏ္ဍ တိုးတက်မြင့်မားရေးအတွက် အီးယူ ဥရောပသမဂ္ဂက  ယူရိုငွေ ၂၂၁ သန်းဖိုး အကူအညီအထောက်အပံ့တွေ ပေးအပ်ဖို့ မြန်မာအစိုးရနဲ့ အီးယူသံတမန် တွေ သဘောတူစာချုပ်ချုပ်ဆိုလိုက်ပါတယ်။ အီးယူရဲ့ အကူအညီနဲ့ ဆောင်ရွက်မယ့် ပညာရေးနဲ့ ကျွမ်းကျင်မှုအခြေခံတွေ မြှင့်တင်ရေး စီမံချက်နဲ့ ပတ်သက်တဲ့ ငွေကြေးထောက်ပံ့မှုဆိုင်ရာ သဘောတူစာချုပ်ကို  မတ်လ ၂၁ ရက် မနက်က နေပြည်တော်မှာ စီမံကိန်းနှင့် ဘဏ္ဍာရေးဝန်ကြီးဌာန အမြဲတမ်းအတွင်းဝန် ဦးထွန်းထွန်းနိုင်နဲ့ ဥရောပသမဂ္ဂ မြန်မာနိုင်ငံဆိုင်ရာသံရုံးက သံအမတ်ကြီး ခရစ္စတင်း ရှမစ်တို့  လက်မှတ်ရေးထိုးခဲ့ကြတာပါ။ အဆိုပါငွေကြေးအထောက်အပံ့ ယူရို ၂၂၁ သန်းထဲမှာ ဘတ်ဂျက်အထောက်အပံ့ ယူရို ၁၇၅ သန်းနဲ့ ဖြည့်စွက်အထောက်အပံ့ ယူရို ၄၆ သန်း ပါဝင်တယ်လို့ အတိုင်ပင်ခံရုံးက သတင်းထုတ်ပြန်ပါတယ်။ ဒီအကူငွေတွေနဲ့ အခြေခံပညာအလယ်တန်းနဲ့ အထက်တန်းပညာရေး ပြုပြင်ပြောင်းလဲတဲ့ လုပ်ငန်း၊ နည်းပညာနဲ့ သက်မွေးပညာ ကဏ္ဍပြုပြင်ပြောင်းလဲတဲ့လုပ်ငန်း၊   အလုပ်ရုံနဲ့ ကျောင်းသားအဆောင်တွေဆောက်လုပ်တဲ့ လုပ်ငန်းတွေအပြင် ဆရာလမ်းညွှန်နဲ့ ကျောင်းသုံး ပုံနှိပ်စာအုပ်တွေရိုက်နှိပ်တာ၊ ဆရာ၊ဆရာမတွေကို အရည်အသွေးပြည့်ဝရေး သင်တန်းတွေ ပေးတာနဲ့  ပြည်သူ့ဘဏ္ဍာ စီမံခန့်ခွဲ ပြုပြင်ပြောင်းလဲရေးလုပ်ငန်းတွေကို ADB ၊ World Bank ၊ I-IDEA တို့နဲ့ ပူးပေါင်း လုပ်ဆောင်သွားမယ်လို့ ဆိုပါတယ်။ သဘောတူစာချုပ် လဲလှယ်ပွဲအခမ်းအနားကို နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအ၀င် ပြည်ထောင်စုဝန်ကြီးတွေ ဥရောပသမဂ္ဂ နိုင်ငံတွေက သံအမတ်ကြီးတွေလည်း တက်ရောက်ခဲ့ကြပါတယ်။ ဓာတ်ပုံ- အတိုင်ပင်ခံရုံး
2 years Ago
More News
Up