မြန်မာငြိမ်းချမ်းရေးစင်တာ

March 23, 2016

မြန်မာငြိမ်းချမ်းရေးစင်တာ ဆက်လက်ရပ်တည်ရေး အစိုးရသစ်အပေါ်မူတည်နေ

မြန်မာငြိမ်းချမ်းရေးစင်တာကို အီးယူ-ဥရောပသမဂ္ဂကပေးနေတဲ့ ငွေကြေးထောက်ပံ့မှုတွေ မတ်လ ၃၁ ရပ်နေ့ကစပြီး ရပ်ဆိုင်းပါတော့မယ်။ မြန်မာငြိမ်းချမ်းရေးစင်တာမှာ ၀န်ထမ်း ၁၀၀ ကျော်လောက်ရှိပြီး ဒီလကုန် မတ် ၃၁ ရက်နေ့အထိ လုပ်ငန်းတွေကို ဆက်လက်လုပ်ဆောင်မှာဖြစ်ပေမယ့် ဒီနောက်ပိုင်းမှာတော့ ထွက်ခွာ သွားကြရမှာဖြစ်တယ်လို့လည်း ဦးညိုအုန်းမြင့်က ပြောပါတယ်။ မြန်မာငြိမ်းချမ်းရေးစင်တာကတော့ ရပ်နားရမယ့် သဘောရှိပြီး ဆက်လည်ရှင်သန်ရေး မရှင်သန်ရေးကတော့ အစိုးရသစ်အပေါ်မူတည်နေပါတယ် လို့ မြန်မာငြိမ်းချမ်းရေးစင်တာက တာဝန်ရှိသူတဦးဖြစ်တဲ့ ဦးညိုအုန်းမြင့်က ပြောပါတယ်။ “ကျနော်တို့ ကြားသမျှ၊ နောက် ဒီမှာရှိနေတဲ့ အမ်ပီစီ ဥက္ကဋ္ဌနဲ့ ဒီကလူကြီးတွေ တွေ့တဲ့အခါမှာလည်း အမ်းပီစီ ဆက်ရှိဖို့ အတွက်ကတော့ တိုက်တွန်းတယ်။ ဒါပေမယ့်လည်း ဒီဟာကြီးကို ဆက်ပြီးတော့ လည်ပတ်ဖို့ဆိုတာက ၀န်ထမ်းတွေလည်းရှိသေးတယ်လေ။ နောက် အဲဒီဝန်ထမ်းကနေပြီးတော့ အထောက်အထားတွေ၊ ဆောင်ရွက်တဲ့သူတွေအားလုံး ဆက်ထိန်းသိမ်းနိုင်ဖို့အတွက်ကတော့ နောက်အစိုးရသစ်လက်ထဲကျမှ စဉ်းစားဆုံးဖြတ်ပါလိမ့်မယ်။ ” မြန်မာငြိမ်းချမ်းရေစင်တာ မရှိတော့ရင်လည်း ငြိမ်းချမ်းရေးလုပ်ငန်းတွေကို ဆက်လက်ထောက်ပံ့ ပေးဖို့ ၀န်ကြီးဦးအောင်မင်းက အစိုးရတာဝန်ပြီးဆုံးပါက Peace and Development Foundation ဆိုတဲ့အဖွဲ့ကို ဖွဲ့စည်းပြီး လုပ်ဆောင်ဖို့ ရှိနေတယ်လို့လည်း ပြောပါတယ်။ “ဦးအောင်မင်းဖွဲ့ထားတဲ့အဖွဲ့ကလည်း အဓိက လူကြီးတွေနဲ့ ဖွဲ့ထားတယ်။ ကျနေ်ာတို့ကတော့ သူရဲ့ရုံးအဖွဲ့ အနေနဲ့ ဆက်ပြီးတော့ ပံ့ပိုးပေးရမှာပါ။ ဦးအောင်မင်းရဲ့ ဖောင်ဒေးရှင်းက သူကိုယ်တိုင်တိတိကျကျမဆုံးဖြတ်ရသေးဘူး။ ဖောင်ဒေးရှင်းတော့ ဖွဲ့ထားတယ်။ သူကိုယ်တိုင်ကလည်း ဒီတိုင်းရင်းသားတွေရော၊ ကျန်တဲ့ တပ်မတော်အစိုးရအဖွဲ့ကိုရော သူ့အနေနဲ့ ဒီထဲမှာ ဒီလိုပါပဲ။ ကျနော်တို့ဖက်ကတော့ အန်ဂျီအိုဆန်ဆန်လုပ်ပေးရမှာပေါ့ ” မြန်မာငြိမ်းချမ်းရေးစင်တာ မရှိတော့ ငြိမ်းချမ်းရေးလုပ်ငန်းကို ဆက်လက်ကူညီနိုင်ဖို့ ၀န်ကြီးဦးအောင်မင်း ဦးဆောင်တဲ့ ငြိမ်းချမ်းရေးဆွေးနွေးခဲ့တဲ့ အစိုးရ၀န်ကြီးတွေက Peace and Development Foundation ဖွဲ့စည်းထားသလို ဒီအဖွဲ့ကိုကူညီဖို့ ဦးလှမောင်ရွေ၊ ဦးအောင်နိုင်ဦး၊ ဦးညိုအုန်းမြင့်တို့ ပါတဲ့ Central for peace recociliation ဆိုပြတဲ့ အစိုး ရမဟုတ်တဲ့ အဖွဲကို ဖွဲ့စည်းထားပါတယ်။ ဒီအဖွဲ့အသစ်အတွက် အလှူရှင်တွေ ရှာနေတုန်းဖြစ်ပြီး ရလာမယ်လို့ မျှော်လင့်ကြောင်း ပြောပါတယ်။
6 years Ago

December 23, 2015

ဒေါ်အောင်ဆန်းစုကြည်နှင့် မြန်မာငြိမ်းချမ်းရေးစင်တာ အဖွဲ့ဝင်များ တွေ့ဆုံ (သတင်းဓာတ်ပုံ)

အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ဥက္ကဋ္ဌ ဒေါ်အောင်ဆန်းစုကြည်ကို ပြည်ထောင်စုဝန်ကြီး ဦးအောင်မင်း ဦးဆောင်တဲ့ မြန်မာငြိမ်းချမ်းချမ်းရေးစင်တာ အဖွဲ့ဝင်တွေ ဒီဇင်ဘာ ၂၃ ရက် မနက်က လာရောက် တွေ့ဆုံပါတယ်။ ပြည်သူ့လွှတ်တော်ဝင်းအတွင်းမှာ ရှိတဲ့ တရားဥပဒေစိုးမိုးရေးနဲ့ တည်ငြိမ်အေးချမ်းရေး ကော်မတီဆောင် အိုင်-၁၂ မှာ လာရောက်တွေ့ဆုံခဲ့တာလို့ အန်အယ်လ်ဒီပါတီ ဥက္ကဋ္ဌ လူမှုကွန်ရက်ဖေ့စ်ဘွတ်ခ်မှာ သတင်းထုတ်ပြန်ပါတယ်။ မြန်မာငြိမ်းချမ်းရေးစင်တာအဖွဲ့မှာ ပြည်ထောင်စုဝန်ကြီး ဦးအောင်မင်း ဦးဆောင်ပြီး အဖွဲ့ဝင်များအဖြစ် ဦးတင်မောင်သန်း၊ ဦးလှမောင်ရွှေ၊ ဒေါက်တာမင်းဇော်ဦး၊ ဦးကျော်ရင်လှုိုင်နဲ့ ဦးအောင်နိုင်ဦးတို့ ပါဝင်ပါတယ်။ တွေ့ဆုံပွဲကို ဒေါ်အောင်ဆန်းစုကြည်နဲ့အတူ အန်အယ်လ်ဒီရဲ့ ဗဟိုအလုပ်အမှုဆောင် ဦးဝင်းထိန်၊ ဒေါက်တာဇော်မြင့်မောင်၊ ဗဟိုကော်မတီဝင် ဦးနိုင်ငံလင်း၊ ဦးဖြိုးဇေယျာသော်နဲ့ အန်အယ်လ်ဒီ ဥက္ကဋ္ဌရုံးတာဝန်ခံ ဒေါ်တင်မာအောင်တို့ ပါဝင်တက်ရောက်ခဲ့ပါတယ်။ တွေ့ဆုံပွဲမှာ လက်ရှိ ငြိမ်းချမ်းရေးဖြစ်စဉ်ဆိုင်ရာကိစ္စ၊ ပြည်ထောင်စုငြိမ်းချမ်းရေးညီလာခံ ကျင်းပခြင်းဆိုင်ရာ ကိစ္စရပ်၊ အကြိုနိုင်ငံရေးဆွေးနွေးပွဲဆိုင်ရာ ညှိနှိုင်းရေးကိစ္စတွေကို နှစ်ဘက် အမြင်ချင်းဖလှယ် ဆွေးနွေးခဲ့ကြတယ်လို့ ဆိုပါတယ်။ ဓာတ်ပုံ - NLD Chairperson Facebook  
6 years Ago
More News
Up