မြန်မာကြက်တောင်ရိုက် အားကစားမယ် မသက်ထားသူဇာ ကမ္ဘာ့အဆင့် ၈၄ တက်လာ

A d v e r t i s e m e n t With Us

July 10, 2019

မြန်မာကြက်တောင်ရိုက် အားကစားမယ် မသက်ထားသူဇာ ကမ္ဘာ့အဆင့် ၈၄ တက်လာ

မြန်မာကြက်တောင်ရိုက် အားကစားမယ် မသက်ထားသူဇာဟာ  ကမ္ဘာ့ကြက်တောင်ရိုက် အဖွဲ့ချုပ်က မနေ့က ထုတ်ပြန်လိုက်တဲ့ ကမ္ဘာ့အဆင့်သတ်မှတ်ချက်မှာ အဆင့် ၈၄ အထိ တက်လာပါတယ်။  ၂၀၂၀ အိုလံပစ်ပြိုင်ပွဲဝင်ခွင့်ရဖို့ ကြိုးပမ်းနေတဲ့ မသက်ထားသူဇာဟာ ဇူလိုင်လ ၇ ရက်က အိုင်ဗရီကို့စ်နိုင်ငံမှာ  ကျင်းပခဲ့တဲ့ International Series ကြက်တောင်ရိုက်ပြိုင်ပွဲမှာ ဗိုလ်စွဲပြီး ချန်ပီယံဆု ထပ်မံဆွတ်ခူးရရှိပြီးနောက် ခုလို ကမ္ဘာ့အဆင့်တက်လာတာပါ။    ဒီပြိုင်ပွဲတွေမတိုင်ခင်က  ကမ္ဘာ့အဆင့် သတ်မှတ်ချက် ၁၀၁ ရှိနေရာကနေ အဆင့် ၁၇ ဆင့် ထပ်ခုန်တက်လာပြီး အဆင့် ၈၄ ထိရောက်ရှိလာတာလည်းဖြစ်ပါတယ်။  မသက်ထားသူဇာဟာ ၂၀၁၈ အောက်တိုဘာကနေ ၂၀၁၉ ဇူလိုင်လအထိ နိုင်ငံတကာ ပြိုင်ပွဲတွေမှာ ချန်ပီယံဆု ခြောက်ကြိမ်၊ ဒုတိယဆု တကြိမ်ရထားပါတယ်။ လာမယ့် သြဂုတ်လအတွင်း နိုင်ဂျီးရီးယားနိုင်ငံမှာကျင်းပမယ့် Lagos International Badminton Classics 2019 ပြိုင်ပွဲမှာပါဝင် ယှဉ်ပြိုင်ဖို့ရှိနေပါတယ်။ အသက် ၂၀ အရွယ်ရှိ မသက်ထားသူဇာဟာ နိုင်ငံတကာပြိုင်ပွဲတွေမှာ ၀င်ရောက်ယှဉ်ပြိုင်ခဲ့ ရာမှာ ၄၇ ပွဲနိုင် ၁၅ ပွဲရှုံးထားပြီး  ပြိုင်ပွဲအရပ်ရပ်ကနေ ရရှိတဲ့ ဆုကြေးငွေပေါင်း အမေရိကန် ဒေါ်လာ ၆၇၀၀ ကျော်ရရှိ ထားပါတယ်။ ခုလဆန်းပိုင်းက ကျင်းပတဲ့ မြန်မာအမျိုးသမီးများနေ့ အထိမ်းအမှတ်ပွဲမှာ မသက်ထားသူဇာကို နိုင်ငံတော်အစိုးရက  "အားကစားထူးချွန်"ဆု ဂုဏ်ပြုပေးအပ် ချီးမြှင့်ထားပါတယ်။ ဓာတ်ပုံ- သက်ထားသူဇာ
2 years Ago
Up