မြန်မာ့ပထမဆုံးရေခဲပြင်စကိတ်

April 29, 2019

မြန်မာ့ပထမဆုံး ရေခဲပြင် စကိတ်ကွင်း ရန်ကုန်တွင်ဖွင့်လှစ်

  ရေခဲပြင်စကိတ်ကွင်းနဲ့ ဘိုးလင်းကစားကွင်းတွေ ပါဝင်တဲ့ Royal Sportainment Complex ကို ဧပြီ ၂၈ ရက်မနက်က ရန်ကုန်မြို့၊ ၉ မိုင်၊ တော်ဝင်လမ်းမှာ ပထမဆုံးအကြိမ် ဖွင့်လှစ်လိုက်ပါတယ်။ ရေခဲပြင်စကိတ်ကစားကွင်းဟာ အကျယ် ၆၇၅ စတုရန်းမီတာ၊ ရေခဲပြင်မျက်နှာပြင်ထု ၈၈ မီလီမီတာထုရှိပြီး ဘိုးလင်းကစားကွင်းကတော့ လိုင်း ၁၁ လိုင်း ပါရှိပါတယ်။ အဆောက်အဦအတွင်း မြေညီထပ်နဲ့ ပထမထပ်တို့မှာ လာရောက်သူတွေ ကြည့်ရှုနိုင်မယ့်   ပွဲကြည့်စင်တွေပါရှိပြီး Espace Café ဆိုင်လည်း ဖွင့်လှစ်ပေးထားပါတယ်။ ရေခဲပြင်စကိတ်ကွင်းသစ်ကို ရန်ကုန်တိုင်းစစ်ဌာနချုပ်တိုင်းမှူး ဗိုလ်ချုပ်သက်ပုံက ဖွင့်လှစ်ပေးခဲ့ပြီး ဘိုးလင်းကစားကွင်းကိုတော့ ရန်ကုန်မြို့တော်ဝန် ဦးမောင်မောင်စိုးက တက်ရောက် ဖွင့်လှစ်ပေးခဲ့ပါတယ်။ ဖွင့်ပွဲမှာ အဆိုတော် စိုင်းစိုင်းခမ်းလှိုင်နဲ့ ဝိုင်းစုခိုင်သိန်းတို့က သီဆိုဖျော်ဖြေခဲ့ကြသလို  ထိုင်းနိုင်ငံက စုံတွဲအကနဲ့ ဂျပန်တက္ကသိုလ် ကျောင်းသူလေးတွေက ရေခဲပြင်စကိတ်စီးပြီး အဖွဲ့လိုက် ကပြဖျော်ဖြေခဲ့ကြပါတယ်။ အဲဒီ Royal Sportainment Complex ကို စစ်တပ်ပိုင် မြန်မာ့စီးပွားရေး ကော်ပိုရေးရှင်းနဲ့  ဦးတေဇရဲ့ ထူးကုမ္ပဏီအုပ်စုတို့ အကျိုးတူပူးပေါင်းကာ ၂၀၁၆ ခုနှစ် စက်တင်ဘာလက စတင်တည်ဆောက်ခဲ့တာ ဖြစ်ပါတယ်။ ဓာတ်ပုံ- Royal Sportainment Complex
2 years Ago
Up