မြန်မာအသင်း

March 27, 2019

ဂျပန်အသင်းကို ၇ ဂိုးပြတ် ရှုံးနိမ့်ခဲ့သည့်အတွက် မြန်မာယူ-၂၃ နည်းပြ တောင်းပန်

အာရှ ယူ-၂၃ ခြေစစ်ပွဲ အောင်မြင်ခြင်းမရှိတဲ့အပေါ် ပရိသတ်တွေကို တောင်းပန်တယ်လို့ မြန်မာယူ-၂၃ နည်းပြ ပိုပေါ့ဗ်က ပြောကြားသွားပါတယ်။ မြန်မာယူ-၂၃ အသင်းဟာ အာရှယူ-၂၃ ခြေစစ်ပွဲ နောက်ဆုံးပွဲစဉ်မှာ ဂျပန်အသင်းကို ၇ ဂိုး ဂိုးမရှိနဲ့ ရှုံးနိမ့်ခဲ့တာကြောင့် ခြေစစ်ပွဲ မအောင်မြင်ခဲ့တာပါ။ အဲဒီပွဲစဉ်မှာ မြန်မာအသင်းအနေနဲ့ ဂျပန်အသင်းကို အဘက်ဘက်က ယှဉ်ကစားနိုင်ခြင်း မရှိခဲ့ဘဲ တပွဲလုံးမှာ ဂိုးပေါက်ကန်သွင်းချက် နှစ်ကြိမ်ပဲ ရရှိခဲ့တာဖြစ်ပါတယ်။ ဂျပန်အသင်းကတော့ ပထမပိုင်းမှာ ၅ ဂိုး၊ ဒုတိယပိုင်းမှာ ၂ ဂိုးသွင်းယူသွားခဲ့တာ ဖြစ်ပါတယ်။ မြန်မာအသင်းအနေနဲ့ ဂျပန်အသင်းနဲ့ အဆင့်ကွာဟချက် များပြားခဲ့ပြီး ခန္ဓာကိုယ်ကြီးထွားမှု၊ ကြံ့ခိုင်မှုနဲ့ ဘောလုံးကျွမ်းကျင်မှုတွေ မယှဉ်နိုင်ခဲ့ဘူးလို့ ဘူလ်ဂေးရီးယားနည်းပြ ပိုပေါ့ဗ်က ပွဲအပြီးမှာ ဝန်ခံ ပြောကြားခဲ့ပါတယ်။ ဒါ့အပြင် ဂိုးပြတ်ရှုံးနိမ့်ခဲ့တဲ့အပေါ်မှာလည်း ပရိသတ်တွေကို တောင်းပန်တယ်လို့ပြောပြီး မြန်မာကစားသမားတွေရဲ့ ခြေစွမ်းဟာ တချိန်မှာ ပိုမိုတိုးတက်လာမယ့် အလားအလာ ရှိတယ်လို့လည်း ပြောကြားခဲ့ပါတယ်။ မြန်မာယူ-၂၃ အသင်းအနေနဲ့ အကောင်းဆုံး အုပ်စုဒုတိယ လေးသင်းနေရာအတွက် မျှော်လင့်ချက်ရှိခဲ့ပေမယ့် အုပ်စု အက်ဖ်က ပါကစ္စတန်အသင်း နုတ်ထွက်သွားတာကြောင့် အုပ်စုအောက်ဆုံးအသင်းနဲ့ ရလဒ်ကို ပယ်ဖျက်ခဲ့လို့ ရမှတ်သုံးမှတ်ပဲရခဲ့ပြီး ခြေစစ်ပွဲ အောင်မြင်ခြင်း မရှိတာ ဖြစ်ပါတယ်။
2 years Ago

March 25, 2019

အင်ဒိုနီးရှားအသင်း၏ ကစားပုံကို လေ့လာထားဟု မြန်မာနည်းပြချုပ် ပြော

ဖီဖာ နိုင်ငံတကာ ခြေစမ်းပွဲအဖြစ် မြန်မာနဲ့ အင်ဒိုနီးရှားအသင်းတို့ မန္တလာသီရိ ဘောလုံးကွင်းမှာ ဒီနေ့ညနေ ၆ နာရီ ယှဉ်ပြိုင်ကစားကြမှာ ဖြစ်ပါတယ်။ အင်ဒိုနီးရှားအသင်းနဲ့ကန်မယ့် ခြေစမ်းပွဲစဉ်အတွက် အင်ဒိုနီးရှားရဲ့ ကစားပုံကို လက်လှမ်းမီသလောက် လေ့လာထားတယ်လို့ မြန်မာ့လက်ရွေးစင် နည်းပြချုပ် ဦးမျိုးမင်းထွန်းက မတ်လ ၂၄ ရက်နေ့က ဟိုတယ်ရွှေပြည်သာမှာလုပ်တဲ့ ပွဲကြို သတင်းစာရှင်းလင်းပွဲမှာ ပြောပါတယ်။ အဲဒီပွဲစဉ်ဟာ အင်ဒိုနီးရှားအသင်း နည်းပြချုပ်အတွက် ပထမဆုံး နိုင်ငံတကာပွဲ ဖြစ်ပါတယ်။ မြန်မာအသင်းနဲ့ ကစားမယ့်ပွဲဟာ ခက်ခဲမယ့်ပွဲတပွဲဖြစ်ပေမယ့် အကောင်းဆုံး ကြိုးစားသွားမယ်လို့ အင်ဒိုနီးရှား လက်ရွေးစင်အသင်း နည်းပြချုပ် ဆိုင်မွန်ဘတ်မန်နိဘီက ပြောပါတယ်။ မြန်မာ့လက်ရွေးစင်အသင်း နည်းပြချုပ်အနေနဲ့ ကစားသမားသစ်တွေကို အခွင့်အရေး ပေးသွားမယ်လို့ ဆိုပါတယ်။ ဖီဖာ နိုင်ငံတကာ ခြေစမ်းပွဲအဖြစ် မြန်မာ့လက်ရွေးစင် ဘောလုံးအသင်းနဲ့ တရုတ် (တိုင်ပေ) အသင်းတို့ မတ်လ ၁၉ ရက်က မန္တလာသီရိ ဘောလုံးကွင်းမှာ ကစားခဲ့ရာ ဂိုးမရှိ သရေရလဒ် ထွက်ပေါ်ခဲ့ပါတယ်။
2 years Ago
More News
Up