မြန်မာအလုပ်သမား

December 17, 2018

ပြည်ပရောက်မြန်မာအလုပ်သမားများ မိသားစုထံ တရားဝင်ငွေလွှဲပို့မှု တိုးတက်လာ

နိုင်ငံရပ်ခြားမှာ သွားရောက်အလုပ်လုပ်တဲ့ မြန်မာအလုပ်သမားတွေကနေ မိသားစုထံ တရားဝင်လမ်းကြောင်းက ငွေလွှဲပြောင်းပေးပို့မှုဟာ ၂၀၁၈ ခုနှစ်မှာ များစွာ တိုးတက်လာတယ်လို့ စီမံကိန်းနဲ့ဘဏ္ဍာ ဒုဝန်ကြီး ဦးမောင်မောင်ဝင်း ပြောပါတယ်။ ဒီကနေ့ ပြည်သူ့လွှတ်တော်အစည်းအဝေးမှာ တွံတေးမဲဆန္ဒနယ်က လွှတ်တော်အမတ် ဦးမြင့်လွင်ရဲ့ ပြည်ပရောက် မြန်မာနိုင်ငံသားတွေထံက ပြန်လည်ပေးပို့တဲ့ ငွေတွေနဲ့ စပ်လျဉ်းတဲ့ မေးခွန်းကို ဒုဝန်ကြီးက ဖြေကြားရာမှာ ထည့်သွင်းပြောဆိုသွားတာပါ။ “အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန အနေဖြင့် မိသားစု လွှဲပို့ငွေများကို တရားဝင်လမ်းကြောင်းများမှ လွယ်ကူ၊ လျှင်မြန်၊ ချောမွှေ့စွာ ပေးပို့နိုင်ရေး၊ အသိပညာပေးခြင်း၊ စေလွှတ်သည့်အင်ဂျင်စီများကို ကြပ်မတ်ဆောင်ရွက်ခြင်းကြောင့် ပုဂ္ဂလိကဘဏ်များမှ ပေးပို့သော ၂၀၁၈ ခု ဇန်န၀ါရီလမှ ဇွန်လအထိ ကျပ်သန်းပေါင်း ထောင်ဂဏန်းသာရှိခဲ့သော်လည်း ၂၀၁၈ ခုနှစ် ဇူလိုင်လမှာ ကျပ်သန်းပေါင်း ၃၄၀၀၀ ကျော်နဲ့ သြဂုတ်လမှာ ကျပ်သန်းပေါင်း ၃၉၀၀၀ကျော်ဖြစ်လာတာကိုတွေ့ရှိရပါတယ်။ မိသားစုလွှဲပို့ငွေများ တရားဝင်လမ်းကြောင်းမှ လွှဲပြောင်းပေးပို့ခြင်းဟာများစွာတိုးတက်မှုရှိလာတာကို တွေ့ရှိရပြီးတော့ နိုင်ငံတော်ရဲ့ GDPမှာ ပြည်ပရွှေ့ပြောင်းလုပ်သားများရဲ့ မိသားစု လွှဲပို့ငွေများသည်  များစွာ အထောက်အကူပြုလျက်ရှိသည်ကို တွေ့ရှိရပါတယ်။ ” ပြည်ပရောက်အလုပ်သမားတွေထံက မြန်မာနိုင်ငံသို့ ပြန်လည်လွှဲပို့ငွေဟာ ၂၀၁၆-၁၇ ဘဏ္ဍနှစ်မှာ GDPရဲ့ ၀.၈၁ ရာခိုင်နှုန်းရှိပြီး ၂၀၁၇-၁၈ ဘဏ္ဍာနှစ်မှာ GDPရဲ့ ၁.၀၆ ရာခိုင်နှုန်းရှိပါတယ်။ ဒါပေမယ့် ပြည်ပရောက်မြန်မာလုပ်သားဦးရေနဲ့ ၀င်ငွေအခြေအနေ နှိုင်းယှဉ်ကြည့်ရင်တော့  မိသားစုလွှဲပို့ငွေဟာ နည်းပါးနေသေးတယ်လို့ ဒုဝန်ကြီး ဦးမောင်မောင်ဝင်းက ပြောပါတယ်။ “ပြည်ပရောက်မြန်မာလုပ်သားဦးရေနဲ့ ၄င်းတို့ရရှိတဲ့ ၀င်ငွေအခြေအနေအရ ချိန်စကြည့်ပါက ၄င်းတို့ လွှဲပို့နေသော မိသားစု လွှဲပို့ငွေသည် နည်းပါးနေသေးကြောင်း၊ မြန်မာနိုင်ငံသည် စီးပွားရေး ပိတ်ဆို့အရေးယူမှုခံခဲ့ရသဖြင့် ပြည်ပနိုင်ငံများမှ မြန်မာနိုင်ငံကို တရားဝင်ဘဏ်စနစ်ဖြင့် လွှဲပြောင်းပေးပို့ရန် အခက်ခဲများရှိသည်ကို အကြောင်းပြု၍ ဟွန်ဒီငွေလွှဲစနစ် လုပ်ဆောင်သူများမှ အခွင့်ကောင်းယူပြီး မိသားစု လွှဲပို့ငွေကိစ္စများဆောင်ရွက်ခဲ့ကြသည်ကို တွေ့ရှိရပါတယ်။ ပြည်ပရောက်လုပ်သားများက  ဟွန်ဒီစနစ်ဖြင့် ငွေလွှဲပို့ခြင်းသည် နိုင်ငံတော်အတွက် အခွန်များ မရရှိသည့်အပြင် စာရင်းဇယားများလည်းမရရှိခြင်း၊ တချို့ဟွန်ဒီငွေလွှဲ လုပ်ကိုင်သူများက ငွေလိမ်လည်ခြင်း စတဲ့ပြဿနာများ ရှိပါတယ်။ သို့ဖြစ်ရာ မြန်မာနိုင်ငံအား စီးပွားရေး ပိတ်ဆို့အရေးယူမှုများ ကင်းလွတ်ခွင့်ရရှိချိန်မှစပြီး တရားဝင်လမ်းကြောင်းမှ ငွေပေးပို့နိုင်ရေးကို အလေးထား ဆောင်ရွက်လျက်ရှိပါတယ်။” မြန်မာနိုင်ငံအနေနဲ့ ၁၉၉၀ ပြည့်နှစ်ကစလို့ ပြည်ပသို့ သွားရောက် လုပ်ကိုင်လိုသူတွေကို တရားဝင် စေလွှတ်ခွင့်ပြုခဲ့ရာ ၁၉၉၉ ခုနှစ်မှာ ပြည်ပ အလုပ်အကိုင်ဆိုင်ရာ ဥပဒေကို ပြဋ္ဌာန်းခဲ့ပါတယ်။ အဆိုပါဥပေဒအရ ပြည်ပအလုပ်အကိုင် အကျိုးဆောင် လိုင်စင်ရ  အေဂျင်စီတွေကို ခွင့်ပြုပြီး ပြည်ပသို့ အလုပ်သမားတွေ တရားဝင်စေလွှတ်ခွင့်ပြုခဲ့ရာ ခုအခါမှာ ပြည်ပအလုပ်အကိုင် အကျိုးဆောင်လိုင်စင်ရ အေဂျင်စီစုစုပေါင်း ၂၅၈ ခုရှိပါတယ်။ ၁၉၉၀ ပြည့်နှစ်ကစလို့ ပြည်ပသို့ အလုပ်သမားတွေ စေလွှတ်ခဲ့တဲ့ နိုင်ငံပေါင်း ၁၉ နိုင်ငံရှိခဲ့ပေမယ့် ခုအခါမှာ မလေးရှား၊ ကိုးရီးယား၊ စင်္ကာပူ၊ ထိုင်း၊ ဂျပန်၊ ယူအေအီး၊ ကာတာ၊ မကာအို၊ ဂျော်ဒန် စုစုပေါင်း ၉ နိုင်ငံကိုသာ မြန်မာနိုင်ငံက  အလုပ်သမားတွေ တရားဝင် သွားရောက်အလုပ်လုပ်ကိုင် နေပါတယ်။ စေလွှတ်ခဲ့တဲ့ အလုပ်သမားဦးရေအနေနဲ့ ၁၉၉၀ ပြည့်နှစ်မှ ၂၀၁၆ ခုနှစ်အထိ  ၅၁၉၄၆၁ဦး၊ ၂၀၁၇ ခုနှစ်မှာ ၁၆၁၈၉၇ ဦး၊ ၂၀၁၈ ခုနှစ် ဇန်န၀ါရီမှ သြဂုတ်လအထိ ၁၅၀၆၁၈ ဦးရှိပြီး အများစုက မလေးရှား၊ ထိုင်းနဲ့ ကိုးရီးယားနိုင်ငံတွေကို စေလွှတ်တာ ဖြစ်ပါတယ်။ ထိုင်းနဲ့ မလေးရှားနိုင်ငံတွေကို တရားမ၀င်သွားရောက် အလုပ်လုပ်ကိုင်နေကြတဲ့ မြန်မာအလုပ်သမားအရေအတွက်ကလည်း သန်းနဲ့ချီရှိနေပြီး တရားဝင်သွားရောက်သူ အရေအတွက်ထက် ပိုမိုများပြားပါတယ်။
2 years Ago

December 15, 2018

ထိုင်းအချုပ်မှ ပြန်လွတ်လာသည့် မြန်မာအလုပ်သမား ၄၀ ကျော် ကော့သောင်းရောက်ရှိ

ထိုင်းနိုင်ငံ ဥပဒေအရ ပြစ်ဒဏ်ကျခံပြီး ပြန်လွှတ်ပေးလိုက်တဲ့ မြန်မာအလုပ်သမား ၄၀ ကျော်ဟာ ရနောင်းမြို့မှတဆင့် ကော့သောင်းမြို့ကို ဒီဇင်ဘာ ၁၄ ရက်နေ့ ညနေပိုင်းက ရောက်ရှိလာခဲ့ကြပါတယ်။ ပြန်လွတ်လာတဲ့ မြန်မာရွှေ့ပြောင်းအလုပ်သမား ၄၂ ဦးကို ကော့သောင်းမြို့ မဥူသကခန်းမမှာ ယာယီထားရှိပြီး နာမကျန်းဖြစ်နေသူတွေကို ကျမ်းမာရေး စောင့်ရှောက်မှုပေးပြီး အစားအသောက်တွေကျွေးမွေးကာ သက်ဆိုင်ရာဌာနတွေက စာရင်းကောက်ယူကြပါတယ်။ “ဒီရောက်လာတဲ့လူ ၄၂ ဦးမှာ များသောအားဖြင့် နိုင်ငံ မတရားခိုးဝင်မှုပေါ့။ တကယ်တော့ သူတို့က အနယ်နယ်အရပ်ရပ်က ဖမ်းမိထားတဲ့သူတွေစုပြီး ထိုင်းလ၀ကကို ပို့တာပါ၊ အနယ်နယ်အရပ်ရပ်က အသွင်အမျိုးမျိုးနဲ့ အဖမ်းခံရတာတွေပါ” လို့ နယ်ခြားကော်မတီဝင်တဦးက ပြောပါတယ်။ ပြန်ရောက်လာတဲ့ မွန်ပြည်နယ် ချောင်းဆုံမြို့မှ ကိုသန်းဝေက “ကျနော်က မလေးရှားကို သွားမလို့ပါ။ မြန်မာကနေအထွက် ထိုင်းထဲအဝင်မှာ အဖမ်းခံရတာပါ။ ထိုင်းနိုင်ငံ ရနောင်းအချုပ်မှာ တလကျော်ကြာပါတယ်” လို့ ပြောပါတယ်။ လွတ်မြောက်လာတဲ့ မြန်မာရွှေ့ပြောင်းအလုပ်သမားတွေဟာ တနသာင်္ရီတိုင်း၊ မွန်ပြည်နယ်၊ ရန်ကုန်တိုင်းနဲ့ ရခိုင်ပြည်နယ်တွေက ဖြစ်ပြီး မော်တော်ယာဉ်တွေ စီစဉ်ပေးပြီး နေရပ်ပြန်ခိုင်းခဲ့တယ်လို့ သိရပါတယ်။ ထိုင်းအချုပ်မှ ပြန်လွတ်လာသူတွေကို လက်ခံပြီး နေရပ်ပြန်ပို့ပေးနေတာ နိုဝင်ဘာ နဲ့ ဒီဇင်ဘာ ပထမပတ်အထိ လူဦးရေ ၂၀၀ နီးပါးရှိသွားပြီလို့ လဝကစာရင်းတွေအရ သိရပါတယ်။
2 years Ago
More News
Up