မြန်မာအမျိုးသမီးတဦးကို အဓမ္မကျင့်ခဲ့သည့် ထိုင်းလူငယ် ၄ ဦးကို ဖမ်းဆီး

December 19, 2015

မြန်မာအမျိုးသမီးတဦးကို အဓမ္မကျင့်ခဲ့သည့် ထိုင်းလူငယ် ၄ ဦးကို ဖမ်းဆီး

ထိုင်းနိုင်ငံ စမွတ်စခွန်ခရိုင်မှာ အသက် ၂၀ အရွယ်  မြန်မာအမျိုးသမီးတဦးကို ဓားပြတိုက် အဓမ္မပြုကျင့်ခဲ့မှုနဲ့  ထိုင်းလူငယ် ၄ ဦးကို ရဲတပ်ဖွဲ့က ဖမ်းဆီးလိုက်တယ်လို့ ဒီဇင်ဘာ ၁၈ ရက်နေ့ ထိုင်းနိုင်ငံထုတ် သည်နေရှင်း သတင်းမှာ ဖော်ပြပါတယ်။ ဒီဇင်ဘာ ၁၆ ရက် မနက် ၅ နာရီ မိနစ် ၂၀ လောက်မှာ  အဆိုပါ လူငယ် ၄ ဦးဟာ မြန်မာ မိန်းကလေးဆီက ဘတ်ငွေ ၂ ထောင်ကို ဓားပြတိုက်လုယူကာ လူသူမနေတဲ့ အိမ်တလုံးဆီ  မော်တော်ဆိုင်ကယ်နဲ့ အတင်းခေါ်ဆောင်သွားပြီး မုဒိမ်းပြုကျင့်ခဲ့တာလို့  စမွတ်စခွန် ရဲတပ်ဖွဲ့အကြီးအကဲ ချိုင်ယွတ်သွမ်ယာက သတင်းမှာပြောပါတယ်။ ဖမ်းဆီးမိတဲ့ ထိုင်းနိုင်ငံသားတွေဟာ အသက် ၂၅ နှစ် အရွယ်တဦး၊ အသက် ၁၈ နှစ် အရွယ် ၂ ဦးနဲ့ အသက် ၁၇ နှစ်အရွယ် လူငယ်တဦးတို့ ဖြစ်တယ်လို့ ဆိုပါတယ်။ နောက်ပိုင်းမှာ ပြန်လွတ်လာတဲ့  မြန်မာအမျိုးသမီးက  ရဲစခန်းမှာ တိုင်ချက်ဖွင့်ခဲ့တဲ့အတွက်  ရဲက ထိုင်းလူငယ်တွေကို ဖမ်းဆီးနိုင်ခဲ့တာလို့ သတင်းမှာဖော်ပြထားပါတယ်။
6 years Ago
Up