ရန်ကုန်မြို့ သုဝဏ္ဏကွင်းမှာ မနေ့ညနေက မြန်မာယူ ၂၂ အသင်းနဲ့ တောင်ကိုရီးယား ကလပ် ပိုဟန်စတီးလားအသင်းတို့ ခြေစမ်းပွဲယှဉ်ပြိုင်ရာ မြန်မာယူ ၂၂ အသင်းက ၃ ဂိုး ၁ ဂိုးနဲ့ အနိုင်ရသွားပါတယ်။ မြန်မာယူ ၂၂ အသင်းအတွက် ဦးဆောင်ဂိုးကို ပွဲချိန် ၂၃ မိနစ်မှာ အောင်နိုင်ဝင်းရဲ့ အဝေးကန်ချက်ကနေ သွင်းယူပြီး ဒုတိယဂိုးကို ၃၇ မိနစ်မှာ ဝင်းနိုင်ထွန်းက အနီးကပ် ပိတ်သွင်းပြီး ရယူခဲ့ပါတယ်။ ဒုတိယပိုင်းမှာ မြန်မာယူ ၂၂ အသင်းက ပထမပိုင်းတုန်းက ခြေစွမ်းပြတဲ့ ကစားသမား ၁၀ ဦးစလုံးကို လဲလှယ်ကစားခဲ့ပါတယ်။ ပွဲချိန် ၇၃ မိနစ်မှာ တွဲလုံးတွေကနေတဆင့် ကောင်းထက်စိုးက အပြင်းကန်သွင်းပြီး တတိယဂိုး ရယူခဲ့ပါတယ်။ ကိုရီးယားကလပ်အသင်းကလည်း ချေပဂိုးရဖို့ ပြန်လည်တိုက်စစ်ဆင် ကစားခဲ့ရာ ပွဲချိန် ၇၅ မိနစ်မှာ မြန်မာအသင်း ဂိုးဧရိယာအတွင်းမှာ ကင်ဒေါင်ဘန်းက ဂိုးထောင့်ကျဉ်းကို အပြင်းကန်သွင်းယူခဲ့လို့ ချေပဂိုးတဂိုး ရရှိခဲ့ပါတယ်။ ပွဲအပြီးမှာ မြန်မာယူ ၂၂ အသင်းနည်းပြ ပိုပေါ့က "အသင်းကစားပုံကို ကျေနပ်ပေမယ့် ကြံ့ခိုင်မှုအပိုင်းကို အားမရသေးဘူး။ ဗီယက်နမ် ယူ ၂၂ အသင်းနဲ့ ခြေစမ်းပွဲအတွက် ပြင်ဆင်နေတယ်" လို့ ပြောပါတယ်။ မြန်မာယူ ၂၂ အသင်းဟာ ဇွန်လ ၇ ရက်နေ့မှာ ဗီယက်နမ် ယူ ၂၂ အသင်းနဲ့  ခြေစမ်းပွဲ သွားရောက်ယှဉ်ပြိင်မှာ ဖြစ်ပါတယ်။

မြန်မာယူ၂၂၊ ဧရာဝတီအသင်းတွေနဲ့ ကစားမယ့် ပိုဟန်စတီးလားအသင်းမှာ ယူ ၂၃ ကစားသမားတွေပဲ ခေါ်ဆောင်လာတယ်လို့ အသင်းနည်းပြ ကင်ဂျီဒေါင်က ပြောပါတယ်။ ပိုဟန်စတီးလားအသင်းဟာ လက်ရှိ ကေလိဂ်ပြိုင်ပွဲမှာ ၁၃ ပွဲကစား ၆ ပွဲနိုင် ၂ ပွဲသရေ ၅ ပွဲရှုံးရလဒ်နဲ့ အဆင့် ၆ နေရာမှာ ရပ်တည်နေတာပါ။ လိဂ်ပြိုင်ပွဲတွေ ကစားနေတဲ့အတွက် အသင်းကြီးက အဓိက ကစားသမားတွေကို မခေါ်လာဘဲ အသက် ၂၃ နှစ်အောက် ကစားသမားတွေပဲ မြန်မာပြည်ကို ခေါ်လာတယ်လို့ ဆိုပါတယ်။ ဒါပေမယ့် အရည်အသွေးရှိတဲ့ ကစားသမားတွေ ဖြစ်တာကြောင့် ခြေစမ်းပွဲနှစ်ပွဲကနေ ပရိသတ်တွေကို ဖျော်ဖြေမှုပေးနိုင်ဖို့ မျှော်လင့်တယ်လို့ ကိုရီးယားကလပ် ပိုဟန်စတီးလားနည်းပြက ပြောပါတယ်။ ပိုဟန်စတီးလားအသင်းဟာ ကေလိဂ်ချန်ပီယံ ၅ ကြိမ် ရရှိခဲ့ဖူးပြီး အာရှချန်ပီယံလိဂ် ချန်ပီယံ ၃ ကြိမ်လည်း ရယူနိုင်ခဲ့ဖူးပါတယ်။ တောင်ကိုရီးယား ကေလိဂ်ထိပ်တန်းကလပ် ပိုဟန်စတီးလားအသင်းဟာ မေလ ၂၈ ရက်မှာ ဧရာဝတီယူနိုက်တက်အသင်း၊ မေလ ၃၀ ရက်မှာ မြန်မာ့လက်ရွေးစင် ယူ၂၂ အသင်းတွေနဲ့ သုဝဏ္ဏကွင်းမှာ ခြေစမ်းကစားမှာ ဖြစ်ပါတယ်။ အဲဒီခြေစမ်းပွဲနှစ်ပွဲကို ဝင်ကြေးအခမဲ့အဖြစ် သတ်မှတ်ထားပြီး ပရိသတ်တွေအတွက် တီဗွီ၊ ဆမ်ဆောင်းဖုန်း စတဲ့ ကံစမ်းမဲတွေလည်း စီစဉ်ထားတယ်လို့ သိရပါတယ်။