တရုတ်နဲ့ပွဲခြေစမ်းပွဲဟာ ခက်ခဲနိုင်ပေမယ့် အကောင်းဆုံးတုံ့ပြန်ကစားသွားမယ်လို့ မြန်မာ့လက်ရွေးစင် နည်းပြကပြောပါတယ်။ မြန်မာ့လက်ရွေးစင်အသင်းဟာ တရုတ်လက်ရွေးစင်အသင်းနဲ့ နမ်ကျင်းမြို့မှာ ဒီနေ့ ခြေစမ်းကစားမှာပါ။ ဒီပွဲဟာ နည်းပြသစ် အန်တွမ်နီဟေးအတွက် မြန်မာနည်းပြဘ၀ ပထမဆုံးပွဲဖြစ်လာမှာပါ။ တရုတ်နဲ့ပွဲမှာ ခက်ခဲနိုင်ပေမယ့် အကောင်းဆုံး တုံ့ပြန်ကစားသွားမယ်လို့ မြန်မာနည်းပြကပြောပါတယ်။ နည်းပြ အန်တွမ်နီဟေးက “ဒီပွဲက လွယ်ကူမှာတော့မဟုတ်ဘူး။ တရုတ်လိုအသင်းနဲ့ အဝေးကွင်းမှာ သွားကစားရတာဟာလည်း ဘယ်တော့မှ လွယ်ကူလေ့မရှိပါဘူး။ ကျနော်တို့အသင်းက ကစာသမားအသစ်တွေနဲ့ အသင်းသစ် တသင်းလိုပါပဲ။ ဒီပွဲအတွက် ပြင်ဆင်ချိန်က ၃ ရက်လောက်ပဲရလို့ အရမ်းနည်းပါတယ်။ ဒါပေမယ့် ကျနော် ရွေးချယ်ထားတဲ့ လူငယ်တွေအနေနဲ့ ခြေစွမ်းဘယ်လောက်ကောင်းတယ်ဆိုတာ သက်သေပြချင်နေပါလိမ့်မယ်။ ဒီလိုအဆင့်အတန်းမြင့်တဲ့ ခြေစမ်းပွဲကစားရတာကိုတော့ ကျေနပ်ပါတယ်။ တရုတ်နဲ့ပွဲမှာ ကျနော်တို့ မှာရှိတဲ့ အကောင်းဆုံးခြေစွမ်းနဲ့ ကစားနိုင်ဖို့ ကြိုးစားမှာပါ” လို့ ပြောပါတယ်။ တရုတ်နဲ့ပွဲမှာ အရင်ကလို ဂိုးပြတ်ရှုံးနိမ့်ခဲ့တာမျိုးလို့ အဖြစ်ခံမှာမဟုတ်ဘဲ  စိတ်ဓာတ်အပြည့်နဲ့ ကစားသွားမယ်လို့ မြန်မာအသင်းခေါင်းဆောင် ဇော်မင်းထွန်းက ပြောပါတယ်။ မြန်မာလက်ရွေးစင်နဲ့ တရုတ်အသင်းတို့ဟာ ၂၀၁၀ ကမ္ဘာ့ဖလားခြေစစ်ပွဲမှာ နောက်ဆုံးအကြိမ်တွေ့ဆုံဖူးပြီး တရုတ်အသင်းက အဝေးကွင်းမှာ ၄ ဂိုး ဂိုးမရှိ၊ အိမ်ကွင်းမှာ ၇ ဂိုး ဂိုးမရှိ ရလဒ်တွေနဲ့ နှစ်ကျော့စလုံး အနိုင်ရခဲ့ပါတယ်။

ဗီယက်နမ်နဲ့ပွဲဟာ ခက်ခဲတဲ့ပွဲစဉ်ဖြစ်ပေမယ့် ရလဒ်ကောင်းရဖို့ပြင်ဆင် ထားတယ်လို့ မြန်မာနည့်းပြဂတ်ဇီဆီက ပြောပါတယ်။ အာဆီယံဆူဇူကီးဖလားပြိုင်ပွဲအုပ်စု(ခ)အသင်းတွေရဲ့ ပွဲကြိုသတင်းစာရှင်းလင်းပွဲကို နိုဝင်ဘာ ၁၉ ရက်က နိုဗိုတယ်ဟိုတယ်မှာ ကျင်းပခဲ့ပြီး မြန်မာနည်းပြဂတ်ဇီဆီက အခုလိုပြောဆိုခဲ့တာပါ။ မြန်မာအသင်းမှာ လူငယ်ကစားသမားတွေများတဲ့အပြင် အိမ်ရှင်အသင်းဖြစ်လို့ ပွဲတိုင်းမှာ ဖိအား ရှိတယ်လို့လည်း မြန်မာနည်းပြကပြောပါတယ်။ ဒါပေမယ့် ကမ္ဘာ့ဖလားခြေစစ်ပွဲစဉ်တွေနဲ့ ဥရောပခြေစမ်းပွဲတွေမှာ လူငယ်တွေကို ပွဲထွက်ကစားစေခဲ့တာကြောင့် ဗီယက်နမ်အသင်းကို အကောင်းဆုံး ရင်ဆိုင်နိုင်မယ်လို့ မြန်မာနည်းပြက သတင်းစာရှင်းလင်းပွဲမှာပြောပါတယ်။ မြန်မာပရိသတ်တွေအနေနဲ့ မြန်မာအသင်းကို စိတ်ရှည်ရှည်ထားပြီး အားပေးကြဖို့လည်း နည်းပြဂတ်ဇီဆီကပြောပါတယ်။ ဗီယက်နမ်နည်းပြ ငုရင်ဟူသန်ကတော့ မြန်မာအသင်းမှာ ယူ ၂၀ ကမ္ဘာ့ဖလား ပြိုင်ကစားထားတဲ့ ကစာသးမာတွေရှိတဲ့အပြင် ဥရောပထွက်ပြီးလည်း လေ့ကျင့်ထားတာကြောင့် ခက်ခက်ခဲခဲကစားရမှာဖြစ်ပြီး ဘယ်အသင်းကမှ အနိုင်ရဖို့လွယ်ကူမှာမဟုတ်ဘူးလို့ပြောပါတယ်။ အုပ်စု(ခ)မှာ အသင်းတိုင်းက နောက်တဆင့်တက်ဖို့ အခွင့်အရေးဆတူရှိပြီး ဘယ်အသင်းနဲ့ပွဲကမှ လွယ်ကူမှာမဟုတ် ဘူးလို့လည်း ဗီယက်နမ်နည်းပြ ငုရင်ဟူသန်က ပြောပါတယ်။ အာဆီယံဆူဇူကီးဖလား အုပ်စု(ခ)ပွဲစဉ်တွေကို နိုဝင်ဘာ၂၀ ရက်မှာစတင်မှာဖြစ်ပြီး ညနေ ၃ နာရီမှာ မလေးရှားနဲ့ ကမ္ဘောဒီးယား၊ ညနေ ၆ နာ ရီမှာ မြန်မာနဲ့ဗီ ယက်နမ် အသင်းတို့ယှဉ်ပြိုင်ကစားကြမှာ ဖြစ်ပါတယ်။ Sport MM v Vietnam သတင်း၊ဓာတ်ပုံ- လွှမ်းမိုးအောင်