မြန်မာတနိုင်ငံလုံးတွင်

July 27, 2017

မြန်မာတနိုင်ငံလုံးတွင် A (H1N1)လူနာ ၂၀ရှိဟု ကျန်းမာရေးဌာနထုတ်ပြန်

တနိုင်ငံလုံးမှာ ရရှိတဲ့ အချက်အလက်တွေအရ ဇူလိုင် ၂၆ ရက်  ညနေပိုင်းအထိ Influenza A (H1N1) pdm 2009 - Positive စုစုပေါင်း လူနာ ၂ဝ ဦးရှိခဲ့ပြီး ၄င်းတို့အနက် ၃ ဦး သေဆုံးခဲ့တယ်လို့ ကျန်းမာရေးနဲ့ အားကစားဝန်ကြီးဌာနက ထုတ်ပြန်ပါတယ်။ ရန်ကုန်မြို့ရှိဆေးရုံကြီးတွေမှာ  လတ်တလောပြင်းထန်အသက်ရှူလမ်းကြောင်းပိုးဝင်ရောဂါ(Severe Acute Respiratory Illness)နဲ့ စုစုပေါင်းလူနာ ၂၁ ဦးကို ကုသမှု ပေးခဲ့ရာမှာ  Seasonal Influenza A (H1N1) pdm 2009 - Positive စုစုပေါင်းလူနာ ၁ဝ ဦးရှိခဲ့ပြီး ၃ ဦး သေဆုံးခဲ့တယ်လို့ ထုတ်ပြန်ချက်မှာဖော်ပြပါတယ်။ ချင်းပြည်နယ် မတူပီမြို့နယ်မှာတော့  သံသယတုပ်ကွေးရောဂါဖြစ်ပွားသူ ၃ဝဝ ခန့်အနက်မှ ၁ဝ ဦးမှာ Seasonal Influenza A (H1N1) pdm 2009 - Positiveတွေ့ရှိခဲ့တယ်လို့ ဆိုပါတယ်။ မတူပီမှာ သေဆုံးခဲ့တဲ့ ကလေး ၁ ဦးမှာတော့ ရောဂါပိုးမတွေ့ရဘူးလို့  ပြည်သူ့ကျန်းမာရေး ဦးစီးဌာန ဒုညွန်ကြားရေးမှူးချုပ် ဒေါက်တာ သန်းထွန်းအောင်က နိုင်ငံပိုင်မီဒီယာတွေကို ပြောထားပါတယ်။
4 years Ago
Up