မြန်မာတပ်မတော်

March 7, 2017

တပ်မတော်က လောက်ကိုင်မြို့တွင်း အသေးစိတ်မြေပြင်ရှင်းလင်းမှုစတင် (ရုပ်သံ)

ရှမ်းပြည်နယ်မြောက်ပိုင်း လောက်ကိုင်မြို့ထဲမှာ မြန်မာ့တပ်မတော်က ခြေလျင်တပ်တွေဟာ   ဒီနေ့ နေ့လယ်က စပြီး မြို့တွင်းလှည့်လည်ကာ အသေးစိပ်ရှင်းလင်းမှုတွေ စတင်ပြုလုပ်နေပါတယ်။ မြို့ပေါ်မှာပင် လက်နက်ကြီးလက်နက်ငယ်ပစ်ခတ်သံ အတိုင်းသားကြားနေရပြီး စစ်သံချပ်ကား တွေလည်း မြို့တွင်းကင်းလှည့်နေကာ  လမ်းတလျှောက် တပ်မတော်က လုံခြုံရေး တိုးမြှင့်ထားပါတယ်။ အရင်က လူစည်ကားနေတဲ့ လောက်ကိုင်မြို့ပေါ်မှာ လူသူကင်းမဲ့သလောက် နည်းပါးနေပြီး ဒေသခံအများစုကတော့ တရုတ်နိုင်ငံဘက်ကို ထွက်ပြေးရှောင်တိမ်းနေကြပါတယ်။
5 years Ago

May 12, 2016

ကေအိုင်အေနှင့် အစိုးရတပ် ၁၀ ရက်အတွင်း တိုက်ပွဲ ၁၃ ကြိမ်ဖြစ်ပွား

မြန်မာတပ်မတော်နဲ့ ကချင်လွတ်လပ်ရေးတပ်မတော် (ကေအိုင်အေ) တို့အကြား ပြီးခဲ့တဲ့ မေ ၁ ရက်မှ ၁၀ ရက်ထိ တိုက်ပွဲပေါင်း ၁၃ ကြိမ်ဖြစ်ပွားပြီး ကေအိုင်အေဘက်က ၁ ဦးသေဆုံးကာ အစိုးရတပ်ဘက်က စစ်သည်တချို့ ထိခိုက်ဒဏ်ရာရသွားတယ်လို့ စစ်တပ်ပိုင် မြ၀တီသတင်းဌာနက ထုတ်ပြန်ပါတယ်။ တိုက်ပွဲတွေအတွင်း ကေအိုင်အေ သင်တန်းကျောင်း ၁ ကျောင်း၊ စခန်းပုန်း ၅  ခု၊ လက်နက်မျိုးစုံ ၄ လက်နဲ့ ကျည်ဆန်၊ အာရ်ပီဂျီဗုံး၊ ဒေသန္တရမိုင်းတွေအပြင်  မော်တော်ယာဉ် ၁ စီးနဲ့ ဆိုင်ကယ် ၁ စီးတို့လည်း သိမ်းဆည်းရမိခဲ့တယ်လို့ ဆိုပါတယ်။ ကေအိုင်အေအဖွဲ့ဝင်တွေဟာ ဧပြီ ၂၉ ရက် ညက ကချင်ပြည်နယ်၊ ဖားကန့်မြို့နယ်၊ ကာမိုင်းမြို့၊ နန့်ယားကျေးရွာအုပ်စု၊ စဘော့မှော်ကျေးရွာကနေ လူ ၇ ဦးကို ဖမ်းဆီးခေါ်ဆောင်သွားခဲ့ပြီး မေ ၂ ရက်မှာ ၅ ဦးကို ပြန်လည်စေလွှတ်ပေးခဲ့ပြီး အမျိုးသား ၂ ဦးကိုတော့ ယခုတိုင် ပြန်မလွှတ်ပေးသေးဘူးလို့လည်း မြ၀တီသတင်းမှာ ဖော်ပြပါတယ်။ ကချင်ပြည်နယ် ဖားကန့်ဒေသမှာ မေလ ၈ ရက်နေ့ကလည်း ဗုံးပေါက်ကွဲမှုတွေ ဆက်တိုက်ဖြစ်ပွားပြီး အမျိုးသမီး ၁ ဦး ဒဏ်ရာရသွားတယ်လို့ အစိုးရ ပြန်ကြားရေးက သတင်းထုတ်ပြန်ခဲ့ပါတယ်။ အဆိုပါတိုက်ပွဲတွေနဲ့ ပတ်သက်ပြီး ကေအိုင်အေဘက်ကိုတော့ ဆက်သွယ်မေးမြန်းလို့ မရသေးပါဘူး။
6 years Ago
Up