မြစ်ကြီးနားမြို့တွင် မီးလောင်မှု ဖြစ်ပွား

May 15, 2018

မြစ်ကြီးနားမြို့တွင် မီးလောင်မှု ဖြစ်ပွား

  ကချင်ပြည်နယ်၊ မြစ်ကြီးနား၊ မြို့လယ်ကုန်းရပ်ကွက်၊ နယ်မြေ ၈ မှာ မေ ၁၄ ရက်​ ည​နေ ၃ နာရီ​က ဒေါ်အာဆာမိ ပိုင်ဆိုင်တဲ့နေအိမ်မှာ တပ်ဆင်ထားတဲ့ လျှပ်စစ်ဘုတ်ခုံကနေ အပူလွန်ကဲပြီး မီးစတင်လောင်ကျွမ်းခဲ့ပါတယ်။ ဘေးပတ်ဝန်းကျင် နေအိမ်တွေကိုပါ မီးကူးစက်လောင်ကျွမ်းခဲ့ပြီး စုစုပေါင်း နေအိမ် ၃ လုံး၊ စက်ရက်ကန်းရုံ ၁ရုံတို့ မီးထဲပါသွားပြီး  ဆုံးရှုံးမှုတန်ဖိုး ခန့်မှန်းချေ ကျပ် ၈၅၅၀,၀၀၀ ဖိုးလောက်ရှိမယ်လို့ သိရပါတယ်။ မီးလောင်မှုကို  ခရိုင်မီးသတ်တပ်ဖွဲ့က သန္ဓေတပ်ဖွဲ့ဝင် ၅၀ ဦး၊ အရန်တပ်ဖွဲ့ဝင် ၂၀ ဦး၊ မီးငြှိမ်းသတ်ယာဉ် ၅ စီး၊ ရေသယ်ယာဉ် ၃ စီးနဲ့ ငြှိမ်းသတ်နိုင်ခဲ့ပါတယ်။ မီးလောင်မှုကြောင့် အိမ်ရှင်ဖြစ်သူ ဒေါ်အာဆာမိကို နယ်မြေခံ ရဲစခန်းက အရေးယူထား တယ်လို့ သိရပါတယ်။ ဓာတ်​ပုံ - မီးသတ်​
3 years Ago

May 14, 2018

အသက် ၁၀ နှစ်အရွယ် မိန်းကလေးအား အဓမ္မပြုကျင့်သတ်ဖြတ်ခဲ့သူကို သေဒဏ်ချမှတ်

ရန်ကုန်တိုင်း၊ ကမာရွတ်မြို့နယ်မှာ အသက် ၁၀ နှစ်အရွယ် မိန်းကလေးကို အဓမ္မပြုကျင့် သတ်ဖြတ်ခဲ့သူကို ကျူးလွန်ပြီး တနှစ်ခွဲအကြာမှာ သေဒဏ်ချမှတ်လိုက်တယ်လို့ ရန်ကုန်တိုင်းရဲတပ်ဖွဲ့က ထုတ်ပြန်ပါတယ်။ ပြီးခဲ့တဲ့ ၂၀၁၆ ခုနှစ် နိုဝင်ဘာလက ကမာရွတ်မြို့နယ်မှာ ဖြစ်ခဲ့တဲ့ ဒီအမှုကို အနောက်ပိုင်းခရိုင်တရားရုံးက စစ်ဆေးခဲ့ပြီး အခုနှစ် မေလ ၁၁ ရက်မှာ တရားခံ ကျော်အောင် (ခ) ကျော်ကြီး (ခ) ပြာကလောင်ကို သေဒဏ်အမိန့် ချမှတ်ခဲ့တာပါ။ ၂၀၁၆  နိုဝင်ဘာ ၂၄ ရက်က  အမျိုးသမီးတဦးဟာ ကမာရွတ်မြို့နယ်၊ လှည်းတန်း ခုံးကျော်တံတားအောက်မှာ ပန်းရောင်းနေတုန်း ညီမရဲ့ခင်ပွန်းဖြစ်သူ တောင်းရမ်းစားသောက်တဲ့ ကျော်အောင် (ခ) ကျော်ကြီး (ခ) ပြာကလောင် ရောက်ရှိလာတယ်လို့ ဆိုပါတယ်။ ကျော်အောင်က သူတယောက်တည်း ပိုက်ဆံတောင်းရတာ အဆင်မပြေလို့ အဆိုပါအမျိုးသမီးရဲ့ သမီးဖြစ်သူ  အသက် ၁၀ နှစ်အရွယ် မိန်ကလေးကို သူနဲ့အတူ ထည့်ပေးဖို့ ပြောတာကြောင့် ထည့်ပေးလိုက်ပါတယ်။ ညနေ ၈ နာရီလောက်မှာ ကျော်အောင် ပြန်ရောက်လာပေမယ့် သမီးဖြစ်သူ ရောက်မလာလို့ လိုက်လံရှာဖွေရာမှာ ဟံသာဝတီဘူတာနဲ့ လှည်းတန်းဘူတာကြားက ရထား သံလမ်းပေါ်မှာ လည်ပင်းပြတ်ရှဒဏ်ရာနဲ့ သေဆုံးနေတာကို တွေ့ရပြီး ကမာရွတ်မြို့မရဲစခန်းမှာ အမှုဖွင့်ခဲ့တာပါ။ ရဲတပ်ဖွဲ့က ဒီအမှုစုံစမ်းဖော်ထုတ်ရာမှာ  ပြစ်မှုကျူးလွန်သူဟာ ကျော်အောင်(ခ)ကျော်ကြီး (ခ) ပြာကလောင်ဖြစ်ပြီး လူသတ်မှုအပြင် မုဒ်ိမ်းမှုကိုပါ ကျူးလွန်ခဲ့တယ်ဆိုတာ ပေါ်ပေါက်ခဲ့တယ်လို့ ရဲတပ်ဖွဲ့က ထုတ်ပြန်ပါတယ်။ Photo : Yangon Police
3 years Ago
Up