မြစ်ဆုံစီမံကိန်းဆက်မလုပ်ရန်

A d v e r t i s e m e n t With Us

January 30, 2019

မြစ်ဆုံစီမံကိန်းဆက်မလုပ်ဘဲ လျော်ပေးလိုက်ရန် ၀န်ကြီးဟောင်း ဦးစိုးသိန်း တိုက်တွန်း

ပြည်သူအများ ကန့်ကွက်နေတဲ့ မြစ်ဆုံရေအားလျှပ်စစ်စီမံကိန်းကို လက်ရှိအစိုးရအနေနဲ့ မလုပ်ဆောင်စေချင်ဘူးလို့ ယခင်အစိုးရလက်ထက်က နိုင်ငံတော် သမ္မတရုံးဝန်ကြီးအဖြစ် တာဝန်ထမ်းဆောင်ခဲ့တဲ့ အမျိုးသားလွှတ်တော်ကိုယ်စားလှယ် ဦးစိုးသိန်းက ပြောပါတယ်။ ဒီလိုလုပ်ဆောင်တဲ့အတွက် အစိုးရအနေနဲ့ လျော်ကြေးပေးရမယ်ဆိုရင်လည်း တိုင်းပြည်အတွက် လျော်ပေးလိုက်ဖို့သာ လုပ်ဆောင်စေလိုတယ်လို့လည်း ပြောပါတယ်။ ဇန်နဝါရီ ၂၉ ရက် ပြည်ထောင်စုလွှတ်တော်အစည်းအဝေးနားချိန်မှာ သတင်းမီဒီယာတွေနဲ့ တွေ့ဆုံစဉ် ဦးစိုးသိန်းက မြစ်ဆုံစီမံကိန်းနဲ့ ပတ်သက်တဲ့  သူရဲ့သဘောထားကိုပြောသွားတာပါ။ မြစ်ဆုံရေအားလျှပ်စစ်စီမံကိန်းကို စစ်အစိုးရလက်ထက်က တရုတ်ကုမ္ပဏီတခုနဲ့ အကျိုးတူ လုပ်ဆောင်ဖို့ စာချုပ်ချုပ်ဆိုခဲ့တာဖြစ်ပြီး ပြည်သူတွေရဲ့ ကန့်ကွက်မှုကြောင့် ဦးသိန်းစိန်အစိုးရလက်ထက်မှာ  စီမံကိန်းကို ဆက်မလုပ်ပဲ ယာယီရပ်ဆိုင်းခဲ့တာဖြစ်ပါတယ်။ လက်ရှိအချိန်မှာတော့ မြစ်ဆုံစီမံကိန်း ပြန်လည်စတင်နိုင်ဖို့အတွက် တရုတ်နိုင်ငံအနေနဲ့ ပြန်လည်ကြိုးစားလာမှုတွေ ရှိနေတာကြောင့် ပြည်သူတွေက စိုးရိမ်နေကြတာလည်း ဖြစ်ပါတယ်။ အန်အယ်လ်ဒီအစိုးရရဲ့ မြစ်ဆုံစီမံကိန်းအပေါ် ထားရှိတဲ့ သဘောထားဟာ ပြည်သူတွေနဲ့ ထပ်တူရှိတယ်လို့ အန်အယ်လ်ဒီပါတီ ဒုဥက္ကဋ္ဌ မန္တလေးတိုင်း ဝန်ကြီးချုပ် ဒေါက်တာ ဇော်မြင့်မောင်က ထုတ်ဖော် ပြောထားပါတယ်။ အစိုးရအနေနဲ့လည်း မြစ်ဆုံစီမံကိန်းအပေါ် စနစ်တကျစိစစ်အဖြေရှာဖို့အတွက် စုံစမ်းစစ်ဆေးရေးကော်မရှင်ဖွဲ့စည်းပြီး အဲဒီကော်မရှင်ရဲ့ အစီရင်ခံစာအပေါ် မူတည်ကာ လွှတ်တော်ရဲ့ သဘောထားနဲ့ လုပ်ဆောင်ဖို့ ဆုံးဖြတ်ထားတယ်လို့ အစိုးရ တာဝန်ရှိသူ တဦးက ပြောထားပါတယ်။
2 years Ago

August 18, 2016

ဧရာဝတီမြစ်ဆုံဆည်စီမံကိန်း ဆက်မလုပ်ရန် တရုတ်သံရုံးကို အိတ်ဖွင့်ပေးစာ ပေးပို့

မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံသံရုံးကတဆင့် တရုတ်ပြည်သူ့ သမ္မတနိုင်ငံ သမ္မတကြီး မစ္စတာရှီကျင့်ဖျင်ထံကို မြန်မာ့နိုင်ငံရေး လူမှုရေးအဖွဲ့အစည်းတွေက ဧရာဝတီ မြစ်ဆုံဆည်စီမံကိန်း ဆက်မလုပ်ဖို့ အိပ်ဖွင့်ပေးစာတစောင်ကို ဩဂုတ်လ ၁၈ ရက်နေ့က ပေးပို့ခဲ့ပါတယ်။ အိပ်ဖွင့်ပေးစာထဲမှာ ဧရာဝတီမြစ်ဆုံဆည်စီမံကိန်းကြီး ဆက်လုပ်ရေး မလုပ်ရေးရဲ့အဖြေဟာ ပြည်ထောင်စုသား တိုင်းရင်းသားအားလုံး လက်ခံနိုင်တဲ့အဖြေဖြစ်ရမယ်ဆိုတဲ့ အခြေခံမူကို ကိုင်စွဲပြီး တရုတ်ပြည်သူ့သမ္မတနိုင်ငံက ဖြေရှင်းဆောင်ရွက်သွားလိမ့်မယ်လို့ ယုံကြည်မျှော်လင့် ထားကြောင်း ဖော်ပြထားပါတယ်။ မြန်မာနိုင်ငံအတွင်းမှာ ပြုလုပ်နေတဲ့စီမံကိန်းတွေမှာလည်း ပြည်သူလူထုရဲ့သဘောထားကို ထည့်စဉ်းစားပေးဖို့နဲ့ မြန်မာနိုင်ငံမှာ ရင်းနှီးမြှုပ်နှံနေတဲ့တရုတ်စီးပွားရေး လုပ်ငန်းတွေကိုလည်း ကျင့်ဝတ်နဲ့ညီတဲ့ စီးပွားရေးလုပ်ငန်းတွေဖြစ်အောင် ကြပ်မတ်ဆောင်ရွက်ပေးဖို့အရေးကိုလည်း အလေးထား တိုက်တွန်းတောင်းဆိုထားပါတယ်။ ပေးစာကို မြန်မာ့နိုင်ငံရေး လူမှုရေး အဖွဲ့အစည်းပေါင်း ၆၁ ဖွဲ့ကပေါင်းပြီး ပေးပို့ခဲ့တာဖြစ်ပါတယ်။
5 years Ago
Up