ဖြူးမြို့

July 26, 2019

ဖြူးမြို့နယ်၌ တွဲကားတစီးက လမ်းဘေးဆီဆိုင်ကို ၀င်တိုက်သဖြင့် လူ ၁ ဦးသေ၊ ၂ ဦးဒဏ်ရာရ

ပဲခူးတိုင်း၊ ဖြူးမြို့နယ် ညောင်ပင်သာမြို့ ရန်ကုန်-မန္တလေးကားလမ်းဟောင်း မိုင်တိုင်အမှတ် (၁၂၁)အနီးမှာ မနေ့ညနေပိုင်းက ယာဉ်တိုက်မှုဖြစ်ပြီး  အမျိုးသမီး ၁ဦးသေဆုံးကာ အမျိုးသား ၂ဦး ပြင်းထန်ဒဏ်ရာရခဲ့တယ်လို့ ညောင်ပင်သာနယ်မြေရဲစခန်း တာဝန်ရှိသူတဦးက ပြောပါတယ်။ ရန်ကုန်ကနေ နေပြည်တော်ဘက် မောင်းလာတဲ့ ၂၂ ဘီးတပ် တွဲကားတစီးက ဆိုင်ကယ်တစီးကို ရှောင်တိမ်းရာက အရှိန်မထိန်းနိုင်ဘဲ လမ်းဘေးရှိ ဓာတ်ဆီဆိုင်ကို ဝင်တိုက်မိခဲ့ပြီးနောက် ဆီထည့်နေတဲ့ ဆိုင်ကယ်နဲ့ ခရီးသွားတွေကို ထပ်ပြီး ဝင်တိုက်မိခဲ့တာပါ။ ညောင်ပင်သာနယ်မြေရဲတပ်ဖွဲ့စခန်းက တာဝန်ကျ ရဲတပ်ဖွဲ့ဝင်တဦးက "ကားက လမ်းဘေးက တက်လာတဲ့ ဆိုင်ကယ်ကိုရှောင်တာ၊ အရှိန်ကများလာတော့ မထိန်းနိုင်ဖြစ်ပြီး လမ်းဘေးက ဆီဆိုင်မှာ ဆီထည့်နေတဲ့ ဆိုင်ကယ်နဲ့ လူတွေကို ဝင်တိုက်တာ။ အမျိုးသမီး တဦးကတော့ ဆုံးသွားတယ်။ တခြားဒဏ်ရာရတဲ့သူတွေလည်းရှိတယ်” လို့ ပြောပါတယ်။ ယာဉ်တိုက်မှုကြောင့် မှော်ယောကြီးဆင်စခန်းမှာနေထိုင်တဲ့ နော်ဖောမူ (၆၅ နှစ်) ဟာ ဆေရုံပို့ဆောင်စဉ် သေဆုံးသွားပြီး တခြားအမျိုးသား ၂ ဦးဟာလည်း ပြင်းထန်ဒဏ်ရာရရှိခဲ့လို့  ဆေးကုသမှု ခံယူနေရပါတယ်။ အဆိုပါဖြစ်စဉ်နဲ့ ပတ်သက်ပြီး ၂၂ ဘီးတပ် ယာဉ်မောင်း ဝင်းမျိုးနိုင်ကို ညောင်ပင်သာနယ်မြေရဲတပ်ဖွဲ့စခန်းက ရာဇသတ်ကြီးပုဒ်မ ၃၀၄-က/၃၃၈ နဲ့ အမှုဖွင့် စစ်ဆေးနေပါတယ်။ သတင်း- ကျော်အောင်(ကညွတ်ကွင်း)
2 years Ago

June 29, 2019

ဖြူးမြို့တွင် အခြေခံမဲဆန္ဒရှင်စာရင်း ပြုစုခြင်းဆိုင်ရာ ဆင့်ပွားသင်တန်း ပို့ချ

ပဲခူးတိုင်း ဖြူးမြို့ရှိ သာသနာ့ဗိမာန်မှာ မြို့နယ် ရွေကောက်ပွဲကော်မရှင်အဖွဲခွဲ မှ ကော်မရှင်အဖွဲဝင်တွေကို အခြေခံမဲဆန္ဒရှင်စာရင်းပြုစုခြင်းဆိုင်ရာ ဆင့်ပွားသင်တန်းကို ဇွန်လ ၂၈ ရက် ပြုလုပ်ခဲ့ပါတယ်။ လာမယ့် ၂၀၂၀ ရွှေးကောက်ပွဲအား မဲပေးပိုင်ခွင့်ရှိတဲ့ မဲဆန္ဒရှင်တွေ အခွင့်ရေး ဆုံးရှုံးမူမရှိစေဖို့ ရည်ရွယ်ပြီး အခုသင်တန်းကို ပေးခဲ့တာလို့ မြို့နယ်ကော်မရှင်အဖွဲ့ခွဲ ဥက္ကဋ္ဌ ဦးမြင့်ဆွေကျော်က ပြောပါတယ်။ "၂၀၁၅ ရွေးကောက်ပွဲတုန်းက လိုအပ်ချက်ကို သင်ခန်းစာယူပြီး ၂၀၂၀ အတွက် အခု ကတည်းက ပြင်ဆင်တာပါ။ မဲဆန္ဒပေးခွင့်ရှိတဲ့သူ အကုန်ပါစေချင်တယ်၊ အခွင့်ရေး မဆုံးရှုံးအောင်လို့ နဲ့ ခိုင်မာတိကျတဲ့ မဲဆန္ဒရအောင်လို့ပါ။" သင်တန်းကို မြို့နယ်အတွင်းရှိ ရပ်ကွက်အုပ်ချုပ်ရေးမှူးနဲ့ ဆရာဆရာမတွေ၊ ဌာနဆိုင်ရာတွေ လူအင်းအား ၃၀၀ ကျော်တက်ရောက်ခဲ့ကြပါတယ်။ ၂၀၁၅ ခု နှစ် ရွှေကောက်ပွဲမှာ မဲရုံ ၂၁၂ ရုံ ရှိခဲ့ပြီး လက်ရှိမှာ ယင်းမဲရုံအတိုင်း လျာထားကာ လူဦးရေစာရင်းကောက်ယူရရှိတဲ့အပေါ် မူတည်ပြီး မဲရုံတွေ ထပ်မံတိုးချဲ့သွားမယ်လို့ ဖြူးမြို့နယ် ရွေးကောက်ပွဲ ကော်မရှင်အဖွဲ့ခွဲက သိရပါတယ်။ သတင်း-ကျော်အောင်(ကညွတ်ကွင်း)
2 years Ago
More News
Up