ပြန်လည်စတင်

January 15, 2018

ပြန်လည်စတင် ပြည်သူ့လွှတ်တော်တွင် ဥပဒေကြမ်း ၂၆ ခု ဆွေးနွေးမည်

ပြီးခဲ့တဲ့နှစ် နိုဝင်ဘာလကတည်းက ရပ်နားထားတဲ့ ပြည်သူ့လွှတ်တော် အစည်းအဝေးတွေကို ဒီကနေ့ ပြန်လည်စတင်ကျင်းပနေရာမှာ အသင့်ဖြစ်နေတဲ့ မေးခွန်း ၁၇၀ ကျော်နဲ့ ဆွေးနွေးစရာ ဥပဒေကြမ်း ၂၆ ခု ဆွေးနွေးဖို့ရှိနေရှိတယ်လို့ လွှတ်တော် ဥက္ကဋ္ဌက ပြောပါတယ်။ ဒုတိယအကြိမ်လွှတ်တော်သက်တမ်းအတွင်း ၇ ကြိမ်မြောက် ကျင်းပတဲ့ လွှတ်တော် အစည်းအဝေး နုတ်ဆက်စကားမှာ ပြည်သူ့လွှတ်တော်  ဥက္ကဋ္ဌ ဦးဝင်းမြင့်က ပြောခဲ့တာပါ။ “ဒီနေ့ စတင်ကျင်းပတဲ့ သတ္တမပုံမှန်အစည်းအဝေး ကာလအတွင်းမှာ ဆွေးနွေးကြရမယ့် ဥပဒေကြမ်းများအနေနဲ့ ၂၆ ခု ရှိပါတယ်။ မေးခွန်းများအနေနဲ့ ဆဋ္ဌမ ပုံမှန်အစည်းအဝေးက သတ္တမပုံမှန်အစည်းအဝေးကို ပြောင်းရွှေ့မေးမြန်းထားတဲ့ ကြယ်ပွင့်ပြမေးခွန်း ၁၂၁ ခုအပါအဝင် အသင့်ဖြစ် ကြယ်ပွင့်ပြမေးခွန်း ၁၇၂ ခုရှိကြောင်း အသိပေးတင်ပြပါတယ်” လို့ ပြောပါတယ်။ ဒါ့အပြင် အဆို ၈ ခုလည်း တင်သွင်းဖို့ ရှိနေတယ်လို့ ပြောပါတယ်။ အစည်းအဝေးရပ်နားထားတဲ့ ကာလအတွင်း ကွယ်လွန်သွားတဲ့ လွှတ်တော် ကိုယ်စားလှယ် နှစ်ယောက်အတွက်လည်း စိတ်မကောင်းဖြစ်မိတယ်လို့ ပြည်သူ့လွှတ်တော် ဥက္ကဋ္ဌက ပြောကြားခဲ့ပါတယ်။
4 years Ago

September 16, 2017

မောင်တောရှိ ပရဟိတစာသင်ကျောင်းတွင် စာသင်ကြားမှုများ ပြန်လည်စတင်

ရခိုင်ပြည်နယ် မောင်တောမြို့နယ် နံသာတောင်ကျေးရွာမှာ တည်ထောင်ထားတဲ့ မောင်တောနယ်စပ် နံသာတောင်အခမဲ့ ပညာဒါနပရဟိတကျောင်းက စစ်ဘေးရှောင် ကျောင်းသားကျောင်းသူတွေဟာ မောင်တောမြို့မကျောင်းမှာ စက်တင်ဘာ ၁၄ ရက်နေ့ကစပြီး စာသင်ကြားမှုတွေ ပြန်လည်စတင်နေပြီ ဖြစ်ပါတယ်။ အဲဒီကျောင်းမှာ ကျောင်းသား ကျောင်းသူ ၃၇၀ ဦးရှိနေပြီး လောလောဆယ်မှာတော့ အလှူရှင်တွေက ကူညီမှုတွေရှိနေပေမယ့် သင်ထောက်ကူ ပစ္စည်းတွေနဲ့ အစားအစာ အခက်အခဲရှိတယ်လို့ မောင်တောနယ်စပ် နံသာတောင်အခမဲ့ပညာဒါနပရဟိတကျောင်း ကျောင်းထိုင်ဆရာတော် ဦးစာရနက  မိန့်ပါတယ်။ မောင်တောမြို့နယ်ထဲမှာ ၂၀၁၂ ခုနှစ်က အကြမ်းဖက်မှုတွေကြောင့် စာသင်ဖို့ခက်ခဲနေတဲ့ ကလေးတွေကို ပညာသင်ပေးနေတဲ့ ကျောင်းဖြစ်ပြီး မောင်တောနယ်စပ် နံသာတောင်အခမဲ့ ပညာဒါနပရဟိတကျောင်းကို ၂၀၁၂ ခုနှစ် ဇူလိုင်လမှာ စတင်တည်ထောင်ခဲ့တာပါ။ ၂၀၁၇ ခုနှစ် သြဂတ်လ ၂၅ ရက်နေ့က အစွန်းရောက် အကြမ်းဖက်သမားတွေကြောင့် မောင်တောနယ်စပ် နံသာတောင်အခမဲ့ပညာဒါနပရဟိတကျောင်းနဲ့ ရွာကို မီးရှို့ခံခဲ့ရပြီး ဆရာတော်အပါအဝင် ရွာသားတွေ၊ ကျောင်းသား ကျောင်းသူတွေနဲ့ ဆရာ ဆရာမတွေ ကိုယ်လွတ်ရုန်း ထွက်ပြေးခဲ့ရပါတယ်။ နယ်စပ်ရေရာဝန်ကြီးဌာနက ၂၀၁၃-၂၀၁၄ ဘဏ္ဍာနှစ်မှာ လှူဒါန်းတဲ့ သိန်း ၅၀၀ လောက်တန်ဖိုးရှိတဲ့ စာသင်ကျောင်းတခုလည်း မီးရှို့ခံလိုက်ရတယ်လို့ ဆရာတော်က မိန့်ပါတယ်။
4 years Ago
Up