ပြည်မြို့တွင်

A d v e r t i s e m e n t With Us

September 21, 2016

ပြည်မြို့တွင် တက္ကသိုလ်ကျောင်းသူ/သား နှစ်ဦးကို ဆေးခြောက်ထုပ်များနှင့် ဖမ်းမိ

ပဲခူးတိုင်း၊ ပြည်မြို့က တောင်ကုန်းကျေးရွာမှာ နေထိုင်တဲ့ ကိုအောင်အောင်ဆိုသူနဲ့ တက္ကသိုလ်ကျောင်းသူ/သား နှစ်ဦးတို့ကို ဆေးခြောက်ထုပ်တွေနဲ့အတူ ဖမ်းမိခဲ့ပါတယ်။ ဒေသခံတဦးရဲ့ သတင်းပေးတိုင်ကြားချက်အရ စက်တင်ဘာလ ၂၀ ရက်နေ့က ပဲခူးတိုင်း၊ ပြည်မြို့၊ ငါးရွာအုပ်စု၊ တောင်ကုန်းကျေးရွာမှာ နေထိုင်တဲ့ ကိုအောင်အောင် (ခ) အောင်အောင်ချစ်ရဲ့ နေအိမ်ကို ပြည်ခရိုင် ရဲတပ်ဖွဲ့မှူးရုံးက ဒုရဲအုပ်လှမင်းနဲ့ တပ်ဖွဲ့ဝင်တွေ ၀င်ရောက် ရှာဖွေစဉ်မှာ ဆေးခြောက်တွေနဲ့အတူ ဖမ်းမိခဲ့တာပါ၊ ဆေးခြောက် ၁၉၈၀ ဂရမ်နဲ့အတူ သဲကုန်းမြို့က လာရောက်ကျောင်းတက်နေတဲ့ တက္ကသိုလ်ကျောင်းသူတဦးနဲ့ ကျောင်းသားတဦးတို့ဟာ ရဲတပ်ဖွဲ့တွေ ဖမ်းစဉ်မှာ အတူရှိနေတာကြောင့် သူတို့ ၃ ဦးကို ပြည်၊ အမှတ် ၃ နယ်မြေရဲစခန်းက မူး/စိတ်/ပုဒ်မ ၁၅/၁၉(က)/ ၂၀(က) နဲ့ အမှုဖွင့် အရေးယူဆောင်ရွက်နေတယ်လို့ ရဲစခန်းက ပြောပါတယ်။ ကိုအောင်အောင်ချစ် အိမ်က ဖမ်းမိရတဲ့ပစ္စည်းတွေက ပလတ်စတစ်နဲ့ ထုပ်ထားတဲ့ အရွက် အရိုး အစေ့ပါ ဆေးခြောက် ၁၉၈၀ ဂရမ်ရှိသော အထုပ် ၂ ထုပ်နဲ့အတူ ငွေကျပ် ၁,၄၁၅,၀၀၀ ကျပ်၊ နောက် ဆေးခြောက်ချိန်တွယ်ဖို့ အသုံးပြုတဲ့ ချိန်စက် ၁ လုံးတို့ကို သိမ်းဆည်းရမိခဲ့တယ်လို့ ဆိုပါတယ်။ ဆေးခြောက်တွေ လက်ဝယ်ထားရှိ သိုလှောင်ရောင်းချခဲ့သူ အောင်အောင်ချစ်နဲ့ အဆိုပါအိမ်မှာ ရောက်ရှိနေတဲ့ တက္ကသိုလ်ကျောင်းသား ၂ ဦးတို့ကို အမှတ် (၃) ရဲစခန်း အချုပ်ခန်းထဲမှာ အခုလက်ရှိ ချုပ်နှောင်ထားပါတယ်။ မင်းညို
4 years Ago
Up