ပြည့်တန်ဆာ

July 20, 2018

ပြည့်တန်ဆာ လုပ်ငန်းလိုင်စင် ချမှတ်ပေးရေး ဥပဒေပြဋ္ဌာန်းရန် အကြံပြု

မြန်မာနိုင်ငံမှာ ပြည့်တန်ဆာတွေကို တရားဝင်လုပ်ပိုင်ခွင့်လုပ်ငန်း လိုင်စင်ချမှတ်ပေးဖို့အတွက် ဥပဒေပြဋ္ဌာန်းဆောင်ရွက်ဖို့ လိုအပ်တယ်လို့ အကြံပြုမှုတွေ ရှိနေပါတယ်။ ပြည့်တန်ဆာအလုပ်နဲ့ လုပ်ကိုင်စားသောက်နေတဲ့ အမျိုးသမီးတွေအနေနဲ့ တရားဝင်လုပ်ပိုင်ခွင့် လုပ်ငန်း လိုင်စင်မရှိတာကြာင့် ကျန်းမာရေးစောင့်ရှောက်မှုတွေ မရတဲ့အပြင် မတရားခံရမှုတွေနဲ့ လူ့အခွင့်အရေးတွေပါ ဆုံးရှုံးနေတယ်လို့ဆိုပါတယ်။ ဒါကြောင့် လုပ်ငန်းလုပ်ကိုင်ခွင့် တရားဝင်ခွင့်ပြုပေးဖို့အတွက်  ဥပဒေပြဋ္ဌာန်ပေးဖို့ လိုအပ်တာဖြစ်ပြီး တရာခွင့် ခွင့်ပြုဖို့အတွက်လည်း အများပြည်သူ နားလည်မှုရှိအောင် ပညာပေးလုပ်ငန်းတွေကို အရင်လုပ်ဆောင်သင့်တယ်လို့ အမျိုးသားလွှတ်တော် ကိုယ်စားလှယ်လည်းဖြစ် တရားလွှတ်တော် ရှေ့နေတဦးလည်းဖြစ်တဲ့ ဦးဌေးဦးက ပြောပါတယ်။ ဒါပြင် မြန်မာနိုင်ငံမှာ ပြည့်တန်ဆာလုပ်ငန်းလုပ်ကိုင်ခွင့် တရားဝင်ခွင့်ပြုချက်မရှိ တာကြောင့်လည်း နောက်ဆက်တွဲပြဿနာတွေ ပါရှိလာပြီး မုဒိမ်းမှုကျူးလွန်တာတွေ စတဲ့ ကိစ္စတွေပါ ရှိလာတယ်လို့လည်း အမျိုးသားလွှတ်တော် ဥပဒေကြမ်းကော်မတီက   တရားလွှတ်တော် ရှေ့နေ ဦးအောင်သိန်းက ပြောပါတယ်။ ပြည့်တန်ဆာလုပ်ငန်း လုပ်ကိုင်နေတဲ့ အမျိုးသမီးတဦးကတော့ တရားဝင်ခွင့်ပြုချက် လိုင်စင်မရှိတာကြောင့် ဖမ်းဆီးခံရပြီဆိုရင်လည်း လုပ်ငန်းလုပ်ကိုင်တဲ့သူတွေသာ တရားခံအဖြစ်  အပြစ်ဒဏ်ခံရပြီး အတူဖမ်းဆီးမိတဲ့ အမျိုးသားတွေကျတော့ တရားလို ဖြစ်သွားတာကြောင့် တရားမျှတမှု မရှိဘူးလိုလည်း ပြောပါတယ်။ ဒါကြောင့် ပြည့်တန်ဆာအလုပ်လုပ်တဲ့ အမျိုးသမီးတွေကို အကာအကွယ်ပေးမယ့် ဥပဒေလို အပ်နေတဲ့အပြင် ဒီလုပ်ငန်းကို လုပ်စားမရတော့တဲ့ အမျိုးသမီးတွေအတွက်ကိုလည်း အသက်မွေးဝမ်းကြောင်းပညာတွေ အစိုးရက သင်ကြားပေးဖို့လည်း ပြည့်တန်ဆာလုပ်ငန်း လုပ်ကိုင်တဲ့ အမျိုးသမီးတွေက လိုလားနေကြပါတယ်။
3 years Ago

June 22, 2018

ထိုင်ဝမ်ရှိ ပြည့်တန်ဆာအိမ်ကို ဝင်ရောက်စီးနင်း၊ ထိုင်းပြည့်တန်ဆာ ၁၇ ဦး ဖမ်းမိ

ထိုင်ဝမ်မြောက်ပိုင်း၊ ကီလန်မြို့ ပြည့်တန်ဆာအိမ်တအိမ်ကို ဝင်ရောက်စီးနင်းချိန်မှာ ထိုင်းအမျိုးသမီး ပြည့်တန်ဆာ ၁၇ ဦးကို ဖမ်းမိခဲ့တယ်လို့ ပတ္တယားဝမ်းသတင်းမှာ ဒီကနေ့ ဖော်ပြပါတယ်။ ထိုင်းအမျိုးသမီးတွေဟာ အလည်အပတ်ခရီးအဖြစ် လာရောက်ပြီး တကယ်တမ်းမှာတော့ ပြည့်တန်ဆာအဖြစ် ဆက်သွယ်လုပ်ဆောင်ဖို့ ရောက်ရှိနေတယ်ဆိုတဲ့ သတင်းအရ ကီလန်ရဲဌာနက အဲဒီပြည့်တန်ဆာအိမ်ကို ဇွန်လ ၂၀ ရက် ညပိုင်းက စီးနင်းရှာဖွေခဲ့ကြတာလို့ ဆိုပါတယ်။ ဒီဖမ်းဆီးမှုမှာ ထိုင်ဝမ်အမျိုးသမီး ၃ ဦးနဲ့ ဖောက်သည်အမျိုးသား ၁၁ ဦးကိုလည်း ဖမ်းဆီးနိုင်ခဲ့တာပါ။ အဲဒီ ထိုင်းအမျိုးသမီးတွေကို စုံစမ်းစစ်ဆေးချိန်မှာတော့ သူတို့ဟာ အလည်အပတ်ဗီဇာနဲ့ ထိုင်ဝမ်ကို လာရောက်ခဲ့ကြတာလို့ ဝန်ခံထွက်ဆိုခဲ့ကြပါတယ်။ အချိန် ၁၅ မိနစ် လိင်ဝန်ဆောင်မှုအတွက် ထိုင်းပြည့်တန်ဆာတယောက်စီကို ထိုင်ဝမ်ဒေါ်လာ ၁၀၀၀ နဲ့ လုပ်ပေးဖို့ ခေါ်လာတာဖြစ်ပြီး သူတို့တဦးချင်းစီက ၆၀၀ ရမှာဖြစ်ကာ ပြည့်တန်ဆာအိမ်က မန်နေဂျာကို ၄၀၀ ပေးရမှာဖြစ်တယ်လို့ ပြည့်တန်ဆာခေါင်း အမျိုးသမီးက ဆိုပါတယ်။ ဒီဖမ်းဆီးမှုကနေ ပြည့်တန်ဆာလုပ်ငန်း လုပ်ကိုင်တဲ့ ကွင်းဆက်တရားခံ ၃ ဦးကိုလည်း ဖမ်းဆီးနိုင်ခဲ့ပြီး ပြစ်မှုထင်ရှားရင်တော့ ထောင်ဒဏ် ၂ နှစ်အထိ ကျခံရမှာဖြစ်ပါတယ်။ ထိုင်းပြည့်တန်ဆာတွေကိုတော့ အမျိုးသား လူဝင်မှုကြီးကြပ်ရေး အေဂျင်စီကို လွှဲပြောင်းပေးအပ်ခဲ့ပြီး ဖမ်းဆီးထိန်းသိမ်းထားကာ ထိုင်းနိုင်ငံဆီ ပြန်ပို့သွားမယ်လို့ ဆိုပါတယ်။ ဖောက်သည်အမျိုးသားတွေနဲ့ ထိုင်ဝမ်ပြည့်တန်ဆာတွေကတော့ ဒဏ်ကြေး ထိုင်ဝမ်ဒေါ်လာ ၃ သောင်းထိ ပေးဆောင်ရမှာ ဖြစ်တယ်လို့ သတင်းမှာ ဖော်ပြပါတယ်။
3 years Ago
More News
Up