ပြည်နယ်နှင့်တိုင်း

October 20, 2018

အရှေ့လေပွေလှိုင်း အောက်တိုဘာ ၂၁ ရက်ညသန်းခေါင် ပြည်နယ်နှင့်တိုင်းအချို့ကို ၀င်နိုင်

ထိုင်းပင်လယ်ကွေ့အတွင်းက အနောက်ဖက်ကို ရွေ့လျားလာတဲ့ အရှေ့လေပွေလှိုင်းဟာ မနက်ဖြန် ည သန်းခေါင်အချိန်မှာ ရန်ကုန်နဲ့ ဧရာဝတီတိုင်း၊ ကရင်နဲ့ မွန်ပြည်နယ်တို့ကို ဝင်ရောက်လာနိုင်တယ်လို့ မိုးလေဝသပညာရှင် ဒေါက်တာ ထွန်းလွန်က ခန့်မှန်းပါတယ်။ အောက်တိုဘာ ၂၁ ရက် ညသန်းခေါင်း အချိန်က စတင်လို့ မုတ္တမကွေ့အတွင်း ဝင်လာပြီး နောက်တရက်အကြာ အောက်တိုဘာ ၂၂ ရက် ညသန်းခေါင်းအချိန်လောက်မှာ မုတ္တမကွေ့ထဲက ပြန်ထွက်မယ်လို့ ဆိုပါတယ်။ အရှေ့လေပွေလှိုင်း ဖြတ်သန်းသွားတုန်းမှာ မုတ္တမကွေ့အတွင်း လေပြင်းတိုက်ခတ်ပြီး  လှိုင်းကြီးနိုင်ပါတယ်။ လေပြင်းတွေဟာ ၁ နာရီကို မိုင် ၃၀ ကနေ ၄၀ လောက်အထိ တိုက်ခတ်နိုင်ပြီး လှိုင်းအမြင့်ကတော့ ၈ ပေကနေ -၁၂ ပေလောက်အထိ ရှိနိုင်တယ်လို့ ဆိုပါတယ်။ ဒါကြောင့် ရေယာဉ်တွေအနေနဲ့  သတိပြုသွားလာကြဖို့ ဒေါက်တာ ထွန်းလွင်က သတိပေး ထားပါတယ်။
2 years Ago

April 15, 2018

ပြည်နယ်နှင့်တိုင်း ၁၂ ခုတွင် မိုးရွာနိုင်ဟု မိုးဇလ ထုတ်ပြန်

ရခိုင်ပြည်နယ်၊ ပဲခူးတိုင်းနဲ့ ဧရာဝတီတိုင်းတွေကလွဲရင် ကျန်ပြည်နယ်နဲ့ တိုင်းတွေမှာ မိုးရွာနိုင်တယ်လို့ မိုးလေဝသနဲ့ ဇလဗေဒ ညွှန်ကြားမှု ဦးစီးဌာနက ခန့်မှန်းထုတ်ပြန်ပါတယ်။ ဘင်္ဂလားပင်လယ်အော်မြောက်ပိုင်းမှာ တိမ်နည်းနည်းရှိနေပြီး ကပ္ပလီပင်လယ်ပြင်နဲ့  ကျန်ဘင်္ဂလားပင်လယ်အော်တို့မှာ တိမ်ထူထပ်နေတယ်လို့ ဆိုပါတယ်။ ဒီနေ့ ညနေကနေ မနက်ဖြန် မနက်အထိ ခန့်မှန်းချက်အနေနဲ့ စစ်ကိုင်းတိုင်း၊ ကချင်ပြည်နယ်နဲ့ ရှမ်းပြည်နယ် မြောက်ပိုင်းတို့မှာ နေရာကျဲကျဲ၊ နေပြည်တော်၊ မန္တလေးတိုင်း၊ မကွေးတိုင်း၊ ရန်ကုန်တိုင်း၊ တနင်္သာရီတိုင်း၊ ရှမ်းပြည်နယ် အရှေ့ပိုင်းနဲ့ တောင်ပိုင်း၊ ချင်းပြည်နယ်၊ ကယားပြည်နယ်၊ ကရင်ပြည်နယ်နဲ့ မွန်ပြည်နယ်တို့မှာ နေရာကွက်ကျား မိုးထစ်ချုန်းရွာနိုင်ပြီး ရွာနိုင်ခြေ ၈၀ ရာနှုန်းရှိတယ်လို့ ဆိုပါတယ်။ နောက် ၂ ရက်အထိမှာလည်း စစ်ကိုင်းတိုင်း၊ မန္တလေးတိုင်း၊ ပဲခူးတိုင်း၊ ရန်ကုန်တိုင်း၊ တနင်္သာရီတိုင်း၊ ကချင်၊ ရှမ်း၊ ချင်း၊ ကယား၊ ကရင်၊ မွန် စတဲ့ တိုင်းနဲ့ပြည်နယ်တို့မှာ နေရာကွက်ကျားကနေ  နေရာကျဲကျဲ မိုးထစ်ချုန်းရွာနိုင်တယ်လို့လည်း ခန့်မှန်းထားပါတယ်။
3 years Ago
Up