ပြင်သစ်အသင်း

A d v e r t i s e m e n t With Us

November 13, 2018

ပေါ့ဂ်ဘာနှင့် မာရှယ် ဒဏ်ရာပြဿနာကြောင့် ပြင်သစ်အသင်း လူစာရင်းမှ နုတ်ထွက်

ပေါ့ဂ်ဘာနဲ့ မာရှယ်တို့ဟာ ဒဏ်ရာပြဿနာကြောင့် ပြင်သစ်အသင်း လူစာရင်းကနေ နုတ်ထွက်သွားပါတယ်။ နည်းပြဒက်စ်ချမ့်ဟာ မန်ယူကစားသမားနှစ်ဦးကို ရွေးချယ်ထားပေမယ့် မန်စီးတီးကိုရှုံးခဲ့တဲ့ မန်ချက်စတာဒါဘီပွဲမှာ ဒဏ်ရာကိုယ်စီ ရခဲ့တာကြောင့် နုတ်ထွက်ခဲ့တာပါ။ မာရှယ်ဟာ တနင်္လာနေ့က ပြင်သစ်အသင်း အခြေစိုက်ရာ လေ့ကျင့်ရေးကွင်းကို လာရောက်သတင်းပို့ခဲ့ပြီး အသင်းဆရာဝန်နဲ့ ပြသအပြီးမှာ လူစာရင်းကနေ နုတ်ထွက်ခဲ့တာပါ။ ဒက်စ်ချမ့်အနေနဲ့ သူတို့နှစ်ဦးရဲ့နေရာမှာ အာဆင်နယ်တိုက်စစ်မှူး လာကာဇက်တီနဲ့ စပါးကွင်းလယ်လူ ဆစ်ဆိုကိုတို့ကို အစားထိုး ရွေးချယ်ခဲ့ပါတယ်။ ပြင်သစ်အသင်းဟာ လာမယ့် နိုဝင်ဘာ ၁၆ ရက်မှာ နယ်သာလန်နဲ့ ကစားဖို့ရှိပြီး နိုဝင်ဘာ ၂၀ ရက်မှာ ဥရုဂွေးနဲ့ ခြေစမ်းဖို့ ရှိနေပါတယ်။
2 years Ago

July 17, 2018

ကမ္ဘာ့ဖလားချန်ပီယံ ပြင်သစ်အသင်းအား ပရိသတ်သိန်းချီ ကြိုဆို (ရုပ်သံ)

၂၀၁၈ ကမ္ဘာ့ဖလားချန်ပီယံ ပြင်သစ်အသင်း ဇူလိုင် ၁၆ ရက်နေ့က ပါရီမြို့ကို ဆိုက်ရောက်လာရာ ပရိသတ်သိန်းချီ ကြိုဆိုဂုဏ်ပြုခဲ့ကြပါတယ်။ ပြင်သစ်အသင်းဟာ ကမ္ဘာ့ဖလား နောက်ဆုံးဗိုလ်လုပွဲမှာ ခရိုအေးရှားအသင်းကို ၄ ဂိုး ၂ ဂိုးနဲ့ နိုင်ပြီး ချန်ပီယံဆုဖလား ဆွတ်ခူးနိုင်ခဲ့တာပါ။ ဒါဟာ ပြင်သစ်အသင်းအတွက် နှစ်ပေါင်း ၂၀ အတွင်း ဒုတိယအကြိမ်မြောက် ချန်ပီယံဘွဲ့ ဆွတ်ခူးနိုင်တာလည်း ဖြစ်ပါတယ်။ ချန်ပီယံပြင်သစ်အသင်းသားတွေနဲ့ နည်းပြအဖွဲ့ကို နိုင်ငံရဲ့ အမြင့်ဆုံး ဂုဏ်ထူးဆောင်ဘွဲ့ဖြစ်တဲ့ Légion d'Honneur ဘွဲ့ ဂုဏ်ပြုချီးမြှင့်မယ်လို့ ပြင်သစ်သမ္မတရုံးက ထုတ်ပြန်ကြေညာထားပါတယ်။
3 years Ago
More News
Up