ပြင်ဆင်

February 23, 2019

ဖွဲ့စည်းပုံအခြေခံဥပဒေ ပြင်ဆင်ရေး ထောက်ခံဆန္ဒပြပွဲ ကလေးမြို့တွင် ပြုလုပ်

၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေး ထောက်ခံဆန္ဒဖော်ထုတ်ပွဲတရပ်ကို ကလေးမြို့နယ်မှာ ဒီနေ့မနက်ပိုင်းက ပြည်သူ ၁၀၀၀ ကျော် လမ်းလျောက်ဆန္ဒဖော်ထုတ်ခဲ့ကြပါတယ်။ ထောက်ခံဆန္ဒပြပွဲကို ကလေးမြို့ ရတနာပုံရွှေဘုံသာ စေတီဝင်းကနေ မြို့အထွက် ဗိုလ်ချုပ်ကြေးရုပ်နဲ့ အာဇာနည် ကျောက်တိုင်ထားရှိရာ ကွင်းအထိ လမ်းလျောက် ဆန္ဒဖော်ထုတ်ခဲ့ပါတယ်။ ကလေးမြို့ ၈၈ ငြိမ်းပွင့်အဖွဲ့ ဥက္ကဋ္ဌ ဦးအောင်သက်တင်က  "ဥပဒေကို ပြင်ဆင် ရေးဆွဲ ပယ်ဖျက်ရေး သုံးခုလုံး လုပ်ရမယ်။ အခန်း ၁၁ ပါပုဒ်မ ၄၃၆ ဆိုတာ ဖျက်ပစ်ရမယ့်ပုဒ်မ။ ပြင်မယ်ဆိုရင် အခန်း ၁ ပုဒ်မ ၁၀ လိုပေါ့၊ နိုင်ငံတော်ထဲမှာရှိတဲ့ မည်သည့်အဖွဲ့မဆို ပြည်ထောင်စုကနေ ခွဲမထွက်ရဆိုတဲ့အခါ ဒါက အမိန့်ပေးသလို ဖြစ်တယ်။ အဲ့ဒါအစား ပြည်ထောင်စုထဲမှာ ရှိတဲ့ တိုင်းရင်းသားအသီးသီးဟာ ဥမကွဲသိုက်မပျက် အစဉ်နေထိုင်သွားကြမယ်ဆို မကောင်းဘူးလား။ ဒီလိုပေါ့။ ပြင်ဆင် ဖျက်သိမ်း အသစ်ရေးသင့်တာရေးမှ တိုင်းပြည် တိုးတက်မယ်" လို့ ပြောပါတယ်။ ဆန္ဒဖော်ထုတ်ရာမှာ ပါဝင်တဲ့ မမြင့်မြင့်စိန်က "ဒီဖွဲ့စည်းပုံက ကျမတို့ပြည်သူတရပ်လုံးကို ဖိနှိပ်ထားတယ်။ လွတ်လပ်ခွင့်မရှိဘူး။ ကျမတို့ အရပ်ဘက်အဖွဲ့အစည်းတွေအတွက်လည်း ပြောဆိုခွင့်မရှိဘူး။ ဒါကြောင့် ဒီ ၂၀၀၈ ဥပဒေကို ပြင်ချင်တယ်။" ၂၀၀၈ ဖွဲ့စည်းပုံ အခြေခံဥပဒေပြင်ဆင်ရေးနဲ့ ပတ်သက်ပြီး ဦးထွန်းထွန်းဟိန် ခေါင်းဆောင်တဲ့ ဖွဲ့စည်းပုံပြင်ဆင်ရေး ပူးတွဲကော်မတီကို ၄၅ ဦး အစုအဖွဲ့နဲ့ ဖွဲ့စည်းထားပြီး ဖြစ်ပါတယ်။ အဲ့ဒီအစုအဖွဲ့မှာ နိုင်ငံရေးပါတီ ၁၄ ခုနဲ့အတူ တပ်မတော်သား ကိုယ်စားလှယ်တွေလည်း အချိုးကျ ပါဝင်ထည့်သွင်းထားပါတယ်။ လာမယ့် ၂၆ ရက်နေ့မှာတော့ အဲ့ဒီကော်မတီဟာ ဥပဒေ ပြင်ဆင်ရေး စတင်ဆွေးနွေးကြတော့မှာပါ။ မင်းရဲစစ်နိုင်
3 years Ago

February 9, 2019

အိန္ဒု-ကော့ကရိတ်လမ်း ပြင်ဆင်မှုမရှိပါက လမ်းတံတားကြေးကောက်ခံမှုရပ်ဆိုင်းရန် တင်ပြမည်

ကရင်ပြည် အိန္ဒု-ကော့ကရိတ်လမ်းပိုင်း အဆင့်မြင့်တင်ရေးစီမံကိန်း ရပ်ဆိုင်းထားစဉ်ကာလ ပြင်ဆင်ထိန်းသိမ်းမှုမရှိဘဲ ဆက်လက်ဆိုးဝါးနေပါက လမ်းတံတားကြေး ကောက်ခံမှု ရပ်ဆိုင်းဖို့ ပြည်ထောင်စုအစိုးရထံ တင်ပြသွားမယ်လို့ ပြည်နယ်ဝန်ကြီး ဦးစောပြည်သာက ပြောပါတယ်။ ဖေဖော်ဝါရီ ၇ ရက်က ဘားအံမြို့မှာ ကျင်းပပြုလုပ်တဲ့ ဒုတိယအကြိမ် ကရင်ပြည်နယ်လွှတ်တော် န၀မပုံမှန်အစည်းဝေးမှာ မြ၀တီမြို့နယ် မဲဆန္ဒနယ် အမှတ် ၂၊ ပြည်နယ်လွှတ်တော်ကိုယ်စားလှယ် ဦးသန့်ဇင်အောင်က အိန္ဒု-ကော့ကရိတ်လမ်းပိုင်းအခြေအနေနဲ့ပတ်သက်ပြီး ကြယ်ပွင့်ပြမေးခွန်း မေးမြန်းခဲ့တာပါ။ ကရင်ပြည်နယ်အစိုးရအဖွဲ့၊ သဘာဝပတ်ဝန်းကျင်ထိန်းသိမ်းရေး၊ သစ်တောသတ္တုနှင့် လမ်းပန်းဆက်သွယ်ရေး ၀န်ကြီး ဦးစောပြည်သာက အိန္ဒု-ကော့ကရိတ်လမ်းပိုင်း ပြင်ဆင်မှုမရှိဘဲ ဆက်လက်ဆိုးဝါးနေပါက လမ်းတံတားကြေးကောက်ခံမှုများ ၂၀၁၉-၂၀၂၀ ခုနှစ်မှာ ရပ်ဆိုင်းဖို့ကိစ္စကို ပြည်ထောင်စုအစိုးရထံ ဆက်လက်တင်ပြဆောင်ရွက်သွားမယ်လို့ ပြောပါတယ်။ “လမ်းချိုင့်ခွက်ကြီးများကို ကျော်ရောမြေကြီးများနဲ့ ဖာထေးရုံဖြင့် လမ်းခရီး ကောင်းလာနိုင်ဖွယ်မရှိလို့ ယခင်ကထက်ပ မိုမိုအဆင်ပြေလာမှာမဟုတ်ကြောင်း။ ယခုအခါ ပြည်သူများအနေဖြင့် ပြည်သူများရဲ့ဝေဖန်သံဟာ အမြင့်ဆုံးမှာရှိနေတယ်” လို့ ဆွေးနွေးသွားပါတယ်။ ကရင်ပြည်နယ်ဆောက်လုပ်ရေးဦးစီးဌာန၊ မြို့ပြလမ်းဦးစီးဌာန၊ ညွှန်ကြားရေးမှူး ဦးစောသောင်းဟန်စိုးက “လမ်းအပိုင်းပြုပြင်ထိန်းသိမ်းခြင်းကို အရင်မိုးတွင်းကာလလို ယာဉ်ပိတ်ဆို့မှု၊ ကောင်းမွန်စွာဖြတ်သန်းသွား လာမှုမရှိတဲ့အပေါ်ကို ဆောင်ရွက်သွားမှာဖြစ်တယ်။ လက်ရှိ စီအာဘီစီအနေနဲ့ အိန္ဒုနဲ့ ကျားကလေးအပိုင်းကို ဦးစားပေးဆောင်ရွက်ပြီးတော့ ကျနော်တို့က မိုးတွင်းကာလမှာ ဒီကော့ကရိတ်နဲ့ ကျားကလေးကို ထိန်းသိမ်းသွားမယ်” လို့ ပြောပါတယ်။ အဆိုပါစီမံကိန်းအတွက် ချစ်လင်းမြိုင်ကုမ္ပဏီက လွန်းညကျောက်တောင်ကနေ ကျောက်ထုတ်ယူနေမှုကြောင့် ဒေသခံတွေရဲ့ ကျန်းမာရေး၊ စားဝတ်နေရေး၊ လယ်ယာလုပ်ငန်းတွေအပြင် သဘာဝပတ်ဝန်းကျင်ကို ထိခိုက်လာတဲ့အတွက် ၂၀၁၇ စက်တင်ဘာလမှ စတင်ပြီး ဒေသခံတွေက ကျောက်ထုတ်ယူနေမှုကို အပြီးရပ်ဆိုင်းပေးဖို့ ကန့်ကွက်ခဲ့တာကြောင့် စီမံကိန်းကို ရပ်ဆိုင်းထားရပါတယ်။ အိန္ဒု-ကော့ကရိတ်လမ်းပိုင်း ၆၆ ဒသမ ၇၅ ကီလို မီတာကို လမ်းနယ်နိမိတ်အကျယ် ၂၃၀ ပေအထိ တိုးချဲ့ပြီး လမ်းအဆင့်မြှင့်တင်ဖို့အတွက် ကမ္ဘာ့ဘဏ်ကချေးငွေ အမေရိကန်ဒေါ်လာ သန်း ၁၀၀၊ အာဆီယံ အခြေခံအဆောက်အဦးဆိုင်ရာ ရန်ပုံငွေအဖွဲ့ကနေ အမေရိကန်ဒေါ်လာ သန်း ၂၀ ချေးယူပြီး တရုတ်ကုမ္ပဏီဖြစ်တဲ့ CRBC က တာဝန်ယူဆောင်ရွက်နေတဲ့ စီမံကိန်း ဖြစ်ပါတယ်။ ရဲမင်းခေါင်
3 years Ago
More News
Up