ပြကွက်ဖြင့် လှည့်လည်ပြသ

March 31, 2018

ခရစ်တော် မကွယ်လွန်မီ ခံစားရသည့်ဝေဒနာကို သရုပ်ဖော် ပြကွက်ဖြင့် လှည့်လည်ပြသ

  ဂွါတီမာလာနိုင်ငံ၊ ဂန်တီဂွါမြို့မှာ ခရစ်တော် မကွယ်လွန်မီ ခံစားရတဲ့ဝေဒနာကို ဖော်ပြတဲ့ ဘာသာရေးသရုပ်ဖော် ပြကွက်တခုကို Holy Thursday နေ့မှာ ပြုလုပ်ခဲ့ပါတယ်။ ဂွါတီမာလာဟာ အီစတာပွဲတော်တစ်လျှောက် ဘာသာရေးစီးတန်း လှည့်လည်တာတွေ ပြုလုပ်မှုအများဆုံးရှိတဲ့ နိုင်ငံပါ။ မတ်လ ၂၉ ရက် Holy Thursday နေ့မှာတော့ ဂန်တီဂွါရာမြို့ခံ ၁၀၀ ကျော်ဟာ ၁၅၄၃ ခုနှစ်ကတည်းက ပြုလုပ်လာတဲ့ ခရစ်တော် မကွယ်လွန်မီ ခံစားရတဲ့ဝေဒနာကို ဖော်ပြဖို့ ဘာသာရေး သရုပ်ဖော်ပြကွက်ကို ရုပ်လုံးဖော်ခဲ့ကြပါတယ်။ ခရမ်းရောင်ဝတ်ထားတဲ့ တင်ဆက်သူတွေဟာ အလှပြယာဉ်ပေါ်မှာ လက်ဝါးကပ်တိုင်နဲ့အတူ ယေရှုခရစ်တော်ရဲ့ရုပ်တုကို တင်ပြီး လှည့်လည်ကြပါတယ်။ ဒီအလှတင်ယာဉ်ရဲ့ အလေးချိန်အတိအကျကို မသိနိုင်ပေမယ့် ဘာသာရေး တီးကွက်တွေနဲ့အညီ အလှပြယာဉ် လှုပ်ရှားနိုင်အောင် လူ ၁၀၀ အထိ အသုံးပြုခဲ့တာကြောင့် တန် အတော်တော်များများအထိ ရှိနိုင်တယ်လို့ ဒေသခံတွေကပြောပါတယ်။ အခုလို စီတန်း လှည့်လည်ပွဲဟာ ကတ်သလစ်ရိုးရာနဲ့ မာယာယဉ်ကျေးမှုယုံကြည်ချက်တွေ ပေါင်းစည်းကာ ယေရှုခရစ်တော် ကားစင်တင် ကွပ်မျက်ရတာနဲ့ ပြန်လည်ထမြောက်မှုကို ကျင်းပတဲ့ အီစတာပွဲတော် အစလည်းဖြစ်ပါတယ်။
3 years Ago
Up