်ဂျပန်ဟိုတယ်

July 17, 2015

စက်ရုပ်များဖြင့် ၀န်ဆောင်မှုပေးသည့် ဂျပန်နိုင်ငံက ဟိုတယ်

ဂျပန်နိုင်ငံတွင်း ဟိုတယ်နဲ့ ၀န်ဆောင်မှုဆိုင်ရာ လုပ်ငန်းတွေမှာ လူသားဝန်ထမ်းတွေအစား ရိုဘော့စက်ရုပ်တွေကို စတင်အသုံးပြုနေကြပါတယ်။ ဂျပန်နိုင်ငံအနောက်တောင်ပိုင်း၊ ဆာဆီဗိုမြို့က ဟန်နဟိုတယ်ဟာ ဟိုတယ်အခန်း ၀န်ဆောင်မှုတွေအတွက် ပြည်တွင်းဝန်ထမ်းတွေ နေရာမှာ ရိုဘော့စက်ရုပ်ဝန်ထမ်းတွေနဲ့ ၀န်ဆောင်မှုပေးနေပြီး ဆန်းကြယ်တဲ့ ဟိုတယ်အဖြစ် သိကြပါတယ်။ အဲဒီဟိုတယ် ဧည့်ကြိုကောင်တာမှာ လူသားပုံစံတူ ဂျပန်စကားပြော ရိုဘော့စက်ရုပ်က အသင့်ရှိနေမှာဖြစ်ပြီး အခြားတဖက်မှာတော့ ဂျပန်စကားမပြောနိုင်တဲ့ နိုင်ငံခြားသားတွေကို ၀န်ဆောင်မှုပေးမယ့် ဒိုင်နိုဘော့စက်ရုပ်ကို ထားရှိထားတာပါ။ ဟိုတယ်ပိုင်ရှင် ဟီဒီယိုဆ၀ါဒါကတော့ ဒီရိုဘော့စက်ရုပ်တွေဟာ ဗန်းပြထားရုံမဟုတ်ဘဲ ဟိုတယ်တခုကို ထိရောက်စွာ လည်ပတ်နိုင်ဖို့ တရားဝင် ဖန်တီးထားမှုတခု ဖြစ်တယ်လို့ ပြောပါတယ်။ ဟန်နဟိုတယ်မှာ ၀န်ဆောင်မှုမြှင့်တင်ဖို့ ရိုဘော့တွေကိုပဲ အသုံးပြုထားရုံတင် မကပါဘူး၊ ဟိုတယ်တွင်း အသုံးပြုရတဲ့ အခန်းသော့တွေအစား မျက်နှာကိုဖတ်ရှုပြီး ၀င်ရောက်နိုင်မယ့် နည်းပညာကိုလည်း အသုံးပြုထားတာပါ။ ဟန်နဟိုတယ်မှာ ဟိုတယ်တွင်း ၀န်ဆောင်မှုပေးမယ့် အခန်းစောင့်တွေ မထားရှိပါဘူး။ သင်နဲ့အတူပါလာမယ့် ကိုယ်ပိုင်ပစ္စည်းတွေ အားလုံးကို သယ်ဆောင်ပေးမယ့် ရိုဘော့စက်ရုပ်က ရှိနေမှာဖြစ်ပြီး သင့်ကို အခန်းထဲထိ ပို့ဆောင်ပေးပါလိမ့်မယ်။ ဒါက လူသားစွမ်းအင် အသုံးချမှုကို လျှော့ချနိုင်တာဖြစ်ပြီး တချို့ကိစ္စတွေမှာတော့ ရိုဘော့စက်ရုပ်တွေက လုပ်ဆောင်မပေးနိုင်တာမျိုးတွေ ရှိနေသေးတယ်လို့ ဟီဒီယိုဆ၀ါဒါက ပြောပါတယ်။ ဥပမာအားဖြင့် ရိုဘော့စက်ရုပ်က သင့်ကို အိပ်ယာပြင်ပေးနိုင်မှာ မဟုတ်ပါဘူး။ ဟန်နဟိုတယ်မှာ တညတာ တည်းခိုမှုအတွက် ဂျပန်ယန်းငွေ ၉၀၀၀ (အမေရိကန်ဒေါ်လာ ၈၀) က စတင်မှာဖြစ်ပြီး ဒါဟာ တခြားသော ဒိုင်နိုဘော့စက်ရုပ် အသုံးမပြုတဲ့ ၀န်ဆောင်ခများများယူတဲ့ ဟိုတယ်တွေကြား စဉ်းစားစရာ ဖြစ်နေပါတယ်။
6 years Ago
Up