A d v e r t i s e m e n t With Us

November 15, 2020

ဖိလစ်ပိုင်တွင် ဗမ်ကိုမုန်တိုင်းကြောင့် ၆၇ ဦး သေဆုံး၊ ၁၂ ဦး ပျောက်ဆုံး

ဖိလစ်ပိုင်နိုင်ငံရဲ့ အဓိကကျွန်းမကြီး လူဇုန်ကျွန်းတလျှောက် တိုင်ဖွန်းမုန်တိုင်း ဗမ်ကို ဝင်ရောက်တိုက်ခတ်ခဲ့တာကြောင့် လူ ၆၇ ယောက်ထက်မနည်း သေဆုံးပြီး ၁၂ ယောက် ပျောက်နေတယ်လို့ ကပ်ဘေးဆိုင်ရာ အေဂျင်စီက နိုဝင်ဘာ ၁၅ ရက်မှာ ပြောပါတယ်။ ဒီနှစ်အတွင်း ဖိလစ်ပိုင်နိုင်ငံကို ဝင်ရောက်တိုက်ခတ်ခဲ့တဲ့ ၂၁ လုံးမြောက် မုန်တိုင်း ဗမ်ကိုဟာ မြို့တော်နဲ့ တခြားခရိုင်တွေ နေရာအတော်များများကို လေပြင်းတွေ သည်းကြီးမည်းကြီး ရွာချတဲ့ မိုးတွေနဲ့အတူ နိုဝင်ဘာ ၁၁ ရက်က ဝင်ရောက်တိုက်ခတ်ခဲ့တာပါ။ မနီလာမြို့တော်နဲ့ အနားက ခရိုင်တွေက နေရာအများအပြားမှာ ရေပြန်ကျသွားပြီ ဖြစ်ပေမဲ့ နိုင်ငံအရှေ့မြောက်ပိုင်း ကာဂါယန်တောင်ကြားက မြို့အတော်များများမှာ အကြီးအကျယ် ရေကြီးနေဆဲပါ။ လေတိုက်နှုန်း ၁ နာရီ ၁၀၃ မိုင်နဲ့ တိုက်ခတ်ခဲ့တဲ့ ဗမ်ကိုမုန်တိုင်းဟာ ဗီယက်နမ် ကမ်းရိုးတန်းကို ဟာထင်ကနေ ကွမ်ငိုင်ခရိုင်ကတဆင့် ဝင်ရောက်မယ်လို့ အစိုးရ မိုးလေဝသဌာနက နိုဝင်ဘာ ၁၄ ရက်မှာ ဟောကိန်းထုတ်ထားပါတယ်။
4 months Ago

August 5, 2020

ဘေရွတ်မြို့တွင် ဖောက်ခွဲရေးပစ္စည်းကုန်လှောင်ရုံ ပေါက်ကွဲ လူ ၇၈ ဦးထက်မနည်း သေဆုံး

လက်ဘနွန်နိုင်ငံရဲ့ မြို့တော် ဘေရွတ်က ကာလကြာရှည် သိမ်းဆည်းထားတဲ့ ဖောက်ခွဲရေး ပစ္စည်းတွေ သိုလှောင်ရာ ကုန်လှောင်ရုံတခု သြဂုတ် ၄ ရက် ညနေက ပေါက်ကွဲခဲ့တယ်လို့ အစိုးရ သတင်းဌာန NNA  ကထုတ်လွှင့်ပါတယ်။ ပြင်းထန်တဲ့ပေါက်ကွဲမှုကြောင့် လူ ၇၈ ယောက်ထက်မနည်း သေဆုံး၊ ၄,၀၀၀ နီးပါး ဒဏ်ရာရခဲ့ပြီး တိုက်ခန်းတွဲ လသာဆောင်တွေ ပြိုကျကာ ပြတင်းပေါက်တွေ ပြုတ်ထွက်ကုန်ပါတယ်။ အရေးပေါ်လုပ်သားတွေက အပျက်အစီးတွေကို ရှင်းလင်းပြီး ဒဏ်ရာရသူတွေနဲ့ အလောင်းတွေကို သယ်ထုတ်နေလို့ သေဆုံးသူ အရေအတွက် တိုးလာနိုင်တယ်လို့ အရာရှိတွေက ပြောပါတယ်။ ဒါဟာ ကိုရိုနာဗိုင်းရပ်စ် ကူးစက်ကပ်ဘေးနဲ့ စီးပွားရေးအကျပ်အတည်းကို ရင်ဆိုင်နေရတဲ့ ဘေရွတ်မြို့မှာ လတ်တလောနှစ်တွေအတွင်း အားအပြင်းဆုံး ပေါက်ကွဲမှု ဖြစ်ခဲ့တာပါ။ ပေါက်ကွဲမှုအပြီးလောင်တဲ့မီးကြောင့် မြို့တော်ကောင်းကင်မှာ ရဟတ်ယာဉ်တွေ ဝဲပျံနေသလို လူနာတင်ယာဉ် အချက်ပေးဥသြသံတွေလည်း ပဲ့တင်ထပ်နေပါတယ်။ ဘေရွတ်မြို့ပေါ် ဆေးရုံတွေမှာ နေရာမလောက်တော့လို့ ဒဏ်ရာရသူတွေကို မြို့ပြင်က ဆေးရုံတွေမှာ ကုသပေးနေရတယ်လို့ လုံခြုံရေး သတင်းရင်းမြစ်တရပ်က ပြောပါတယ်။
7 months Ago
More News
Up