မြွေဟောက်

April 25, 2019

မြို့လယ်ခေါင်တွင် မြွေဟောက် ၃ ကောင်လွှတ်ပြီး မိမိကိုယ်ကို ဓားဖြင့်မွှန်းသည့် ထိုင်းသူဌေး (ရုပ်သံ)

ထိုင်းနိုင်ငံ ဘန်ကောက် စင်ထရယ်ဝေါလ်အနီးမှာ မနေ့ညနေပိုင်းက လူတဦး ဇိမ်ခံကားနဲ့ ရောက်လာပြီး မြွေဟောက် ၃ ကောင် လာလွှတ်ခဲ့သလို သူ့ကိုယ်သူလည်း ဓားနဲ့မွှန်းခဲ့ပါတယ်။ စင်ထရယ်ဝေါလ်အနီး ကေးဆွန်ပလာဇာရှေ့ ရာ့ခ်ျပဆုန်လမ်းမကြီးပေါ်မှာ လူတဦး မြွေဟောက်တွေလာလွှတ်လို့ လူတွေ အထိတ်တလန့် ထွက်ပြေးပြီး ယာဉ်ကြောပိတ်နေကြောင်း အကြောင်းကြားချက်ရတဲ့အတွက် ချက်ချင်း သွားရောက်စစ်ဆေးပြီး အခြေအနေကို သွားရောက်ထိန်းသိမ်းခဲ့တယ်လို့ လုမ္ပဏီရဲစခန်းက သတင်းထောက်တွေကို ပြောပါတယ်။ စစ်ဆေးချက်အရ အဲဒီမြွေလာလွှတ်သူဟာ အသက် ၄၄ နှစ်ရွယ်ရှိ နိုင်းခနစ်ဖစ်နုထိပ် ကျကဖုပ်မဟာတေချာ ဆိုသူ သူဌေးတဦးဖြစ်ကြောင်း၊ သူဟာ ဘတ်သန်းပေါင်းရာနဲ့ချီ ချမ်းသာပြီး အိမ်ခြံမြေ ရောင်းဝယ်ရေးနဲ့ ဘန်ကောက် နာမည်ကြီးဟိုတယ်အတွက် ကုတ်ဝတ်စုံတွေ ချုပ်လုပ်ပေးတဲ့ ကုမ္ပဏီက ဖြစ်တယ်လို့ ဆိုပါတယ်။ အဲဒီနေ့က သူဟာ စတစ်ကာအပြည့်ကပ်ထားတဲ့ ဇိမ်ခံကားကို မောင်းနှင်လာပြီး လမ်းလယ်ခေါင်မှာ ရပ်လိုက်ပါတယ်။ အဲဒီနောက် ကားပတ်လည်မှာ ပန်းပွင့်တွေ ဖြန့်ကြဲလိုက်ပြီး မြွေဟောက်ကိုလည်း လွှတ်လိုက်ကာ ဓားနဲ့ သူ့ကိုယ်သူ မွှန်းနေတာပါ။ တာဝန်ရှိသူတွေ ရောက်သွားတဲ့အခါ အဲဒီနေရာတဝိုက်ကို ခေတ္တပိတ်ဆို့လိုက်ပြီး မြွေနဲ့တကွ သူ့ကိုပါ ဖမ်းဆီးလိုက်ပါတယ်။ တာဝန်ရှိသူတွေရဲ့အမေးကို နိုင်းခနစ်က ယောင်တောင်တောင်ဖြေကြားပြီး သူ့ရဲ့လက်နဲ့ ဦးခေါင်းမှာ ဓားမွှန်းရာနဲ့ ဒဏ်ရာရထားသလို အသက်ရှူကျပ်သလိုလည်း ဖြစ်လာတဲ့အတွက် သူ့ကို ကျူလာလောင်ကွန်းဆေးရုံ အရင်ပို့ပေးခဲ့ပါတယ်။ အဲဒီနောက် ချော့မော့မေးမြန်းရာမှာတော့ သူဟာ မိမိအစွမ်းသတ္တိကို စမ်းသပ်တဲ့အနေနဲ့ ကိုယ်ပိုင်ယုံကြည်ချက်အရ ခုလိုလုပ်ဆောင်ရတာဖြစ်ကြောင်း၊ ဒီမတိုင်ခင်က ချိုင်းယနတ်ခရိုင်ရှိ ဘုန်းကြီးကျောင်းတကျောင်းက ဆရာတော်တပါးကို သွားရောက်ဖူးမြော်ခဲ့ကြောင်း၊ အဲဒီနောက် အင်းကွက်တွေပါတဲ့ စတစ်ကာကို ကားဘော်ဒီအပြည့်ကပ်ပြီး ဘန်ကောက်မြို့ထဲ ဝင်လာခဲ့တာလို့ ပြောပါတယ်။ တာဝန်ရှိသူတွေက သူ့ကို အသေးစိတ် ဆက်လက်စစ်ဆေးမေးမြန်းပြီး လိုအပ်သလို အရေးယူသွားမယ်လို့ Spring News ထိုင်းသတင်းမှာ ဖော်ပြထားပါတယ်။
2 years Ago

November 16, 2018

ရေတွင်းနက်ထဲ ပြုတ်ကျခဲ့သည့် အဆိပ်ပြင်းမြွေဟောက်ကို ဘယ်လိုကယ်တင်ခဲ့သလဲ (ရုပ်သံ)

အနက် ၁၀ မီတာရှိတဲ့ ရေတွင်းတတွင်းထဲက အဆိပ်ပြင်း မြွေဟောက်တကောင်ကို ကယ်တင်ရမယ်ဆိုရင် သင့်အနေနဲ့ ဘယ်လိုများ ကယ်တင်နိုင်မလဲဆိုတာ တွေးကြည့်ရုံနဲ့တင် သွေးပျက်စရာပါပဲ။ ဒါပေမယ့် ဒီအဖြစ်အပျက်ကတော့ အိန္ဒိယနိုင်ငံ၊ ကာဆာပင်ပါကျေးရွာမှာ နိုဝင်ဘာ ၁၄ ရက်နေ့က တကယ်ကို ဖြစ်ခဲ့တာလို့ စီဂျီတီအန်သတင်းမှာ ဖော်ပြပါတယ်။ မြွေဟောက်ရှိနေတဲ့နေရာဆီ သားရိုင်းတိရစ္ဆာန် ထိန်းသိမ်းကာကွယ်ရေးအဖွဲ့ ရောက်ရှိလာပြီး ပြန်ဆယ်ကယ်တင်နိုင်ဖို့ လုပ်ဆောင်ခဲ့ကြတာ ဖြစ်ပါတယ်။ မြွေဟောက်ကို ရေတွင်းထဲ ဆင်းဆယ်ဖို့ နဝပ်ဇ်ရှိတ်ခ်က တာဝန်ယူခဲ့ပြီး ကြိုးနဲ့ ဆင်းသွားခဲ့တာကို ရုပ်သံဗွီဒီယိုဖိုင်ထဲမှာ တွေ့ရပါတယ်။ မြွေဟောက်မတက်နိုင်ဘဲ ရှိနေခဲ့တဲ့ နံရံကနေ သူက ကုတ်နဲ့ကော်ထုတ်ဖို့ ကြိုးစားခဲ့ချိန်မှာတော့ မြွေဟောက်ဟာ ပါးပြင်းထောင်ပြီး ပြန်ပေါက်တော့မယ့်ပုံနဲ့ ရှိနေခဲ့တာဟာ တကယ့်ကို ကြောက်လန့်စရာပါပဲ။ အဲဒီလိုနဲ့ သူ ဆွဲဖမ်းယူဖို့ ကြိုးစားနေချိန်မှာပဲ မြွေဟောက်ဟာ ရေထဲကို ကျသွားခဲ့ချိန်မှာတော့ ပုံစံတမျိုး ပြောင်းခဲ့ရတာပါ။ နဝပ်ဇ်ရှိတ်ခ်ဟာ ရေအောက်ထိရောက်အောင် ထပ်ဆင်းသွားခဲ့ရပြီး ရေထဲက မြွေဟောက်ကို ဖမ်းယူဖို့ ကြိုးစားခဲ့ရပြီးနောက်မှာတော့ အောင်အောင်မြင်မြင်နဲ့ ဖမ်းမိသွားခဲ့တာကို တွေ့ရပါတယ်။ အဲဒီနောက်ပိုင်းမှာတော့ သူတို့အဖွဲ့က မြွေကို တောထဲ ပြန်လွှတ်ပေးခဲ့တယ်လို့ သတင်းမှာ ဖော်ပြပါတယ်။
3 years Ago
More News
Up