မြေနုကျွန်း

March 23, 2018

ပေါင်မြို့နယ် မြေနုကျွန်းခွဲဝေချထားမှုတွင် အဂတိလိုက်စားမှုရှိဟု လွှတ်တော်ကိုယ်စားလှယ် ပြော

မွန်ပြည်နယ် ပေါင်မြို့နယ်အတွင်း သောင်ထွန်းမြေ(ခေါ်) မြေနုကျွန်း ခွဲဝေချထားရာမှာ အဂတိလိုက်စားမှုတွေ ရှိနေတယ်လို့ နယ်မြေခံ ပြည်နယ်လွှတ်တော်ကိုယ်စားလှယ်က ပြည်နယ်လွှတ်တော်အစည်းအဝေးမှာ တင်ပြဆွေးနွေးခဲ့ပါတယ်။ ပေါင်မြို့နယ် သံလွင်မြစ်ဝထဲက ကိုတေးကျွန်းလို့ခေါ်တဲ့ မြေနုကျွန်း ၁၃၇ ဧကကို ခွဲဝေပေးရာမှာ အဂတိလိုက်စားမှုတွေ ရှိနေတယ်လို့  မတ်လ ၂၂ ရက်က ကျင်းပတဲ့ မွန်ပြည်နယ်လွှတ်တော် အစည်းအဝေးမှာ ပေါင်မြို့နယ် ပြည်နယ်လွှတ်တော်ကိုယ်စားလှယ် ဦးထွန်းမင်းအောင်က မှတ်တမ်းမှတ်ရာတွေနဲ့တကွ တင်ပြဆွေးနွေးနေခဲ့တာပါ။ “ကျေးရွာလယ်ဆည်က မသိဘူးဆိုတာ မရှိဘူး။ သူတို့က နှစ်တိုင်း လုပ်နေကျပဲ။ ရပ်ကွက်နေ လယ်မဲ့သူတွေ လာလျှောက်နိုင်အောင် ကြေညာရမယ်။ အဲဒီလိုမျိုးတွေ ပွင့်လင်းမြင်သာစွာ မဖြစ်ဘဲနဲ့ လူတဦးတယောက်က ၄၁ ဦး စာရင်းထည့်ပေးလိုက်တာကို စာရင်းစီချပြီး မြို့နယ်ပို့တယ်ဆိုတာ အဲဒါ ထင်ရှားနေပြီ။ အဲဒါက ဆန္ဒဂတိပဲ။ အဲဒီ နောက်ကွယ်က ဘာကြောင့် သူလက်ခံလဲ။” ၂၀၁၂ လယ်ယာမြေဥပဒေအရ မြေနုကျွန်း ခေါ် သောင်ထွန်းမြေတွေ ပေါ်ထွန်းလာရင် အနီးအနားက ဒေသခံ လယ်မဲ့ယာမဲ့တွေကို တန်းစီဇယားပြုစုပြီး ခွဲဝေချပေးထားရမှာ ဖြစ်ပါတယ်။ ပေါင်မြို့နယ်ထဲက ကိုတေးကျွန်း ခေါ် မြေနုကျွန်း ခွဲဝေချထားရာမှာတော့ ဥပဒေလုပ်ထုံးလုပ်နည်းနဲ့ မညီဘဲ နီးစပ်ရာ ၅၈ ဦးကို တန်းစီဇယားပြုလုပ်ပြီး ခွဲဝေပေးဖို့ စီစဉ်နေတာကို အရေးယူဖို့ ရှိ၊ မရှိနဲ့ ပြန်လည်စိစစ်သွားဖို့ နယ်မြေခံ လွှတ်တော်ကိုယ်စားလှယ်က မေးမြန်းခဲ့ပါတယ်။  သက်ဆိုင်ရာဝန်ကြီးကတော့ အဲဒီမေးခွန်းကို တိတိကျကျ ပြန်လည်ဖြေကြားခြင်း မရှိခဲ့ပါဘူး။ လယ်ဆည်ဝန်ကြီး ဦးထွန်းဌေးက “အဂတိလိုက်စားမှုကို ဘယ်လို အရေးယူမလဲဆိုတော့ အဂတိလိုက်စားမှု ရှိတာ၊ မရှိတာ ဆိုတာက အားလုံးက စေတနာနဲ့ လုပ်နေကြတာပဲ။ ဥပဒေနဲ့ ညီ မညီကိုပဲ ကိုယ်စားလှယ်အနေနဲ့ မြေပြင်အခြေအနေကို ကြည့်ပြီးတော့ ဘယ်နေရာမှာ မှားယွင်းနေတာ မြင်ရင် တခါတည်း တင်ပြစေချင်ပါတယ်။ သူက ဘာမှ ပေါင်းစပ်ခြင်းမရှိဘဲ စာရွက်ပဲ တောင်းကြည့်ပြီး မညီဘူးလို့ ပြောနေတယ်” လို့ ပြောပါတယ်။ သံလွင်မြစ်ဝထဲက မြေနုကျွန်းကို အနီးစပ်ဆုံးကျေးရွာဖြစ်တဲ့ မုတ္တမကျေးရွာက ၅၈ ဦးကိုို တဦး ၂ ဧကကျော် ခွဲဝေချထားပေးဖို့ ၂၀၁၇ ခုနှစ်ကတည်းက ညွှန်ကြားထားတာ။ အခုချိန်အထိ သက်ဆိုင်ရာ လယ်ယာမြေစီမံခန့်ခွဲရေးကော်မတီတွေက စိစစ်နေဆဲ ဖြစ်ပါတယ်။ ဒါပေမယ့်လည်း လုပ်ပိုင်ခွင့် ရရှိရေး ဦးဆောင်နေသူတွေဟာ  အဲဒီသောင်ထွန်းမြေပေါ်မှာ စက်ယန္တရားတွေနဲ့ မြေယာပြုပြင်တာတွေ လုပ်နေကြတယ်လုို့ နယ်မြေခံ လွှတ်တော်ကိုယ်စားလှယ်က ဓာတ်ပုံအထောက်ထားတွေနဲ့ ပြောပါတယ်။ ဓာတ်ပုံ - မွန်ပြည်နယ်လွှတ်တော်
4 years Ago

June 11, 2017

တိုင်းနှစ်တိုင်းတွင် အငြင်းပွားမြေနုကျွန်းများ စိစစ်ရန် ကွင်းဆင်းစစ်ဆေး

  ဧရာဝတီတိုင်းနဲ့ ပဲခူးတိုင်းက အငြင်းပွားမြေနုကျွန်းတွေကို စိစစ်ဖို့အတွက် ဧရာဝတီတိုင်း အစိုးရအဖွဲ့ အတွင်းရေးမှူးနဲ့ ခရိုင်အဆင့်၊ မြို့နယ်အဆင့် လယ်ယာမြေစိစစ်ရေးကော်မတီတွေက ကွင်းဆင်းစစ်ဆေးမှုတွေ ပြုလုပ်နေပါတယ်။ ဧရာဝတီတိုင်းဒေသကြီး အင်္ဂပူမြို့နယ်ထဲက ရွှေသောင်းကျေးရွာမြေနုကျွန်း ပတ္တာမြားမြေနုကျွန်းတွေနဲ့ ပဲခူးတိုင်းဒေသကြီး မိုးညှိမြို့နယ် မြေနုကျွန်းတွေကို တိုင်းဒေသကြီးနှစ်ခုက ဘယ်အပိုင်းကို ဘယ်တိုင်းက ပိုင်ဆိုင်တယ်ဆိုတာတွေကို မြေနုကျွန်းပေါ်ချိန် ကိုင်းလုပ်ကိုင်ချိန်တွေမှာ နှစ်စဉ် အငြင်းပွားနေတာပါ။ အင်္ဂပူမြို့နယ် အမှတ် ၂ မဲဆန္ဒနယ် တိုင်းဒေသကြီး လွှတ်တော်ကိုယ်စားလှယ် ဦးဘိုဘိုဇင် က "လောလောဆယ် ဒီဘက်က ဧရာဝတီတိုင်းဒေသကြီးအစိုးရအဖွဲ့ အတွင်းရေးမှူးနဲ့ ခရိုင်အဆင့် မြို့နယ်အဆင့်က လယ်ယာမြေစိစစ်ရေး ကော်မတီတွေ ကွင်းဆင်းစစ်ဆေးတယ်၊ ဆုံးဖြတ်ချက်ကတော့ မချသေးပါဘူး။ ပဲခူးတိုင်းဒေသကြီး အစိုးရအဖွဲ့နဲ့ ညှိနှိုင်းပြီးမှ အဖြေထွက်မှာ၊ ခုဟာ စိစစ်မူတွေ လုပ်နေတာပဲရှိပါသေးတယ်”လို့ ပြောပါတယ်။ ဧရာဝတီမြစ်ကမ်းဘေ ဒေသတွေမှာ မြေနုကျွန်း ပြဿနာတွေ နှစ်စဉ် ဖြစ်ပေါ်နေကြတာပါ။ ကျေးရွာနှစ်ရွာ ပိုင်ဆိုင်အငြင်းပွားတာတွေနဲ့ ခု တိုင်းဒေသနှစ်ခု ပိုင်ဆိုင်မှု အငြင်းပွားတာတွေ နှစ်စဉ်ဖြစ်ပေါ်နေပြီး အချို့ အငြင်းပွားမူတွေကိုတော့ ဖြေရှင်းပေးနိုင်တာတွေ ရှိသလို အချို့ဆို အငြင်းပွားတဲ့ ဧရိယာဧကတွေကို နှစ်ဘက် ကိုင်းစိုက်တဲ့ တောင်သူ မလုပ်ကိုင်ရပဲ ရပ်ဆိုင်းတာတွေ ရှိနေကြပါတယ်။ အင်္ဂပူမြို့နယ် ရွှေသောင်ကျွန်း ဒေသခံ ကိုဝင်းနိုင်က “ပြဿနာကို အမြန်ဆုံးဖြေရှင်းပေးစေချင်ပါတယ်။ နှစ်တိုင်း စိုက်ပျိုးချိန်တွေမှာ သူမစိုက်ရ ကိုယ်မစိုက်ရ အငြင်းပဲပွားနေရတာတွေကြောင့် အဲလို မဖြစ်စေချင်တော့ပါဘူး။ ပြဿနာအပြီးသတ် မဖြေရှင်းနိုင်ရင် မလိုလား အပ်တဲ့ နောက်ဆက်တွဲပြဿနာတွေ ဖြစ်ပေါ်နိုင်တယ်”လို့ ပြောပါတယ်။ အင်္ဂပူမြို့နယ်ထဲမှာ ကိုင်းစိုက်ပျိုဧက ၂ သောင်းကျော် ရှိပါတယ်။ သတင်း - သန်းထိုက်မြင့်
4 years Ago
Up