မြောက်ဦးမြို့နယ်တွင် ရပ်ကျေးအုပ်ချုပ်ရေးမှူး ၁၁ ဦး ထပ်မံနုတ်ထွက်

March 5, 2019

မြောက်ဦးမြို့နယ်တွင် ရွာသားများနေအိမ်သော့ပိတ်၍  မြို့ပေါ်တိမ်းရှောင်

ရခိုင်ပြည်နယ်၊ မြောက်ဦးမြို့နယ်၊ လေညှင်း​တောင်​ကျေးရွာက  ရွာသားတွေဟာ ရွာလုံးကျွတ်နီးပါး နေအိမ်တွေသော့ပိတ်ပြီး မြောက်ဦးမြို့ပေါ်ကို တိမ်းရှောင်လာနေကြတယ်လို့ ဒေသခံတွေက ဒီဗွီဘီကို ပြောပါတယ်။ လေညှင်းတောင်ကျေးရွာအနီးကို ပြီးခဲ့တဲ့ရက်ပိုင်းမှာ တပ်မ ၂၂ က တပ်မတော်စစ်ကြောင်း တခုက လာရောက်ပြီး အခြေချနေထိုင်နေတာကြောင့် တိုက်ပွဲတွေဖြစ်မှာကို စိုးရိမ်ပြီး ဒေသခံတွေက ရွာမှာမနေထိုင်ရဲကြတော့ဘဲ မြောက်ဦးမြို့နဲ့ နီးစပ်ရာကို ထွက်ပြေးလာကြတာလို့ ကျေးရွာသားတွေ ကပြောပါတယ်။ လေညှင်းတောင်ကျေးရွာက ဦးမောင်စိန်ဝင်းက “ကျနော်တို့ ရသေ့တောင်မြို့နယ်တွေက မင်းဖူးကျေးရွာလို၊ သမီးလှကျေးရွာလိုဖြစ်မှာကို ကြောက်ပါတယ်။ ရွာနားမှာ တပ်မ ၂၂စစ်ကြောင်း ရောက်နေတာ ၃ ရက်လောက်ရှိနေပြီ။ အဲ့ဒါကြောင့် မြောက်ဦးမြို့ကို ထွက်ပြေးလာကြတာ။ မနေ့ကထွက်ပြေးတဲ့သူလည်းရှိတယ်။ ဒီကနေ့ မနက်ပိုင်း တော်တော်ထွက်ပြေးလာကြတယ်။ ရွာက လူနည်းစုပဲကျန်တော့တယ်။ ထွက်ပြေးလာကြတဲ့ အားလုံး စုစုပေါင်း ဆိုရင် ၄၀၀ က နေ ၅၀၀ အထိ ရှိတယ်’” လို့ပြောပါတယ်။ လေညှင်းတောင်ကျေးရွာအနီးမှာ အေအေ ရခိုင်လက်နက်ကိုင်တပ်ဖွဲ့တွေနဲ့   တပ်မတော်တို့ အကြား လတ်တလော တိုက်ပွဲတွေ ဖြစ်ပွားတာတော့ မရှိသေးပါဘူး။ လေညှင်းတောင်ကျေးရွာကျန်နေခဲ့တဲ့ ဦးမောင်ဘုချေက ”ရွာအနီးအနားမှာတော့ တိုက်ပွဲ တွေ ဖြစ်တာတော့ မရှိသေးဘူး။ ဒါပေမယ့် ပြဿနာတစုံတရာဖြစ်လာမလားပေ့ါလေ။ အဲ့ဒါ ကြောင့် ထွက်ပြေးသွားကြတယ်။ အသက်ကြီးပိုင်တွေရော၊ မိန်းကလေးတွေရော။ ကလေးတွေ ရော အကုန်ပါတယ်ဗျ။ အခုက ရွာမှာလူတွေ မရှိသလောက်ပါဘဲ။ ဒီမှာ အားလုံးကြောက်လန့် နေကြတာ”လို့ ပြောပါတယ်။ လေညှင်းတောင်းကျေးရွာမှာ အိမ်ခြေ ၃၀၀ ကျော်ရှိပြီး တိမ်းရှောင်လာသူတွေဟာ မြောက်ဦးမြို့ပေါ်နဲ့ နီးစပ်ရာဆွေမျိုးတွေရဲ့ နေအိမ်တွေမှာ သွားရောက်ခိုလှုံနေကြပါတယ်။ သတင်း- ဝဏ္ဏခွာညို၊ ဓာတ်ပုံ- ဝါသုဒေဝ
2 years Ago

March 4, 2019

မြောက်ဦးမြို့နယ်တွင် ရပ်ကျေးအုပ်ချုပ်ရေးမှူး ၁၁ ဦး ထပ်မံနုတ်ထွက်

ရခိုင်ပြည်နယ်၊ မြောက်ဦးမြို့နယ်ထဲက ကျေးရွာအုပ်စုအုပ်ချုပ်ရေးမှူးတချို့ ပြီးခဲ့တဲ့ ရက်ပိုင်းက ဖမ်းဆီးတရားစွဲခံရပြီးနောက် ကျေးရွာ ၁၁ ရွာက အုပ်ချုပ်ရေးမှူး ၁၁ ဦး ထပ်မံ နုတ်ထွက် သွားပါတယ်။ ရခိုင်ပြည်နယ်မှာ ရပ်ကျေးအုပ်ချုပ်ရေးမှူးတွေကို ဖမ်းဆီးနေတာကြောင့် ပြီးခဲ့တဲ့မတ် ၁ ရက်မှာ ကျေးရွာအုပ်စု အုပ်ချုပ်ရေးမှူး ၈၉ ဦး နုတ်ထွတ်ခဲ့သလို ဒီကနေ့လည်း အုပ်ချုပ်ရေးမှူး ၁၁ ဦးထပ်မံ နုတ်ထွက်စာ တင်ခဲ့ပါတယ်။ ဝေသာလီကျေးရွာအုပ်ချုပ်ရေးမှူး ဦးမောင်ကျော်ဝင်းက“ကျနော်တို့ ဒီနေ့ ၁၁ ယောက် နုတ်ထွက်ပါတယ်။ မြောက်ဦးထွေအုပ်ရုံးကို သွားရောက်ပြီးတော့ နုတ်ထွက်စာတင်တာပါ။ အကြောင်းကတော့ဗျာ။ မြောက်ဦးမှာ ကျနေ်ာတို့အုပ်ချုပ်ရေးမှူးတွေ အစည်းအဝေးလုပ်နေတဲ့ အချိန် အုပ်ချုပ်ရေးမှူးတွေက ဖမ်းဆီးခေါ်သွားတယ်ဗျ။ ဒီလိုဖမ်းသွားတယ်ဆိုတော့ ကျနော်တို့ မလုံခြုံတော့ဘူး။ ဥပဒေ အရကာကွယ်ပေးမယ့်သူ မရှိတော့ဘူး။ ဒီလိုဖြစ်လာတော့ ကျနော်တို့ ဆက်မလုပ်ချင်တော့ဘူး။ ဒါကြောင့် ကျနော်တို့ အားလုံးသဘောတူ နုတ်ထွက်တာဖြစ်တယ်”လို့ ပြောပါတယ်။ ဒီကနေ့ ထပ်မံနုတ်ထွက်တဲ့ ကျေးရွာအုပ်ချုပ်ရေးမှူးတွေကတော့ ဦးမောင်ကျော်သန်း ညောင်ပင်လယ်ကျေးရွာ (ကလပ)၊ ဦးစိုးမောင် (သင်းပန်းကိုင်း) ဦးမောင်သိန်းထွန်း (တန်းတင်)၊ ဦးမောင်မောင်သိန်း (ကလက)၊ ဦးစိန်လှမောင် (သူငယ်တော်)၊ ဦးလှသာထွန်း (ကင်းဆိပ်)၊ ဦးမောင်နီရွှေ (ပျားတဲ့)၊ ဦးမောင်ကျော်ဝင်း (ဝေသာလီ)၊ ဦးမောင်မောင်သိန်း (ကြိမ်ချောင်း)၊ ဦးလှမောင်သိန်း (ဇီးပင်ကြီး)၊ ဦးကျော်ဦးလှိုင် (သဘော)တို့ဖြစ်ကြပါတယ်။ အဆိုပါ အုပ်ချုပ်ရေးမှူး ၁၁ ဦးဟာ မြောက်ဦးမြို့နယ်မှာ စုဝေးပြီး ရာထူးတာဝန်ကနေ နုတ်ထွက်ဖို့ ဆုံးဖြတ်ခဲ့ကြပြီးနောက် မြောက်ဦးထွေအုပ်ရုံးကို ကိုယ်တိုင်ကိုယ်ကျ သွားရောက် နုတ်ထွက်စာ ပို့ပေးခဲ့ကြတာပါ။ သူငယ်တော်အုပ်ချုပ်ရေးမှူး စိန်လှမောင်က “ပထမအသုတ် နုတ်ထွက်သူတွေ ဘာလို့ မပါတာလဲဆိုတော့ ကျနော်တို့အဲ့ဒီနေ့ မရှိဗျ။ ဘာသာရေးကိစ္စတွေ လုပ်နေရတယ်။ ပြီးတော့ ခရီးလွန်နေတဲ့သူတွေရှိတယ်။ အဲ့ဒါကြောင့် အဲ့ဒီနေ့က အစည်းအဝေးကို မလာဖြစ်လိုက်ဘူး။ အုပ်ချုပ်ရေးမှူးတွေကို ဒီအကြောင်းမရှိဘဲ ဖမ်းဆီးသွားတယ်။ ကျနော်တို့အတွက် စိတ်ထဲမှာ လုံခြုံမှု မရှိတော့ဘူး လို့ခံစားရတယ်။ ဒါကြောင့် ကျနော်တို့ဆန္ဒအရ နုတ်ထွက်ကြတာပါ” လို့ပြောပါတယ်။ အခုလိုနုတ်ထွက်ဖို့ ဘယ်သူတဦးတယောက်ကမှ ဖိအားပေးဆိုတာတွေ ခြိမ်းခြောက် ပြောဆိုတာမရှိဘဲ ကိုယ်ကိုယ်တိုင်လုံခြုံမှုမရှိဘူးလို့ ယူဆတာကြောင့် နုတ်ထွက်ရတာလို့ လည်း ပြောပါတယ်။ ဖေဖော်ဝါရီ ၂၈ ရက်က မြောက်ဦးမြို့နယ်ထဲက အုပ်ချုပ်ရေးမှူး ၄ ယောက်ကို ရဲကခေါ်ဆောင်သွာခဲ့ပြီး မတရားအသင်း ဆက်သွယ်မှုဥပဒေနဲ့ တပ်မတော်က အမှုဖွင့် အရေးယူထားပါတယ်။ မတ်လ ၁ ရက်က မြောက်ဦးမြို့နယ်မှာ ကျေးရွာအုပ်စု အုပ်ချုပ်ရေးမှူး ၈၉ ဦး နုတ်ထွက်ခဲ့ တာနဲ့ပတ်သက်လို့ ပြည်နယ်အထွေထွေအုပ်ချုပ်ရေး ဦးစီးဌာန ဒုညွှန်ကြားရေးမှူး ဦးဌေးမောင်ကတော့ ဥပဒေနဲ့အညီ တဦးချင်း၊ တယောက်ချင်း သဘောဆန္ဒနဲ့ တင်ပြတဲ့ စာမဟုတ်လို့ လတ်တလော နုတ်ထွက်ခွင့်ပေးမယ်အစီအစဉ် မရှိသေးဘူးလို စစ်တွေ မှာ သတင်းစာရှင်းလင်းပွဲ ပြုလုပ်ပြောပါတယ်။ သတင်း-ဝဏ္ဏခွာညို
2 years Ago
Up