မြောက်ကိုရီးယား အစိုးရဟာ အမျိုးအမည် မသိရသေးတဲ့ ဒုံးကျည်တစီးကို စက်တင်ဘာ ၁၅ ရက် အစောပိုင်းက ပစ်လွှတ်ခဲ့တဲ့အပေါ် ဂျပန်အစိုးရက ပြင်းပြင်းထန်ထန် ကန့်ကွက်လိုက်ပါတယ်။ မြောက်ကိုရီးယားက ပစ်လွှတ်လိုက်တဲ့ ဒုံးကျည်ဟာ ဂျပန်နိုင်ငံမြောက်ပိုင်း ဟော့ကိုင်းဒိုးကျွန်းကို ဖြတ်ကျော်ပျံသန်းပြီး ပစိဖိတ်သမုဒ္ဒရာထဲကို ကျခဲ့တယ်လို့ တောင်ကိုရီးယားနဲ့ ဂျပန်အရာရှိတွေက ပြောပါတယ်။ မြောက်ကိုရီးယားက လတ်တလော စမ်းသပ်ထားတဲ့ အင်အားပြင်း နျူကလီးယားဗုံး စမ်းသပ်ချက်ကြောင့် ဒေသတွင်း တင်းမာမှု မြင့်နေချိန်မှာ နောက်တချီ ဒုံးကျည်စမ်းသပ်တာပါ။ ဒုံးကျည်ဟာ ဂျပန်နိုင်ငံကို ဖြတ်ကျော်ပြီး ဟော့ကိုင်းဒိုးကျွန်းရဲ့ အရှေ့ဘက် မိုင် ၁၂၄၀ အကွာက ပစိဖိတ်သမုဒ္ဒရာထဲကို ကျခဲ့တယ်လို့ ဂျပန်အစိုးရအဖွဲ့ အတွင်းရေးမှူး ယိုရှိဟိဒဲ စုငက သတင်းစာရှင်းလင်းပွဲမှာ သတင်းထောက်တွေကို ပြောပါတယ်။ “မြောက်ကိုရီးယား အနောက်ဘက် ကမ်းရိုးတန်းကနေ အရှေ့မြောက်ဘက်ကို ပဲ့ထိန်းဒုံးကျည်တစီး ပစ်လွှတ်ခဲ့တယ်၊ ဒေသစံတော်ချိန် မနက် ၆ နာရီ ၅၇ မိနစ်က ပစ်လွှတ်လိုက်တဲ့ ဒုံးကျည်ဟာ ဟော့ကိုင်းဒိုးကျွန်းကို မနက် ၇ နာရီ ၄ မိနစ်ကနေ ၆ မိနစ်ထိ ၂ မိနစ်ကြာ ဖြတ်သန်းခဲ့တယ်။ မနက် ၇နာရီ ၁၆ မိနစ်မှာ ပစိဖိတ်သမုဒ္ဒရာအတွင်း ကိပ်အာရီမို အငူရဲ့ အရှေ့ဘက် ကီလို ၂ ထောင်အကွာ ရေထဲကို ကျခဲ့တယ်” လို့ သူက ဆက်ပြောပါတယ်။ ဒီလုပ်ရပ်ကြောင့် ဒေသတွင်း သင်္ဘောတွေ၊ လေကြောင်းလိုင်းတွေ ထိခိုက်ပျက်စီးတဲ့ သတင်းအချက်အလက်တွေလည်း မရှိခဲ့ကြောင်း၊ မြောက်ကိုရီးယားရဲ့ ထပ်ခါတလဲလဲ ရန်စမှုကို လုံးဝ လက်သင့်မခံနိုင်ကြောင်းနဲ့ ပြင်းပြင်းထန်ထန် ကန့်ကွက်ကြောင်း၊ ကုလသမဂ္ဂ လုံခြုံရေးကောင်စီနဲ့သာမက တောင်ကိုရီးယား၊ အမေရိကန်အစိုးရတွေနဲ့လည်း အတူ နီးနီးကပ်ကပ် အလုပ်လုပ်သွားမယ်လို့ ဆိုပါတယ်။ အမျိုးအစား မဖော်ထုတ်ရသေးတဲ့ ဒီဒုံးကျည်ဟာ အမြင့် မိုင် ၄၈၀ ထိရောက်ခဲ့ပြီး မိုင် ၂၃၀၀ အကွာအဝေးကို ပျံသန်းခဲ့တယ်လို့ တောင်ကိုရီးယားစစ်တပ်က ဆိုပါတယ်။ ဒါဟာ အမေရိကန်ရဲ့ ပစိဖိတ် ပိုင်နက် ဂူအမ်ကျွန်းကို ရောက်နိုင်တဲ့ အကွာအဝေးလည်း ဖြစ်ပါတယ်။ အရင်လကလည်း မြောက်ကိုရီးယားဟာ ဒုံးကျည်တစီးကို အလားတူ နေရာကနေ ဟော့ကိုင်းဒိုးကျွန်းရဲ့ ကမ်းလွန် သမုဒ္ဒရာထဲကို ပစ်လွှတ် စမ်းသပ်ခဲ့ဖူးပါတယ်။

မြောက်ကိုရီးယားရဲ့ ဒုံးကျည်ပစ်လွှတ်မှု စွမ်းဆောင်ရည်ဟာ မျှော်လင့်ထားတာထက် ပိုမြန်ပြီး သိသိသာသာ တိုးတက်နေတယ်၊ ဒါကို ဇူလိုင် ၄ ရက်နေ့ တိုက်ချင်းပစ် ပဲ့ထိန်းဒုံးကျည် ပစ်လွှတ်မှုက သက်သေပြနေတယ်လို့ အမေရိကန် စစ်ဦးစီးအရာရှိချုပ် ဗိုလ်ချုပ် မာ့ခ်မိုင်လေက ပြောပါတယ်။ ဝါရှင်တန်မြို့တော် အမျိုးသား စာနယ်ဇင်းကလပ်မှာ အခုလို မှတ်ချက်ပေး ပြောဆိုခဲ့တာပါ။ မြောက်ကိုရီးယားရဲ့ နျူကလီးယားနဲ့ ဒုံးကျည်အစီအစဉ်တွေကြောင့် ဖြစ်လာတဲ့ အကျပ်အတည်းတွေကို စစ်ရေးမဟုတ်တဲ့ နည်းလမ်းနဲ့ ဖြေရှင်းဖို့ အချိန်ရှိသေးတယ်၊ ဒါပေမယ့် အချိန်ကုန်ဖို့ နီးလာပြီလို့ သူက ဆက်ပြောပါတယ်။ မြောက်ကိုရီးယားက အလွန်အမင်း အန္တရာယ်ရှိနေတယ်၊ ကျန်ခဲ့တဲ့ သီတင်းပတ်တွေမှာ ပိုပြီး အန္တရာယ်ရှိလာတယ်လို့လည်း သူက ဆိုပါတယ်။ ထင်ထားတာထက်စောပြီး လာမယ့်နှစ်မှာ မြောက်ကိုရီးယားဟာ နျူကလီးယား ထိပ်ဖူးတပ် တိုက်ချင်းပစ်ဒုံးကျည် ICBM ကို ပစ်လွှတ်နိုင်လိမ့်မယ်ဆိုတာ အမေရိကန် စစ်ထောက်လှမ်းရေးဌာန (DIA) က သိခဲ့တယ်လို့ အမေရိကန် မီဒီယာတွေက ဒီသီတင်းပတ်ထဲမှာ ဖော်ပြကြပါတယ်။ မြောက်ကိုရီးယား အစိုးရဟာ ပိုမြန်မြန် အားထုတ်နိုင်ခဲ့တယ်ဆိုတာ မေးခွန်းထုတ်စရာ မလိုဘူး၊ ဒါပေမယ့် ICBM ပစ်လွှတ်နိုင်တဲ့ အဆင့်ကိုတော့ မြောက်ကိုရီးယားအကြောင်း လေ့လာနေတဲ့ တခြားအကဲခတ်တွေက သဘောမတူဘူးလို့ အမေရိကန် အရာရှိတွေက ပြောပါတယ်။ မြောက်ကိုရီးယားဟာ လာမယ့်ရက်တွေအတွင်း နောက်ထပ် ဒုံးကျည်စမ်းသပ်ဖို့ ပြင်ဆင်နေတာ ဖြစ်နိုင်တဲ့ လှုပ်ရှားမှုတွေကို တိုးပြီးလုပ်နေတာ မြင်နေရတယ်လို့ အမေရိကန် အရာရှိတွေက ဇူလိုင် ၂၅ ရက်နေ့မှာ ပြောခဲ့ပါသေးတယ်။