မြောက်ကိုရီးယားက

July 29, 2017

မြောက်ကိုရီးယားက ဂျပန်ပင်လယ်ထဲ ပဲ့ထိန်းဒုံးကျည် ထပ်မံပစ်လွှတ် (ရုပ်သံ)

မြောက်ကိုရီးယား အစိုးရက ဒုတိယမြောက် တိုက်ချင်းပစ် ပဲ့ထိန်းဒုံးကျည် ICBM ကို ဇူလိုင် ၂၈ ရက်နေ့က ပစ်လွှတ်စမ်းသပ်ခဲ့တယ်လို့ အတည်ပြုပြောဆိုလိုက်ပါတယ်။ ဂျပန်ပင်လယ်ပြင်ထဲ ပစ်လွှတ်ခဲ့တဲ့ ဒီဒုံးကျည်ဟာ အမေရိကန်အတွက် ပြင်းထန်တဲ့ သတိပေးချက်ပဲလို့လည်း ပြောပါတယ်။ “ဒီဒုံးကျည်ဟာ အမြင့်ဆုံး အကွာအဝေးအတွက် ပစ်မှတ်ထား တီထွင်ထားတယ်၊ ၄၇မိနစ် ၁၂ စက္ကန့်ကြာ ပျံသန်းခဲ့တယ်၊ အမြင့်ဆုံးအနေနဲ့ ၃၇၂၄.၉ ကီလိုမီတာ အကွာအဝေးကို ရောက်ခဲ့တယ်” လို့ မြောက်ကိုရီးယားက ပြောပါတယ်။ စမ်းသပ်ချိန်မှာ ဒုံးကျည်ဟာ ၉၉၈ ကီလိုမီတာ ပျံသန်းခဲ့ပြီး ပြန်ကျဖို့ သတ်မှတ်ထားတဲ့ နေရာကို ပြန်ကျနိုင်ခဲ့တယ်ဆိုတာ ထပ်လောင်းအတည်ပြုနိုင်ခဲ့တာကြောင့် အောင်မြင်ခဲ့တယ်လို့လည်း ပြောပါတယ်။ မြောက်ကိုရီးယားက ပစ်လွှတ်စမ်းသပ်ခဲ့တဲ့ ဒီဒုံးကျည်ဟာ ဂျပန်ပင်လယ်ရဲ့ စီးပွားရေးဇုန်ထဲ ကျရောက်ခဲ့တယ်လို့ အမေရိကန်နိုင်ငံ ပင်တဂွန် စစ်ဌာနချုပ်ပြောခွင့်ရ ဂျက်ဖ် ဒေးဗစ်စ်က ပြောပါတယ်။ “မြောက်ကိုရီးယား ခေါင်းဆောင် ကင်မ်ဂျုံအန်းက ဒီလိုစမ်းသပ်ဖို့ အမိန့်ပေးခဲ့တယ်၊ မြောက်ကိုရီးယားရဲ့ လက်နက်အစီအစဉ်ဟာ တန်ဖိုးမဖြတ်နိုင်တဲ့ ပိုင်ဆိုင်မှုဖြစ်ပြီး ပြန်ပြီး နောက်ဆုတ်ဖို့လည်း မဖြစ်နိုင်သလို အစားထိုးလို့လည်း မရကြောင်း ကင်မ်ဂျုံအန်းက ပြောတယ်” လို့ မြောက်ကိုရီးယား မီဒီယာကို ကိုးကားပြီး နိုင်ငံတကာ သတင်းတွေမှာ ဖော်ပြထာါးပတယ်။ ဒီဒုံးကျည်နဲ့ တိုက်ခိုက်နိုင်မှု အလားအလာထဲမှာ အမေရိကန်မြို့ကြီးတွေ ပါနေတယ်၊ မြောက်ကိုရီးယားကနေ ပစ်ခတ်ရင် အမေရိကန်နိုင်ငံ လော့စ်အိန်ဂျလိစ်မြို့ကို ရောက်နိုင်တယ်လို့ ပညာရှင်တွေကို ကိုးကားပြီး သည်ဂါးဒီးယန်း သတင်းဌာနက ဆိုပါတယ်။ ရုပ်သံ - မေရာ
4 years Ago

May 14, 2017

မြောက်ကိုရီးယားက ဒုံးကျည်အသစ် ထပ်မံစမ်းသပ် ပစ်ခတ်

တောင်ကိုရီးယား သမ္မတအသစ်မှ တာဝန်စတင်လွှဲပြောင်းယူပြီး ရက်ပိုင်းကြာပြီးတဲ့နောက် မြောက်ကိုရီးယားဘက်က ဘယ်လစ်စတစ်ဒုံးကျည်အသစ်ကို ထပ်မံစမ်းသပ်လိုက်ပါတယ်။ စမ်းသက်လိုက်တဲ့ ဒုံးကျည်အသစ်ကို မြောက်ကိုရီးယား အနောက်မြောက်ဘက် ကူဆန်းမြို့နားမှာ ပစ်လွှတ်ခဲ့တာဖြစ်ပြီး မိုင်ရာပေါင်းများစွာထိသွားကာ နောက်ဆုံး ဂျပန်ပင်လယ်ပိုင်နက်ထဲမှာ ဒုံးကျည်ကျရောက်ခဲ့တယ်လို့ ဘီဘီစီသတင်းမှာ ရေးထားတာပါ။ ဒီလို မြောက်ကိုရီးယားဘက်က ဒုံးကျည်အသစ် စမ်းသပ်လိုက်တာက မြောက်ကိုရီးယားနဲ့ပဋိပက္ခကို ပိုမိုကောင်းမွန်တဲ့ အခင်းအကျင်းဖြစ်ရစေမယ်ဆိုပြီး ရွေးကောက်ပွဲမှာ လှုံ့ဆော်ခဲ့တဲ့ တောင်ကိုရီးယား သမ္မတအသစ် မွန်းဂျဲအပေါ် ဖိအားဖြစ်စေခဲ့ပါတယ်။ ဒီနှစ်အတွင်း မြောက်ကိုရီးယားရဲ့ ဆက်တိုက် ဒုံးကျည်စမ်းသပ်မှုတွေက နိုင်ငံတကာမှာ စိုးရိမ်မှုဖြစ်စေအောင် အချက်ပြလိုက်ပြီး အမေရိကန်နိုင်ငံနဲ့လည်း တင်းမာမှုကို ပိုမိုမြင့်မားစေခဲ့တာပါ။ တောင်ကိုရီးယားသမ္မတအသစ် မစ္စတာမွန်းဂျဲက အရေးပေါ်လုံခြုံရေးကောင်စီ အစည်းအဝေး ခေါ်ယူကျင်းပခဲ့ပြီး နောက်ဆုံးဒုံးကျည်စမ်းသပ်မှုကို ဝေဖန်ရှုတ်ချခဲ့ပါတယ်။ “မြောက်ကိုရီးယားနဲ့ တွေ့ဆုံဆွေးနွေးနိုင်ချေကို တောင်ကိုရီးယားဘက်က လမ်းဖွင့်ထားဆဲဖြစ်ပေမယ့် မြောက်ကိုရီးယားဘက်က အမြင်သဘောထား ပြောင်းလဲတဲ့အခါမှသာ ဒီတွေ့ဆုံဆွေးနွေးမှုကလည်း ဖြစ်နိုင်မှာပါ” လို့ တောင်ကိုရီးယား သမ္မတအသစ်က ပြောကြောင်း သူ့ရဲ့ပြောရေးဆိုခွင့်ရှိသူက ဆိုပါတယ်။ အခုပစ်လွှတ်လိုက်တဲ့ ဒုံးကျည်အသစ်က ပင်လယ်မျက်နှာပြင်အထက် ကီလိုမီတာ ၂၀၀၀ (၁၂၄၅ မိုင်) အထိရောက်ပြီး ဒုံးကျည်အသစ်ဖြစ်ကောင်းဖြစ်နိုင်တယ်လို့ ဂျပန်ကာကွယ်ရေး ဝန်ကြီးက ပြောကြောင်း ရိုက်တာသတင်းဌာနမှာ ရေးသားထားတာပါ။
4 years Ago
Up