မြောက်ကိုရီးယား၏

September 7, 2017

မြောက်ကိုရီးယား၏ မူဝါဒ မပြောင်းလျှင် အနာဂတ်မကောင်းနိုင်ကြောင်း ဂျပန်ဝန်ကြီးချုပ် ပြော

မြောက်ကိုရီးယားက သူ့ရဲ့မူဝါဒတွေကို အပြောင်းအလဲမလုပ်ရင် အနာဂတ်မှာ ဘယ်လိုမှ မကောင်းနိုင်ဘူးလို့ ဂျပန်ဝန်ကြီးချုပ် ရှင်ဇိုအာဘေးက ပြောခဲ့ပါတယ်။ စက်တင်ဘာလ ၆ ရက်နေ့မှာ ဂျပန်ဝန်ကြီးချုပ် ရှင်ဇိုအာဘေးက မြောက်ကိုရီးယားအရေးနဲ့ ပတ်သက်ပြီး အခုလို ပြောခဲ့ပါတယ်။ “မြောက်ကိုရီးယားက ဒီအတိုင်းပဲ ဆက်သွားနေမယ်ဆိုရင် သူ့ရဲ့အနာဂတ်က လုံးဝမကောင်းနိုင်ပါဘူး။ ဒါကိုမြောက်ကိုရီးယားက သိပြီးနားလည်ပြီး သူ့ရဲ့လက်ရှိမူဝါဒတွေကို ပြောင်းဖို့လိုပါတယ်။ မြောက်ကိုရီးယားရဲ့ မူဝါဒပြောင်းလဲရေးအတွက် ဂျပန်အနေနဲ့ ရုရှားအပြင် နိုင်ငံတကာ အသိုင်းအဝိုင်းတွေနဲ့ ပူးပေါင်းပြီး ဆောင်ရွက်သွားမှာပါ။ ဒီအရေးနဲ့ ပါတ်သက်ပြီး သမ္မတ ပူတင်၊ သမ္မတ မွန်းဂျေးအင်းတို့နဲ့ ဆွေးနွေးချင်ပါတယ်။” လို့ ဂျပန်ဝန်ကြီးချုပ် ရှင်ဇိုအာဘေးက သတင်းထောက်တွေကို ပြောခဲ့တာပါ။
4 years Ago

October 8, 2016

မြောက်ကိုရီးယား၏ ဘယ်လိုခြိမ်းခြောက်မှုကိုမဆို ပြင်ဆင်ထားကြောင်း ဂျပန်အစိုးရပြော

ဂျပန်အစိုးရက မြောက်ကိုရီးယားရဲ့ ဘယ်လို ခြိမ်းခြောက်မှု ဖြစ်နိုင်ခြေအတွက်မဆို ပြင်ဆင်ထားပြီးပြီလို့ သောကြာနေ့က ပြောဆိုလိုက်ပါတယ်။ နျူကလီးယား အနာဂတ်အတွက် နောက်ထပ် လုပ်ရပ်တွေ လုပ်ဦးမယ်လို့ မြောက်ကိုရီးယားက ခြိမ်းခြောက်ခဲ့တာပါ။ “မြောက်ကိုရီးယားရဲ့ နျူကလီးယား လှုပ်ရှားမှုတွေကို အလွန်အမင်း သတိထားတယ်။ အခြေအနေကိုဆက်ပြီး အကဲဖြတ်နေတယ်” လို့  ဂျပန်အစိုးရအဖွဲ့ အတွင်းရေးမှူးချုပ် ယိုရှိဟိဒဲ စုငက ပြောပါတယ်။ “စဉ်ဆက်မပြတ် စမ်းသပ် ပစ်လွှတ်မှုတွေကြောင့် မြောက်ကိုရီးယားရဲ့ အစီအစဉ်ဟာ ဂျပန်အတွက် စိုးရိမ်စရာ ခြိမ်းခြောက်မှု ဖြစ်လာတယ်။ ဒါဟာ ကုလလုံခြုံရေး ကောင်စီရဲ့ ဆုံးဖြတ်ချက်ကို ရှင်းရှင်းလင်းလင်း ချိုးဖောက်တာပဲ” လို့ သူက ဆက်ပြောပါတယ်။ “မြောက်ကိုရီးယားရဲ့ ရန်စတဲ့ အပြုအမူတွေ ရပ်တန့်ရေး ဖိအားတွေ တိုးလုပ်ဖို့ အမေရိကန်၊ တောင်ကိုရီးယားတို့နဲ့ ဆက်ပြီး ညှိနှိုင်းသွားမယ်။ ဖြစ်နိုင်ချေ အားလုံးအတွက် ပြင်ဆင်စောင့်ကြပ်ဖို့ သတင်းအချက်အလက်တွေ စုဆောင်းနေတယ်။” လို့ သူက ဆက်ပြော ပါတယ်။ နီးကပ်လာတဲ့ အနာဂတ်မှာ ဖြစ်ရပ်မှန်အတွက် ပြင်ဆင်ထားဖို့ မြောက်ကိုရီးယားက အမေရိကန်သမ္မတ ဘားရတ်အိုဘားမားကို သတိပေးတဲ့ ကြေညာချက်ကို မြောက်ကိုရီးယား ရုပ်သံက ထုတ်ပြန်ခဲ့ပါတယ်။ နျူကလီးယားနဲ့ ပတ်သက်ပြီး မြောက်ကိုရီးယားကို စူပါပါဝါ အင်အားကြီးနိုင်ငံ ဖြစ်အောင် လုပ်ခဲ့တဲ့အတွက် အမေရိကန်ကို အပြစ်တင်တယ်လို့ ဂျပန် ရုပ်သံ NHK က ပြောခဲ့ပါတယ်။
5 years Ago
Up