မြေပုံမြို့နယ်

July 17, 2018

မြေပုံမြို့နယ်တွင် လေဆင်နှာမောင်းတိုက်၍ လူနေအိမ် ၃၀ ခန့် ပျက်စီး

ရခိုင်ပြည်နယ်၊ မြေပုံမြို့နယ်၊ အတွင်းငခူးချောင်းရွာမှာ ဒီကနေ့ မနက်အစောပိုင်း ၁ နာရီကျော်လောက်က လေဆင်နှာမောင်း တိုက်ခတ်လို့ နေအိမ် ၂၉ အိမ် ပျက်စီးသွားတယ်လို့ မြေပုံလွှတ်တော်ကိုယ်စားလှယ်က ဒီဗွီဘီကိုပြောပါတယ်။ “လေဆင်နှာမောင်း တိုက်ခတ်လို့ နေအိမ်၂၉ လုံး ပျက်စီးသွားတယ်။ လုံးဝ ပျက်စီးသွားတာက ၆ လုံး ပျက်စီးသွားတယ်။ အခု မိသားစု ၂၉ စု အခက်အခဲ ဖြစ်နေကြတယ်။ အခု လောလောဆယ်မှာတော့  သူတို့ရဲ့ ဆွေမျိုးသားချင်းတွေရဲ့ နေအိမ်မှာ နေထိုင်နေကြရတယ်”လို့ မြေပုံမဲဆန္ဒအမှတ်(၁) ပြည်နယ်လွှတ်တော် ကိုယ်စားလှယ်ဦးအောင်ဝင်းက ပြောပါတယ်။ လေဘေးကြောင့် ပျက်စီးဆုံးရှုံးသွားတဲ့ နေအိမ်တွေကို ထောက်ပံ့ကူညီနိုင်ဖို့ သက်ဆိုင်ရာ တာဝန်ရှိသူတွေကို အကြောင်းကြားထားတယ်လို့လည်း  မြေပုံမြို့နယ် ဒုအုပ်ချုပ်ရေးမှူး ဦးစိန်လှမောင်က ဒီဗွီဘီကို ပြောပါတယ်။ “ပျက်စီးဆုံးရှုံးသွားတဲ့သူတွေ အကူအညီရရှိဖို့ သက်ဆိုင်ရာကို ကြေးနန်းပို့ထားပါတယ်။ လူကယ်ပြန်ဌာနကိုလည်း ကျနော်အကြောင်းကြားထားပါတယ်။ သူတို့ဘက်က လာမယ်လို့ သတင်းပေးထားပါတယ်။ ကျနော်တို့ သက်ဆိုင်ရာဘက်ကလည်း အထောက်အပံ့ပေးဖို့ လုပ်ဆောင်နေပါတယ်။ လူ၊ တိရစ္ဆာန်တွေ ထိခိုက်ဒဏ်ရာရတာ မရှိဘူး”လို့ ပြောပါတယ်။ လေဆင်နှာမောင်းဒဏ် ခံလိုက်ရတဲ့ အတွင်းငခူးချောင်းကျေးရွာမှာ နေအိမ် ၂၂၆ လုံး ရှိတယ်လို့  မြေပုံမြို့နယ် အုပ်ချုပ်ရေးရဲ့ စာရင်းအရ သိရပါတယ်။ ဝဏ္ဏခွာညို
3 years Ago

February 19, 2018

မြေပုံမြို့နယ်တွင် လုပ်သေနတ် ၂ လက်နှင့် ဆက်စပ်ပစ္စည်းများ ဖမ်းမိ

ရခိုင်ပြည်နယ်၊ မြေပုံမြို့နယ်မှာ လုပ်သေနတ် ၂ လက်နဲ့ ဆက်စပ်ပစ္စည်းတွေ ဖေဖော်ဝါရီ ၁၇ ရက်နေ့ မနက် ၁၀ နာရီခွဲလောက်က ဖမ်းဆီးရမိခဲ့ပါတယ်။ ကိုရံပြင်နယ်မြေရဲစခန်းမှ တပ်ဖွဲ့ဝင်တွေဟာ မြေပုံမြို့နယ် ပြည့်ချောင်းကျေးရွာနေ ဦးလှရွှေ (၄၂-နှစ်) ရဲ့ နေအိမ်အား ဝင်ရောက် ရှာဖွေရာ အရှည် ၅ ပေ၊ ၄ လက်မလောက်ရှိ လုပ်သေနတ် ၂ လက်၊ ယမ်းစိမ်း ၂ ကျပ်ခွဲသား၊ ခဲသီး ၉ လုံး၊ ယမ်းခွေ ၉၀ ခု၊ ကျောပိုးအိတ် ၁ လုံးတို့ကို ဖမ်းဆီးရမိခဲ့တယ်လို့ ဆိုပါတယ်။ ဖမ်းဆီးရမိတဲ့ ဦးလှရွှေကို မြေပုံမြို့မရဲစခန်းက လက်နက်ဥပဒေ ပုဒ်မ ၁၉(စ) နဲ့ အမှုဖွင့် စစ်ဆေးနေကြောင်း သိရပါတယ်။ ဓာတ်ပုံ - ပြည်ထဲရေး
4 years Ago
Up