ပြေစာတွင်

April 7, 2018

ပြေစာတွင် အခွန်တံဆိပ်မကပ်ကြောင်း သတင်းပေးသူများကို ဆုချီးမြှင့်မည်

  ပြေစာတွေမှာ အခွန်တံဆိပ်မကပ်တာကို သတင်းပေးမယ်ဆိုရင် ဆုကြေးချီးမြှင့်မယ်လို့ ပြည်တွင်းအခွန်များဦးစီးဌာနက မနေ့က ရက်စွဲနဲ့ ကြေညာပါတယ်။ ကုန်သွယ်လုပ်ငန်းခွန် ကျသင့်တဲ့ ကုန်စည်ဝယ်တာ ဒါမှမဟုတ် ဝန်ဆောင်မှု ယူတာတွေအတွက် ပြေစာ မပေးတာ၊ ပြေစာပေါ်မှာ အခွန်တံဆိပ် မကပ်ပေးတာကို တိုင်ကြားနိုင်မှာ ဖြစ်ပါတယ်။ ဒီအတွက် ဘယ်အခွန်ရုံးမှာ မဆို အခွန်တံဆိပ် မကပ်တာ၊ လုံလုံလောက်လောက် မကပ်ထားတဲ့ ပြေစာမူရင်း၊ ပြေစာ ထုတ်မပေးဘူးဆိုရင် ထုတ်မပေးတာကို ခိုင်ခိုင်လုံလုံ တင်ပြနိုင်တဲ့ အထောက်အထားတွေနဲ့ တိုင်ကြားနိုင်တယ်လို့ ဆိုပါတယ်။ ဆုငွေထုတ်နိုင်ဖို့အတွက် တိုင်ကြားသူရဲ့ နိုင်ငံသား စိစစ်ရေးကတ်မိတ္တူကို တင်ပြရမှာ ဖြစ်ပြီး သတင်းပေးသူဟာ ဘယ်သူဖြစ်တယ်ဆိုတာကို အစိုးရကိစ္စကလွဲပြီး ထုတ်ဖော်မှာ မဟုတ်ဘူးလို့လည်း ဆိုပါတယ်။ ချီးမြှင့်မယ့် ဆုကြေးပမာဏကတော့ ပျက်ကွက်တဲ့ အခွန်နဲ့ အကြိမ်ရေပေါ်မူတည်ပြီး အနည်းဆုံး ကျပ် ၂ သောင်းကနေ ၁ သိန်းကျော်အထိ ဖြစ်နိုင်တယ်လို့လည်း ဖော်ပြထားပါတယ်။ ကုန်စည်ဝယ်ယူတာ၊ ဝန်ဆောင်မှုတွေရယူတာအတွက် ဝယ်ယူသူ ဒါမှမဟုတ် ဝန်ဆောင်မှု ရယူသူတွေက ကုန်သွယ်ခွန်ပေးဆောင်နေရတာ ဖြစ်ပြီး ဒီအခွန်တွေကို ပစ္စည်းရောင်းချသူ ဒါမှမဟုတ် ဝန်ဆောင်မှုပေးသူတွေကို ကျသင့်ငွေနဲ့အတူ ပေးချေနေရတာ ဖြစ်ပါတယ်။ ဒါကြောင့် ပြေစာပေးချိန်မှာ ကုန်သွယ်ခွန် အမှတ်တံဆိပ်ပါ အခွန်တံဆိပ်ခေါင်းတွေ ကပ်ပေးဖို့ လိုအပ်တာ ဖြစ်ပါတယ်။
3 years Ago
Up