ခြေ၊ လက်မပါ ပါးစပ်ဖြင့် ပန်းချီကားများကို ဖန်တီးနိုင်သည့်

June 22, 2017

ခြေ၊ လက်မပါ ပါးစပ်ဖြင့် ပန်းချီကားများကို ဖန်တီးနိုင်သည့် အံ့ဖွယ် ပန်းချီဆရာလေး (ရုပ်သံ)

ပန်းချီကားတကားကို အသက်ဝင်လာအောင် ဖန်တီးရေးဆွဲနိုင်ဖို့ဆိုတာ တကယ့်ကို မလွယ်ကူလှပါဘူး။ ခြေလက်အင်္ဂါ အစုံအလင်နဲ့ဆိုရင်တောင် တော်တော့်ကို ကြိုးစားယူရမယ့် ဒီပညာရပ်ကို ပါးစပ်နဲ့ ဖန်တီးရေးဆွဲမှုကတော့ တကယ့်ကို အံ့ဖွယ်ပါပဲ။ သူကတော့ အင်ဒိုနီးရှားနိုင်ငံမှ အာမက်ဒ် ပရိုက်ယိုဂါ အမည်ရတဲ့ ၁၉ နှစ်အရွယ် ဆယ်ကျော်သက်တဦးဖြစ်ပြီး အံ့ဖွယ်စွမ်းရည်တွေကြောင့် နာမည်ကြီးနေပါတယ်။ သူ့ရဲ့ ခြေလက်အင်္ဂါတွေဟာ မွေးရာပါ မပါရှိတာတော့ မဟုတ်ပါဘူး။ လွန်ခဲ့တဲ့ ၂ နှစ်လောက်က ဖြစ်ခဲ့တဲ့ မတော်တဆ ထိခိုက်မှုတခုကြောင့် လက်တွေ၊ ခြေထောက်တွေကို ဆုံးရှုံးခဲ့ရတာပါ။ ဒါပေမယ့် သူဖြစ်ချင်တဲ့ အိပ်မက်ကိုတော့ လက်မလွှတ်ခဲ့ဘဲ ကြိုးစားခဲ့ပါတယ်။ ရှုမျှော်ခင်းပုံ ပန်းချီကားတွေကို အသက်ဝင်လာအောင် ပါးစပ်မှာ စုတ်တံကို ကိုက်ချီထားပြီး ဦးခေါင်းကို ဟိုဘက်၊ သည်ဘက်ရွေ့လျားကာ ဆေးခြယ်ပုံသွင်းနေခဲ့တဲ့ သူ့ရဲ့ ဖန်တီးနိုင်စွမ်းကိုတော့ ဒီရုပ်သံဗွီဒီယိုဖိုင်ထဲမှာ တွေ့ရမှာပါ။ “ကျနော့်ဘဝကို ဆေးရောင်တွေနဲ့ ဖြည့်တင်းထားချင်ပါတယ်။ ပန်းချီဆွဲတာက ကျနော့်ကို လူပီပီသသ နေထိုင်ခွင့်ရစေပြီး ကျနော် အသက်ရှင်နေနိုင်ရတဲ့ အကြောင်းပြချက်ကို ပေးပါတယ်။” ခုလို ဆိုးဝါးတဲ့ အလှည့်အပြောင်း မကြုံခင်အချိန်တုန်းက အာမက်ဒ်က လမ်းဘေး ဈေးသည်တယောက်အဖြစ် အလုပ်လုပ်ခဲ့တာဖြစ်ပြီး လျှပ်စစ်ကေဘယ်လ်ကြိုးကို ထိကိုင်မိကာ သူ့ခန္ဓာကိုယ်အနှံ့ လောင်ကျွမ်းမှုတွေ ဖြစ်ခဲ့သေးတယ်လို့ ဆိုပါတယ်။

4 years Ago