အေးမွန်ရာပြည့်

January 17, 2016

လည်ပတ်စရာတွေ ပြည့်နေတဲ့ တောင်ပေါ်မြို့လေး

မြန်မာနိုင်ငံ အင်္ဂလိပ်ကိုလိုနီလက်အောက်ကျချိန်အတွင်းမှာ အင်္ဂလိပ်တွေကိုယ်တိုင် တည်ခဲ့ပြီး ကိုလိုနီလက်ရာအဆောက်အဦးဟောင်းတွေ မပျောက်မပျက်ရှိနေသေးတဲ့ တောင်ပေါ်မြို့လေး တစ်မြို့နဲ့ ဒီတပတ်မှာ စာဖတ်သူတွေကို မိတ်ဆက်ပေးလိုက်ပါတယ်။ ကိုလိုနီခေတ်လက်ရာတွေနဲ့ တောင်ပေါ်မြို့လေးလိုဆိုလိုက်တာကြောင့် မိတ်ဆွေတွေမျက်စိထဲမှာ နာမည်ကျော်မေမြို့ (ပြင်ဦးလွင်မြို့)ကို ပြေးမြင်ကြမှာပါ။ တကယ်ကတော့ မဟုတ်ပါဘူး။ ရှမ်းပြည်နယ်အစပ်နားက တောင်တွေပတ်လည်ဝိုင်းထားလို့ ယောက်ချိုခွက်လေးလိုဖြစ်နေတဲ့ နေရာအခင်းအကျင်းမှာတည်ထားတဲ့ ကလောမြို့လေးအကြောင်းပဲဖြစ်ပါတယ်။ ကလောမြို့ဟာ အင်္ဂလိပ်တွေအချိန်အကြာဆုံးနေထိုင်သွားကြတဲ့မြို့ ဖြစ်တယ်လို့ မြို့ခံတွေက သိထားကြတယ်။ နောက်ဆုံးမြန်မာနိုင်ငံလွတ်လပ်ရေးရသွားချိ်န်မှာတောင် အင်္ဂလိပ်တွေဟာ ဒီမြို့လေးကနေ ထွက်မပေးသေးတာကြောင့် အနီးနားကတိုင်းရင်းသားတွေကိုယ်တိုင် ၀ိုင်းဝန်း နှင်ထုတ်ခဲ့ကြရတယ်လို့ ဆိုကြတယ်။ သူတို့မစွန့်နိုင်ဖြစ်ရလောက်အောင်လည်း ကလောမြို့လေး ရဲ့ ရာသီဥတုရော၊ ဒေသပတ်ဝန်းကျင်ရော၊ ရေခံမြေခံတွေကပါ အလွန်ကောင်းလွန်းလှတယ်။ အခုလိုအေးတဲ့အချိန်တွေဆိုရင် ချယ်ရီပန်းတွေဖောဖောသီသီနဲ့ ပွင့်နေပါပြီ။ ကလောမြို့ဟာ ပင်လယ်ရေမျက်နှာပြင်အထက် ၁၃၂၀မီတာ (၄၃၃၀ပေ) အမြင့်မှာတည်ရှိတဲ့ မြို့ကလေးပါ။ ရန်ကုန်၊ မန္တလေးမြို့ကြီးတွေကနေ အောင်ပန်း၊ ပင်းတယ၊ တောင်ကြီးမြို့တွေဆီ အလည်သွားရင် ဖြတ်ရမယ့် လမ်းခုလတ်မြို့လေးဖြစ်ပါတယ်။ ကလောမြို့ကိုသွားမယ်ဆိုရင် ကား၊ ရထား၊ လေယာဉ်ပျံအစရှိသဖြင့်သွားနိုင်ပါတယ်။ ကားနဲ့ ဆိုရင်တော့ ကလောကို တိုက်ရိုက်ကားမရှိပါဘူး။ တောင်ကြီးကားတွေနဲ့လိုက်ပြီး ကလောမြို့မှာ ဆင်းနေရမှာပါ။ ရထားနဲ့ဆိုရင်တော့ ရန်ကုန်-ရွှေညောင် ရထားနဲ့လိုက်စီးခဲ့ရမှာပါ။ မန္တလေး ဘက်ကနေတော့ ရထားသီးသန့်မရှိပါဘူး။ သာစည်ဘူတာကနေ တဆင့်သွားစီးကြရဦးမှာပါ။ လေယာဉ်နဲ့ဆိုရင်တော့ ဟဲဟိုးလေဆိပ်ကနေတဆင့် ကလောမြို့ကို ကားနဲ့ထပ်လာကြရမှာပဲ ဖြစ်ပါတယ်။ ပြည်တွင်းခရီးသွားတချို့ကတော့ ဖြတ်သွားဖြတ်လာမြို့အဖြစ်လောက်သာ ကလောမြို့ကို စိတ်ဝင်စားကြပါတယ်။ တကယ် ကလောမြို့တွင်းကို နှံ့နှံ့စပ်စပ် လေ့လာလည်ပတ်သူတွေကတော့ နိုင်ငံခြားသားတွေပါ။ ကလောမြို့နဲ့အနီးတ၀ိုက်က ပင်းတယ၊ ရွာငံ၊ အင်းလေး အစရှိတဲ့နေရာတွေကို တောကြမ်း လမ်းလျှောက်ဖို့ အခွင့်အရေးတွေအများကြီးရှိတာကလည်း နိုင်ငံခြားသားတွေကို စွဲဆောင်ထားသလို ဖြစ်နေတယ်လေ။ ကလောမြို့လို့ ဆိုလိုက်တာနဲ့  နိုင်ငံခြားသားခရီးသည်တွေဟာ တောကြမ်းခရီးသွားတာတွေကိုပဲ အဓိကတွဲမြင်လေ့လရှိကြတယ်။ ကလောမြို့ကနေ တစ်ညအိပ် ၂ ရက်၊  ၂ ညအိပ်သုံးရက်နဲ့ နေ့ချင်းပြန်ဆိုပြီး တောလမ်းခရီးစဉ်လမ်းကြောင်းအမျိုးမျိုးရှိတယ်။ ကလောကိုအခြေခံပြီး ခရီးအကွာအဝေးမိုင် ရေတွက်မယ်ဆိုရင် အင်းလေးအထိ ၄၂ မိုင်၊ ပင်းတယအထိ ၄၁ မိုင်၊ ရွာငံအထိ- ၃၄မိုင် အသီးသီးရှိပါတယ်။ လမ်းတလျှောက်က  ပအိုဝ်း၊ ပလောင်၊ တောင်ရိုးဓနု စတဲ့ဒေသခံတိုင်းရင်းသားတွေရဲ့ရွာတွေနဲ့ သူတို့အဓိကစိုက်ပျိုးနေကြတဲ့ မက်မန်းခြံတွေ၊ လိမ္မောခြံတွေ၊ လက်ဖက်ခြံတွေကို လေ့လာကြရတာကို နိုင်ငံခြားသားတွေက မက်မောကြတယ်။ ကလောမြို့ဧရိယာထဲမှာတော့ နိုင်ငံခြားသားတွေ အများဆုံးလေ့လာကြတာက ကလောဘူတာရုံ ပါ။ အင်္ဂလိပ်တွေတည်ခဲ့တဲ့ ကလောဘူတာရုံမှာ ၁၉၁၆ ခုနှစ်ကစပြီး ရထားပြေးဆွဲ ခဲ့တာကြောင့် အခု၂၀၁၆ ခုနှစ်မှာဆိုရင် ဒီဘူတာဟာနှစ်တစ်ရာပြည့်ပါပြီ။ ကလောဘူတာကိုတော့ နိုင်ငံခြားသား တွေရော၊ ပြည်တွင်းက စိတ်ပ်ဝင်စားသူတွေပါ မကြာမကြာလာပြီး လေ့လာကြတယ်။ ဓာတ်ပုံရိုက် ကြတယ်။ ကလောဘူတာဟာ ကလောမြို့မဈေးရဲ့ အရှေ့တောင်ဘက်ကျကျလောက်မှာပါ။ ကလောဘူတာလိုပဲ သက်တမ်းရင့်အဆောက်အဦတွေ ကလောမြို့ထဲမှာ အများကြီး ရှိနေသေး တယ်။ အရေအတွက်အတိအကျသိချင်လို့ ဒေသခံတချို့ကို မေးမြန်းကြည့်တယ်။ သေချာရေတွက် ကြည့်မယ်ဆိုရင် အဆောက်အဦးတွေ အရေအတွက်တစ်ရာလောက်ရှိမယ်လို့ ဆိုကြတယ်။ ကိုလိုနီလက်ရာအထင်အရှားကျန်တဲ့ အဆောက်အဦတွေကတော့ လက်ရှိကလောဟိုတယ်ပါ။ ဒီကလောဟိုတယ်ကို ၁၉၀၆မှာ တည်ဆောက်ခဲ့တာပါတဲ့။ ပြီးရင် Amara resort၊   Kalaw Hill Lodge villa တို့ဟာ ရှေးတုန်းကအဆောက်အဦးတွေကို ပြန်ပြုပြင်ထားတာတွေပဲ ဖြစ်ပါတယ်။ အင်္ဂလိပ်ခေတ်ကလက်ကျန် ဆေးရုံဟာလည်း ကလောမြို့မှာ ဒီနေ့အထိ ရှိနေသးတယ်။ ဒါပေမယ့် လက်ရှိအချိန်မှာ စစ်ဆေးရုံလုပ်ထားပါတယ်။ ကနောင်ဆောင်ဆိုတဲ့ အမည်နဲ့ပါ။ ကျန်တဲ့မထင်မရှားအဆောက်အဦးတွေကတော့ လူနေရပ်ကွက်တွေထဲမှာ မြုပ်နေတယ်။ ကလောဒေသခံတွေဟာ သူတို့ရဲ့ဘိုးဘွားဘီဘင်ကအဆောက်အဦးတွေကို ထိခိုက်လိုစိတ် မရှိကြပါဘူး။ မူရင်းအဆောက်အဦးကို မူရင်းအတိုင်းပဲ ထားကြတယ်။ သူတို့ ကိုယ်တိုင်ကတော့ ခြံလုပ်ငန်းလုပ်ကိုင်စားသောက်ပြီး တဲနဲ့သာ နေရင်နေမယ်။ သူတို့ပိုင်တဲ့ အဆောင်အဦကြီးတွေ ကိုတော့ ပြန်လည်ရောင်းချတာမျိုး၊ ငှားတာမျိုးဆိုတာ မလုပ်ကြပါဘူး။ ကလောမြို့ဟာ ရှုခင်းကြည့်စရာ အင်မတန်ကောင်းလွန်းလှတဲ့မြို့လည်း ဖြစ်တယ်။ တချို့အလွမ်းဓာတ်ခံ ရှိသူတွေဆိုရင်တော့ လွမ်းစရာကောင်းတဲ့မြို့လေးအဖြစ်လည်း ခံစားနိုင်မှာပါ။ ကလောမြို့လေးကို မြေပြင်အနိမ့်အမြင့်အတက်အကျတွေပေါ်မှာတည်ထားတာဖြစ်လို့ ဖြတ်သွားဖြတ်လာ ကြည့်လိုက်မိရင် တချို့အိမ်တွေက လမ်းရဲ့အောက်မှာရောက်နေပြီး တချို့အိမ်တွေက တောင်ပေါ်မှာရောက်နေသလို ဖြစ်နေတယ်။ တချို့အိမ်တွေကတော့ တောင်ကမ်းပါးယံလေးမှာ တည်းတည်းလေးဆောက်ထားသလိုမျိုး၊ ဒီအိမ်တွေကိုသွားဖို့အတွက် တောင်ကမ်းပါးမှာ လှေကားထစ်လေးတွေဖော်ထားသေးတယ်။ ဒါကိုက ကလောမြို့ရဲ့ အမှတ်သင်္ကေတလေး တစ်ခုလိုဖြစ်နေတယ်။ ကလောမြို့နဲ့အနီးနားမှာ ပြည်တွင်းခရီးသွားတွေ လည်စရာနေရာတွေလည်း အများကြီးပါ။ ရွှေဥမင်ဂူဘုရား၊ နှီးဘုရား၊ သိမ်တောင်ဘုရား၊ အောင်ချမ်းသာဘုရား၊ ဆုတောင်းပြည့်ဘုရားတွေ ရှိတယ်။ သိမ်တောင်ကျောင်းပေါ်ကနေကြည့်ရင် ရှုခင်းတွေအရမ်းလှတယ်လို့ဆိုကြတယ်။ ပြည်တွင်းက အဖွဲ့လိုက်ခရီးသွားကြတဲ့ ခရီးသည်တွေအနေနဲ့ နှီးဘုရားမှာ အခမဲ့တည်းခိုနိုင်တယ်။ ပြည်တွင်းက ဧည့်သည်တွေ ကလောမြို့ရောက်ပြီဆိုရင် မလုပ်မဖြစ်လုပ်ကြတာကတော့ ရှော့ပင်း(ဈေးဝယ်)ထွက်တာပဲ။ ကလောမြို့မဈေးထဲမှာ ဒေသထွက်ပစ္စည်းတွေ၊ အိတ်ကြီးအိတ်ငယ် အသွယ်သွယ်နဲ့ ၀ယ်ကြတယ်။ တချို့ကကျတော့ ကလောမြို့ကိုရောက်ပြီဆိုရင် မြို့မဈေးထဲက စားသောက်တန်းကိုမဖြစ်မနေသွားပြီး ဟင်းထုပ်တို့၊ ငါးထမင်းနယ်၊ ၀က်သားချဉ်၊ တို့ဟူးကြော်၊ တို့ဟူးနွေး စတဲ့ ဒေသစာတွေ စားကိုစားလိုက်ရမှ။ မြို့မဈေးရဲ့အရှေ့ဘက်မှာ ငါးရက်ကို တစ်ကြိမ်ကျင်းပတဲ့ ကလောဈေးနေ့နဲ့ဆုံရင်တော့ တိုင်းရင်းသားတွေကိုယ်တိုင် လာရောက်ရောင်းချတဲ့ လတ်ဆတ်ကော့ပျံနေတဲ့ ဟင်းသီးဟင်းရွက် တွေနဲ့ ကြုံကြရမယ်။ သူတို့တွေကို မ၀ယ်ဝယ်အောင်ကို ဟင်းသီးဟင်းရွက်တွေက အပြိုင်အဆိုင်စွဲဆောင်နေလိုက်ကြတာ ဈေးနေ့နဲ့ကြုံဖူးဆုံဖူးသူတွေသာ သိနိုင်မှာပါ။ ကလောမြို့ကလေးဟာ ပြည်တွင်းပြည်ပကလာရောက်ကြတဲ့ ဧည့်သည်တွေအတွက် ခဏတဖြုတ်လာရောက် အပန်းဖြေစရာ မြို့ကလေးဖြစ်တာကြောင့် ခရီးသွားရာသီတွေမှာတော့ နိုင်ငံခြာသားတွေရော၊ ပြည်တွင်းကခရီးသွားအဖွဲ့တွေနဲ့ပါပြည့်ပြီး စည်ကားနေတတ်တယ်။ ကျန်တဲ့ကာလတွေမှာတော့ ခရီးသွားတွေ တဖြောက်ဖြောက်သာရှိတယ်။ ခရီးသွားရာသီမဟုတ်တဲ့ အချိန်တွေမှာတော့ ပုံမှန်စိုက်ပျိုးရေးလုပ်ငန်းတွေလောက်သာ အလုပ်ဖြစ်ကြတယ်။ စိုက်ပျိုးရေးအဓိကလုပ်တဲ့ ကလောမြို့ကနေ ဟင်းသီးဟင်းရွက်တွေ အများဆုံးထွက်တယ်။ ဟင်းသီးဟင်းရွက် သစ်သီးဝလံတွေပြီးရင် နောက်တခု ကလောမြို့ကနေ အထွက်အများဆုံး ကတော့ ဗိုလ်ချုပ်တွေပါပဲ။ ဟုတ်ပါတယ်။ ကလောမြို့မှာ စစ်ဦးစီးတက္ကသိုလ်ရှိလို့ ကလောမြို့ပေါ်မှာ စစ်ဘက်ဆိုင်ရာအရာရှိတွေရဲ့ စစ်ကားတွေကို မကြာခဏတွေ့ရတတ်ပါတယ်။ နောက်ထပ်အပေါဆုံးအရာတွေကတော့ အမျိုးစုံလင်လွန်းလှတဲ့ တည်းခိုစရာနေရာတွေပါ။ အင်း၊မိုတယ်တွေကအစ ဟိုတယ်တွေ၊ resort တွေ အရောင်အသွေးမျိုးစုံပဲ။ ပြီးတော့ စားသောက်ဆိုင်တွေ အများမှ အများ ကြီးပါပဲ။ ရန်ကုန်၊ မန္တလေးမြို့ကြီးတွေနဲ့လည်း သိပ်မဝေးလွန်းမနီးလွန်း၊ နေရထိုင်ရတာကလည်း သက်တောင့်သက်သာဖြစ်၊  ရှုခင်းရှုကွက်တွေလည်းလည်းအရမ်းကောင်း၊ ရာသီဥတုကလည်း သာယာလွန်း…စတဲ့ ဂုဏ်ပုဒ်များစွာနဲ့ပြည့်စုံနေတဲ့ ကလောမြို့လေးဟာ မြန်မာပြည်ထဲက တကယ့်အဖိုးထိုက်တန်တဲ့ရတနာလေး တပါးလိုကို ဖြစ်နေပါရဲ့….။ အေးမွန်ရာပြည့်
5 years Ago

November 10, 2015

ရွေးကောက်ပွဲနေ့မှာ သတင်းသမားတဦး အတွေ့အကြုံ

မနက် ၄ နာရီခွဲတာနဲ့ ဖုန်းက ဒင်ကနဲ..ဂွမ်ကနဲ..၀င်လာတယ်။ ကြည့်လိုက်တော့ မိတ်ဆွေ သတင်းသမားတဦးရဲ့ ဖုန်းနံပါတ်။ ထဖို့ လှမ်းပြီးဖုန်းဆက်ပေးတာ။ တကယ်တော့ ရွေးကောက်ပွဲမတိုင်ခင် တညလုံးကလည်း ရွေးကောက်ပွဲအတွက် စိတ်လှုပ်ရှားပြီး စောစောအိပ်မပျော်ဘူး။ သန်းခေါင်ကျော် ၁ နာရီထိုးခါနီးလေးလောက်ကမှ အိပ်ပျော်သွားတာကိုး။ ဒါပေမယ့် မနက်နိုးတော့လည်း အိပ်ရေးမ၀တာတွေ ဘာတွေ သိပ်တော့မဖြစ်ပါဘူး။ စိတ်ကပဲဆောင်နေလို့ ဖြစ်မယ်။ ဒါနဲ့ပဲ ချက်ချင်းထ၊ ပြင်ဆင်သင့်တာတွေ ပြင်ဆင်တယ်။ ပြင်ဆင်တယ်ဆိုတာ မဲရုံတွေထဲကို သွားပြီး သတင်းယူရင် မပါမဖြစ် ပါရမယ့် လည်ဆွဲကတ်ပြားတို့၊ ကင်မရာတို့၊ အသံသွင်းစက်တို့၊ မှတ်စုစာအုပ်တို့လိုမျိုးတွေ ပါ၊ မပါပြင်ဆင်ရတာကို ပြောတာပါ။ တကယ်တော့ ဒါတွေကို ရွေးကောက်ပွဲမတိုင်ခင်ညအချိန်ကတည်းက ကြိုတင်တော့ ပြင်ဆင်ထားပြီးသားပါ။ သေချာအောင် ထပ်ပြီး ပြန်စစ်ဆေးတဲ့သဘောပါပဲ။ အားလုံးပြီးတဲ့အချိန်မှာတော့ မနက် ၅ နာရီ ထိုးနေပြီ။ ၅ နာရီထိုးချိန်တွေမှာ မန္တလေးမြို့တွင်း လမ်းမတွေဟာ တိတ်ဆိတ်ငြိမ်သက်နေသေးတယ်။ ရပ်ကွက်ရုံးတွေမှာတော့ တာဝန်ရှိသူတွေက သူတို့လုပ်စရာရှိတာတွေ လုပ်နေကြပြီ။ ရုံးရှေ့မှာ စုစု..စုစုနဲ့ ရပ်နေကြတယ်။ မဲရုံတချို့မှာတော့ မဲပေးဖို့ လူတွေ တန်းစီနေတာတွေ့ နေရပြီ။ တချို့မဲရုံတွေမှာတော့ လူတွေ တဦးစ နှစ်ဦးစ တန်းစီနေကြပေမယ့်လည်း တချို့မဲရုံတွေမှာတော့ လူတန်းကြီးက ၂၀ ကျော် ၃၀ ကျော်လောက်ရှိပါမယ်။ ဒါနဲ့ပဲ ဆိုင်ကယ်လေးကို ခဏရပ်ပြီး လူတန်းကြီးကို ဓာတ်ပုံ ရိုက်တယ်။ မဲပေးတဲ့သူတွေထဲမှာ လူကြီးပိုင်းနဲ့ လူလတ်ပိုင်းအရွယ်တွေ များတယ်။ ဓာတ်ပုံရိုက်ပြီးတော့ မီဒီယာသမားတွေ စုရပ်အဖြစ်ချိန်းထားတဲ့နေရာကို သွားတယ်။ အားလုံးစုပြီး နန်းတွင်းထဲက တပ်မဲရုံတွေကို သွားသတင်းယူဖို့ ချိန်းထားကြတာပါ။ နန်းတွင်းရှေ့ကို ရောက်တော့ မနက် ၆ နာရီ ၁၅ မိနစ်ရှိနေပြီ။ မီဒီယာသမားတွေနဲ့ စောင့်ကြည့်ရေးလုပ်မယ့်သူတွေ အကုန်လုံး နန်းတွင်းထဲ ၀င်ချင်ရင် အရှေ့ဘက်အပေါက်ဝတခုတည်းကသာ ၀င်ခွင့်ပြုမယ်လို့ ကော်မရှင်တာဝန်ရှိသူတွေက ဆိုထားတာကြောင့် ဒီအပေါက် တပေါက်တည်းမှာသာ လူတွေ တစ်နေကြတယ်။ နန်းတွင်းထဲဝင်ဖို့ကိုလည်း ၀င်ပေါက်မှာ တော်တော်စောင့်ယူလိုက်ရတယ်။ ကော်မရှင် ထောက်ခံချက်လည်ဆွဲတွေ ပါတာကို အဲ့ဒီလည်ဆွဲတွေကို ဓာတ်ပုံရိုက်ယူတယ်။ စာအုပ်ထဲမှာ မှတ်တမ်းတင်တယ်။ စီးလာတဲ့ ဆိုင်ကယ်နံပါတ်ကအစ။ အားလုံးပြီးတဲ့အခါမှာတော့ စစ်တပ်ယူနီဖောင်း ၀တ်ထားတဲ့ အရာရှိတဦးက ဗန်ကားလေးနဲ့ မဲရုံကို လိုက်ပို့ပေးတယ်။ နန်းတွင်းထဲက အောင်မြေသာစံမြို့နယ်၊ မဲရုံအမှတ် ၃ ကိုပါ။ မဲရုံကိုရောက်သွားတော့ စောင့်နေတဲ့ လူတန်းကြီးက တော်တော်ကြီးကို အရှည်ကြီးပါ။ တပ်မိသားစုတွေအများဆုံး ပါပါတယ်။  တခြားမီဒီယာသမားတွေနည်းတူ ဓာတ်ပုံရိုက်၊ မေးမြန်းသင့်တာလေးတွေ မေးမြန်းခဲ့ပါတယ်။ ဒီမဲရုံကနေတဆင့် တခြားမဲရုံကို နောက်ထပ်အမျိုးသားတဦးက လိုက်ပို့ပြန်ပါတယ်။ လိုက်ပို့တဲ့သူက ချက်ချင်း လိုက်ပို့တာ မဟုတ်ပဲ သူကိုယ်တိုင်ဆိုင်ကယ်နဲ့အရင် သတင်းပို့တယ်။ သတင်းပို့ပြီးမှ တခါပြန်လာခေါ်တာပါ။ သူလိုက်ပို့တာကတော့ နန်းတွင်းထဲက ရန်အောင်မြင်ခန်းမမှာ ဖွင့်လှစ်ထားတဲ့ မဲရုံပဲဖြစ်ပါတယ်။ ဒီမဲရုံဟာ နန်းတွင်းထဲမှာ အကြီးဆုံးမဲရုံတရုံ ဖြစ်ပါတယ်။ နန်းတွင်းထဲကို ဘယ်ပါတီကမှ စည်းရုံးရေးဆင်းခွင့်ပေးမထားပါဘူး။ နန်းတွင်းထဲက စစ်တပ်တာဝန်ရှိသူတွေနဲ့ တပ်မိသားစုဝင်တွေ အားလုံးအတွက် စုစုပေါင်းမဲရုံ ၁၇ ရုံ ရှိနေပါတယ်။ 2015-11နန်းတွင်းထဲက ထွက်လာတော့ ၉ နာရီ ထိုးတော့မယ်။ ဒါနဲ့ လက်ဖက်ရည်ဆိုင်မှာ သတင်းသမားတွေစုပြီး မနက်စာ တစ်ခုခုစားကြတယ်။ စားပြီးတဲ့အချိန်မှာတော့ လူစုခွဲလိုက်ကြတယ်။ ကိုယ်သွားလေ့လာချင်တဲ့ နေရာတွေကို လွတ်လွတ်လပ်လပ် သွားလေ့လာနိုင်ကြဖို့ပေါ့။ နန်းတွင်းထဲ သွားရင်သာ ရစ်မှာစိုးတာကြောင့် အဖွဲ့လိုက်စုပြီးသွားရတာ ပိုပြီး အဆင်ပြေပေမယ့် မြို့တွင်းမဲရုံတွေကိုတော့ ကိုယ့်အစီစဉ်နဲ့ ကိုယ်လွတ်လွတ်လပ်လပ်သွားပြီး သတင်းယူရတာ ပိုအဆင်ပြေတာကိုး။ သူတို့နဲ့ လူစုခွဲပြီးနောက်မှာတော့ မန္တလေးတက္ကသိုလ်ထဲက မဲရုံ ၂ ရုံကို ၀င်လေ့လာတယ်။ တက္ကသိုလ်နယ်မြေအ၀န်းအ၀ိုင်းထဲမှာ ရှိနေတဲ့ ဆရာနဲ့ ဆရာမတွေ၊ ၀န်ထမ်းတွေနဲ့ သူတို့ရဲ့ မိသားစုတွေ အကုန်မဲပေးနိုင်တဲ့ မဲရုံ ၂ ရုံပါ။ ဒီပရ၀ဏ်အ၀န်းဝိုင်းဟာလည်း နန်းတွင်းလိုပဲ ဘယ်ပါတီမှ မဲဆွယ်စည်းရုံးခွင့်မပြုတဲ့ နယ်မြေပဲ ဖြစ်ပါတယ်။ မဲပေးလာကြတဲ့သူတွေထဲမှာ ဆရာနဲ့ ဆရာမတွေလို ပညာတတ်အသိုင်းအ၀ိုင်းတွေပါသလို အခြေခံဝန်ထမ်းမိသားစုတွေလည်း ပါဝင်တာ တွေ့ရတယ်။ မဲပေးပြီး ထွက်လာတဲ့ ခပ်နွမ်းနွမ်းအင်္ကျီနဲ့ အမျိုးသမီးကြီးတဦးနဲ့ တွေ့တော့ နည်းနည်းမေးမြန်းဖြစ်ခဲ့တယ်။ ‘ဘယ်ပါတီ၊ ဘယ်သူတွေဆိုတာကို ဘာမှမသိဘူး၊ သူများတွေပေးလို့သာ လာပေးတာ’ လို့ ပြန်ပြောသွားတယ်။ တက္ကသိုလ်ထဲက ထွက်လာပြီးနောက်မှာတော့ တက္ကသိုလ်နားမှာပဲ ရှိတဲ့ လက်ရှိ မြို့တော်ဝန် မထည့်မယ့် မဲရုံကို ခဏတဖြုတ်ဝင်ခဲ့တယ်။ ကံပဲကောင်းချင်လို့လားမသိဘူး.. မြို့တော်ဝန် ဦးအောင်မောင်း မဲလာထည့်တာနဲ့ ကြုံလို့ ဓာတ်ပုံရခဲ့တယ်။ ရခဲ့တဲ့ဓာတ်ပုံလေးတွေ သတင်းဌာနကို တင်နိုင်ဖို့ ခဏနားတယ်။ သိပ်မကြာပါဘူး… မှတ်မှတ်ရရ ၁ နာရီလောက်ကြာတဲ့အချိန်မှာတော့ သတင်းတပုဒ် ထပ်တက်လာပြန်ပါတယ်။ နေမကောင်းတဲ့အဖေရဲ့ကိုယ်စား သားဖြစ်သူက မဲလာပေးတဲ့အတွက် ရဲစခန်းမှာ အမှုဖွင့်ထားတယ်ဆိုတဲ့ သတင်းပါ။ ဖြစ်တာက မန္တလေးမြို့ရဲ့ အနောက်ဘက်ကျကျမှာ… ကိုယ်ရောက်နေတဲ့နေရာက မြို့အရှေ့ဘက်မှာဖြစ်လို့ အသည်းအသန် ပြေးလွှားလိုက်ရတယ်။ ဒီသတင်းကိုလည်း တင်ဖို့ ကြိုးစားနေချိန်မှာပဲ ထပ်ပြီး သတင်းကြီးတခုဝင်လာပြန်တယ်။ လိုက်ထရပ် ကား ၆ စီးနဲ့ အငြင်းပွားဖွယ် အစုလိုက်အပြုံလိုက် မဲလာပေးကြတဲ့သတင်းပါ။ မဟာအောင်မြေမြို့နယ် ကော်မရှင်ရုံးရှေ့မှာ လူတွေ ပြုံတိုးနေပါတယ်။ နိုင်ငံခြားက သတင်းသမားတွေရော ပြည်တွင်းက သတင်းသမားတွေရေ၊ တက်ကြွသူမြို့ခံတွေရော အားလုံးဟာ ပုရွက်အုံတုတ်နဲ့ ထိုးထားသလို လှုပ်လှုပ်ရွရွနဲ့ပဲ။ ဒီသတင်းပြီးပြီးချင်း မီဒီယာသမားတွေနဲ့ အမေရိကန်သံအမတ်ကြီး ဒဲရစ်မစ်ချယ်နဲ့ တွေ့ဆုံပွဲ ကလည်း ရှိနေသေးတာကြောင့် ဓာတ်ပုံရိုက်၊ မေးသင့်တာတွေ မေးမြန်းပြီး ခပ်သုတ်သုတ်လေး ထွက်လာခဲ့တယ်။ ဒဲရစ်မစ်ချယ်နဲ့ တွေ့တဲ့ပွဲရောက်တော့ နောက်တောင်ကျနေပြီ… ဘာပြောသွားလဲ အပြည့်အစုံမသိရတော့ဘူးး ဓာတ်ပုံလေးပဲ ရိုက်နိုင်လိုက်တယ်။ ပြီးမှ တခြား သတင်းထောက်တယောက်ဆီကနေ အသံဖိုင်ပြန်ပြီး (share) တောင်းယူခဲ့ရတယ်။ ဒီပွဲကနေ ပြန်လာတော့ ၃ နာရီ စွန်းစွန်းရှိနေပြီ။ ကျူးကျော်နေထိုင်သူတွေနဲ့ ပတ်သက်ပြီး သွားမလို့ စဉ်းစားလိုက်ပေမယ့်လည်း မဲရုံတွေ ပိတ်ချိန်နီးလာတာကြောင့် အချိန်ကို သေချာပြန်တွက်ပြီး မသွားဘဲ နေလိုက်တယ်။ ဆန္ဒမဲလက်မှတ်တွေ ရေတွက်တာကို စောင့်ကြည့်ဖို့ ဘယ်မဲရုံသွားရမလဲ စဉ်းစားတယ်။ စောင့်ကြည့်ရေးအဖွဲ့တွေထဲက အကြံတောင်းယူတယ်။ သူတို့က လှုပ်လှုပ်ရှားရှားနဲ့ အသက်ဝင်နိုင်ဖွယ်ရှိတဲ့ မဲရုံရှိတယ်ဆိုပြီး ခေါ်သွားတယ်။ မဲရေတွက်တာသွားကြည့်တာကတော့ ကိုယ်တိုင်အပါအ၀င် ၃ ယောက်စုပြီး သွားကြတာပါ။  ရုပ်သံသတင်းထောက်တယောက်ပါတယ်။ မဲရှုံရှေ့ရောက်တော့ ကော်မရှင်လူကြီးတဦးက အော်လံနဲ့အော်ဖို့ ဟန်ရေးပြင်နေတယ်။ တအောင့်အကြာမှာတော့ ‘မဲရုံပိတ်ဖို့ မိနစ်ပိုင်းသာ လိုတော့လို့ မဲမပေးရသေးရင် လာမဲပေးကြဖို့’ ဆိုပြီး အော်လိုက်တယ်။ ၄ နာရီ မဲရုံပိတ်ပြီးတာနဲ့ တပြိုင်နက် မဲရုံအတွင်းက ကော်မရှင်တာဝန်ရှိသူတွေဟာ မဲရေတွက်ဖို့ များပြားလှတဲ့ လုပ်ငန်းစဉ်တွေကို လုပ်နေကြတယ်။ အလုပ်တွေ ရှုပ်နေကြတယ်။ အများစုကတော့ ဆရာမတွေပေါ့။ ဒီနေ့ ရွေးကောက်ပွဲနေ့ တနေ့လုံး ဆရာမတွေ တော်တော်ပင်ပန်းကြပါတယ်။ သူတို့မျက်နှာတွေမှာ နွမ်းနယ်နေတဲ့ အရိပ်ယောင်တွေ တွေ့နေရတယ်။ ဒါပေမယ့်လည်း မဲရေတွက်တာ အားလုံးပြီးမှ အိမ်ပြန်ကြရမှာဖြစ်ပါတယ်။ အားလုံးပြီးဖို့ဆို ည ၁၁ နာရီ၊ ၁၂ နာရီလောက်ထိ ရောက်သွားကြမှာပါ။ ကိုယ်စောင့်ကြည့်နေတဲ့ မဲရုံကတော့ ညနေ ၆ နာရီထိုးတဲ့အထိကို လည်တည်တည်ဖြစ်နေသေးတယ်။။ မဲတွေ မရေနိုင်သေးဘူး။ တနေကုန်မြို့နှံ့ပတ်ပြီး ဓာတ်ပုံရိုက်လိုက်၊ ထူးခြားသတင်းတွေ နားစွင့်ပြီး ပြေးလိုက်လုပ်ခဲ့ရ တာကြောင့် တကိုယ်လုံးဟာ ကိုင်ရိုက်ထားသလိုပဲ။ မလှုပ်နိုင်တော့ဘူး။ ဒါပေမယ့်လည်း မဲရေတွက်နေတဲ့ဆရာမတွေကို မြင်လိုက်ရတော့လည်း ကိုယ်ပင်ပန်းခဲ့တာ ဘာမှမဟုတ်သလို။ ၆ နာရီခွဲ၊ ၇ နာရီလောက်မှာမှ စပြီး မဲရေတွက်နိုင်တယ်။ မဲရေတွက်တာ ကြည့်နေရင်း တဖက်ကလည်း အင်တာနက်က တက်လာတဲ့သတင်းတွေကို မျက်ခြည်မပြတ် ကြည့်နေရသေးတယ်။ တချို့နေရာတွေမှာ အဖြေတွေ ထွက်နေကြပြီ။ မန္တလေးမြို့တွင်း တချို့နေရာတွေမှာ အန်အယ်လ်ဒီပါတီရဲ့ ရွေးကောက်ပွဲအဖြေတွေကို LED ဘုတ်ကြီးနဲ့ တိုက်ရိုက်လွှင့်ပေးနေတာကို ကြည့်နေတဲ့ လူအုပ်ကြီးဓာတ်ပုံတွေတွေ ဖေ့ဘုတ်ပေါ်မှာမြင်နေရပြီ။ အဲ့ဒီဘက်ကိုလည်း ပြေးပြီး ဓာတ်ပုံရိုက်ချင်စိတ်တွေ ထပ်ပေါ်လာပြန်တယ်။ ဒါနဲ့ပဲ ၇ နာရီခွဲလောက်မှာ မဲရေတွက်တဲ့ရုံထဲကနေ တိတ်တဆိတ်ပြန်ထွက်လာပြီး အဲဒီ လူအုပ်တွေ ရှိတဲ့နေရာကို ထွက်လာခဲ့တယ်။ အပြင်ရောက်တော့ မန္တလေးဆောင်းဟာ အနည်းငယ်အသက်ဝင်စပြုနေပြီ။ ချမ်းချမ်းအေးအေးလေးနဲ့ နေလို့ ကောင်းနေတယ်။ ပါတီကြီး ၂ ခု ဖြစ်တဲ့ ပြည်ခိုင်ဖြိုးနဲ့ အန်အယ်လ်ဒီပါတီကြီးတွေရဲ့ တိုင်းရုံးချုပ်ရှေ့တွေမှာ ဘာတွေများ ထူးခြားမလဲ ဖြတ်ကြည့်မိတယ်။ ပြည်ခိုင်ဖြိုးရုံးချုပ်အဆောက်အအုံကြီးဟာ သံပန်းတံခါးနဲ့ ပိတ်ထားခံရတယ်။ သူ့အရှေ့မှာလည်း လူတယောက်မှ မရှိဘူး။ အန်အယ်လ်ဒီပါတီ တိုင်းရုံးကိုရောက်တော့ လူအုပ်ကြီးပဲ၊ ဆိုင်ကယ်တွေရော၊ ကားတွေရောပြည့်ကြပ်နေတယ်။ မန္တလေးတိုင်းတခုလုံးက ရွေးကောက်ပွဲရလဒ်တွေကို အချိန်နဲ့ တပြေးညီ ဖော်ပြပေးနေတဲ့ အယ်လ်အီးဒီဘုတ်ကြီး နှစ်ချပ်ထောင်ထားတယ်။ ဘုတ်ကြီးတွေအရှေ့မှာ လူအုပ်ကြီး… တဟေးဟေးနဲ့… အော်နေကြတာ… ဘောလုံးကွင်းထဲ ရောက်နေသလိုပါပဲ။ ဖွင့်ထားတဲ့ဆောင်းဘောက်က သီချင်းတွေကိုလည်း တချက်တချက်မှာ လက်ခုပ်တီးရင်း လိုက်ဆိုနေကြသေးတယ်။ ရွေးကောက်ပွဲကော်မရှင်က အတည်ပြုတဲ့ နောက်ဆုံးရလဒ် အဖြေကတော့ ဘယ်လိုထွက်မယ်ဆိုတာ မသိပေမယ့် လူအုပ်ကြီးကတော့ အရမ်းကိုတက်ကြွနေတယ်။ ၁၀ နာရီထိုးခါနီးအချိန်မှာတော့ ဖုန်းမြည်လာပါတယ်….အိမ်ကနေ ‘တအားမနောက်ကျနဲ့’ ဆိုတဲ့ ရာဇသံပါတဲ့ ဖုန်းပါ။ ဒါနဲ့ပဲ ၁၀ နာရီအချိန်မှာတော့ အိမ်ကို တန်းတန်းမတ်မတ် ပြန်ခဲ့ပါတော့တယ်။ အပြန်လမ်းတလျှောက်မှာတော့ သတင်းထောက်တဦးအနေနဲ့ ၂၀၁၅ ရွေးကောက်ပွဲရက် တနေ့တာအတွင်းမှာ လုပ်ဆောင်ခဲ့တဲ့လုပ်ရပ်တွေအပေါ် ကျေနပ်အားရမှု ရှိခဲ့ရဲ့လား ဆိုပြီး ကိုယ့်ကိုယ်ကို ပြန်လည်မေးခွန်းထုတ်လာခဲ့ပါတယ်။ အေးမွန်ရာပြည့်
5 years Ago
More News
Up