အေအေတပ်ဖွဲ့ဝင်တဦး အလင်းဝင်ရောက်ဟု တပ်မတော်ထုတ်ပြန်

A d v e r t i s e m e n t With Us

July 7, 2019

အေအေတပ်ဖွဲ့ဝင်တဦး အလင်းဝင်ရောက်ဟု တပ်မတော်ထုတ်ပြန်

ကချင်ပြည်နယ်၊ ဗန်းမော်မြို့နယ်အတွင်း နယ်မြေလုံခြုံရေးဆောင်ရွက်လျက်ရှိတဲ့  တပ်မတော်စခန်းကို ဇွန်လ ၃၀ ရက်နေ့က အေအေအဖွဲ့ဝင် ၁ ဦး အလင်းဝင်ရောက်ခဲ့တယ်လို့ တပ်မတော်က ဇူလိုင် ၆ ရက်နေ့မှာ သတင်းထုတ်ပြန်ပါတယ်။  အလင်းဝင်ရောက်လာသူဟာ စစ်တွေတက္ကသိုလ်မှာ တတိယနှစ်အထိ တက်ရောက်ခဲ့ဖူးသူ ဖြစ်ပြီး  အေအေ အဖွဲ့ရဲ့ 2020 Arakan Dream ဖြင့်ဆွဲဆောင်စည်းရုံးမှုကြောင့် အေအေအဖွဲ့ကို ၀င်ရောက်ခဲ့တာလို့ ဖော်ပြထားပါတယ်။   အေအေအဖွဲ့က ရခိုင်ပြည်နယ်အတွင်း အများပြည်သူ သွားလာ အသုံးပြုလျက်ရှိတဲ့ လမ်းတွေမှာ မိုင်းထောင်၊ မိုင်းခွဲခြင်း၊ အပြစ်မဲ့ဒေသခံပြည်သူတွေကို ခြိမ်းခြောက်သတ်ဖြတ်တာတွေနဲ့ အေအေအဖွဲ့ရဲ့လမ်းစဉ်ကို အယုံအကြည် မရှိတော့လို့ ဥပဒေဘောင်အတွင်း ၀င်ရောက်လာတာလို့ ဆိုရပါတယ်။  သူနဲ့ ခင်မင်ရင်းနှီးအဆက်အသွယ်ရှိသူတွေရဲ့ ဆက်သွယ်ပြောဆိုမှုတွေအရ အခြေအနေပေးရင် တရားဥပဒေဘောင်အတွင်း ထပ်မံဝင်ရောက်လိုသူ အများအပြား ရှိနေနေတယ်ဆိုပြီး သတင်းထုတ်ပြန်ထားပါတယ်။   ဥပဒေဘောင်အတွင်း ၀င်ရောက်လာခဲ့သူကို တာဝန်ရှိသူတွေက လိုအပ်တဲ့ ကူညီထောက်ပံ့မှုတွေ  ဆောင်ရွက်ပေးနေတယ်လို့ သိရပါတယ်။  အေအေ တပ်ဖွဲ့ဝင်တဦး အလင်းဝင်ရောက်ခဲ့တယ်ဆိုပြီး တပ်မတော်ထုတ်ပြန်ချက်နဲ့ပတ်သက်ပြီး အေအေပြောခွင့်ရ ခိုင်သုခကို ဆက်သွယ်မေးမြန်းဖို့ ကြိုးစားပေမယ့် မရသေးပါဘူး။
2 years Ago
Up